| Что нового | Оглавление | Поиск | Закладки | Словарь | Вход | EN / RU |
АН 5.170 Наставление Бхаддаджи Палийский оригинал
| пали | Комментарии |
| 170.Ekaṃ samayaṃ āyasmā ānando kosambiyaṃ viharati ghositārāme. | |
| Atha kho āyasmā bhaddaji yenāyasmā ānando tenupasaṅkami; upasaṅkamitvā āyasmatā ānandena saddhiṃ sammodi. | |
| Sammodanīyaṃ kathaṃ sāraṇīyaṃ vītisāretvā ekamantaṃ nisīdi. | |
| Ekamantaṃ nisinnaṃ kho āyasmantaṃ bhaddajiṃ āyasmā ānando etadavoca – "kiṃ nu kho, āvuso bhaddaji, dassanānaṃ aggaṃ, kiṃ savanānaṃ aggaṃ, kiṃ sukhānaṃ aggaṃ, kiṃ saññānaṃ aggaṃ, kiṃ bhavānaṃ agga"nti? | |
| "Atthāvuso, brahmā abhibhū anabhibhūto aññadatthudaso vasavattī, yo taṃ brahmānaṃ passati, idaṃ dassanānaṃ aggaṃ. | |
| Atthāvuso, ābhassarā nāma devā sukhena abhisannā parisannā. | |
| Te kadāci karahaci udānaṃ udānenti – 'aho sukhaṃ, aho sukha'nti! | |
| Yo taṃ saddaṃ suṇāti, idaṃ savanānaṃ aggaṃ. | |
| Atthāvuso, subhakiṇhā nāma devā. | |
| Te santaṃyeva tusitā sukhaṃ paṭivedenti, idaṃ sukhānaṃ aggaṃ. | |
| Atthāvuso, ākiñcaññāyatanūpagā devā, idaṃ saññānaṃ aggaṃ. | |
| Atthāvuso, nevasaññānāsaññāyatanūpagā devā, idaṃ bhavānaṃ agga"nti. | |
| "Sameti kho idaṃ āyasmato bhaddajissa, yadidaṃ bahunā janenā"ti? | |
| "Āyasmā kho, ānando, bahussuto. | |
| Paṭibhātu āyasmantaṃyeva ānanda"nti. | |
| "Tenahāvuso bhaddaji, suṇāhi, sādhukaṃ manasi karohi; bhāsissāmī"ti. | |
| "Evamāvuso"ti kho āyasmā bhaddaji āyasmato ānandassa paccassosi. | |
| Āyasmā ānando etadavoca – | |
| "Yathā passato kho, āvuso, anantarā āsavānaṃ khayo hoti, idaṃ dassanānaṃ aggaṃ. | |
| Yathā suṇato anantarā āsavānaṃ khayo hoti, idaṃ savanānaṃ aggaṃ. | |
| Yathā sukhitassa anantarā āsavānaṃ khayo hoti, idaṃ sukhānaṃ aggaṃ. | |
| Yathā saññissa anantarā āsavānaṃ khayo hoti, idaṃ saññānaṃ aggaṃ. | |
| Yathā bhūtassa anantarā āsavānaṃ khayo hoti, idaṃ bhavānaṃ agga"nti. | |
| Dasamaṃ. | |
| Āghātavaggo dutiyo. | |
| Tassuddānaṃ – | |
| Dve āghātavinayā, sākacchā sājīvato pañhaṃ; |
У Бхикку Бодхи отсутствует перевод стихов. Все комментарии (1) |
| Pucchā nirodho codanā, sīlaṃ nisanti bhaddajīti. |