| Что нового | Оглавление | Поиск | Закладки | Словарь | Вход | EN / RU |
СН 7.19 Помогающий матери Палийский оригинал
| пали | Комментарии |
| 205.Sāvatthinidānaṃ. | |
| Atha kho mātuposako brāhmaṇo yena bhagavā tenupasaṅkami; upasaṅkamitvā bhagavatā saddhiṃ sammodi. | |
| Sammodanīyaṃ kathaṃ sāraṇīyaṃ vītisāretvā ekamantaṃ nisīdi. | |
| Ekamantaṃ nisinno kho mātuposako brāhmaṇo bhagavantaṃ etadavoca – "ahañhi, bho gotama, dhammena bhikkhaṃ pariyesāmi, dhammena bhikkhaṃ pariyesitvā mātāpitaro posemi. | |
| Kaccāhaṃ, bho gotama, evaṃkārī kiccakārī homī"ti? |
kiccakārī - слово, обозначающее выполнение долга. Все комментарии (1) |
| "Taggha tvaṃ, brāhmaṇa, evaṃkārī kiccakārī hosi. | |
| Yo kho, brāhmaṇa, dhammena bhikkhaṃ pariyesati, dhammena bhikkhaṃ pariyesitvā mātāpitaro poseti, bahuṃ so puññaṃ pasavatī"ti. | |
| "Yo mātaraṃ pitaraṃ vā, macco dhammena posati; | |
| Tāya naṃ pāricariyāya, mātāpitūsu paṇḍitā; | |
| Idheva naṃ pasaṃsanti, pecca sagge pamodatī"ti. | |
| Evaṃ vutte, mātuposako brāhmaṇo bhagavantaṃ etadavoca – "abhikkantaṃ bho gotama, abhikkantaṃ, bho gotama - pe - upāsakaṃ maṃ bhavaṃ gotamo dhāretu ajjatagge pāṇupetaṃ saraṇaṃ gata"nti. |