Комментарий к разделу декламации о Судинне (Sudinnabhāṇavāravaṇṇanā)

24.Ito paraṃ tena kho pana samayena vesāliyā avidūretiādi yebhuyyena uttānatthaṃ.

Отсюда и далее отрывок, начинающийся со слов «в то время недалеко от Весали» (tena kho pana samayena vesāliyā avidūra), имеет по большей части очевидный смысл.

Tasmā anupadavaṇṇanaṃ pahāya yattha yattha vattabbaṃ atthi, taṃ tadeva vaṇṇayissāma.

Поэтому, оставив пословное комментирование, мы будем разъяснять только то, о чём необходимо сказать.

Kalandagāmoti kalandakā vuccanti kāḷakā, tesaṃ vasena laddhanāmo gāmo.

«Деревня Каланда» (kalandagāma): [местных] белок (kalandaka) называют [здесь] чёрными (kāḷaka); в связи с ними деревня получила название.

Kalandaputtoti gāmavasena laddhanāmassa rājasammatassa cattālīsakoṭivibhavassa kalandaseṭṭhino putto.

«Выходец из Каланды» (kalandaputta) — сын купца Каланды (kalandaseṭṭhi), обладавшего состоянием в сорок коти (400М) и уважаемого царём, получившего имя по названию деревни.

Yasmā pana tasmiṃ gāme aññepi kalandanāmakā manussā atthi, tasmā kalandaputtoti vatvā puna seṭṭhiputtoti vuttaṃ.

Но поскольку в той деревне были и другие люди по имени Каланда, то сказав «выходец из Каланды» (kalandaputta), затем сказано «сын купца» (seṭṭhiputta).

Sambahulehīti bahukehi.

«Со многими» (sambahulehi) означает с многочисленными.

Sahāyakehīti sukhadukkhāni saha āyanti upagacchantīti sahāyā, sahāyā eva sahāyakā, tehi sahāyakehi.

«С приятелями» (sahāyakehi) — те, кто вместе разделяют счастье и горе, называются приятелями (sahāya); «sahāya» — это то же самое, что «sahāyaka» ; с этими приятелями.

Saddhinti ekato.

«Вместе» (saddhiṃ) означает сообща.

Kenacideva karaṇīyenāti kenacideva bhaṇḍappayojanauddhārasāraṇādinā kiccena; kattikanakkhattakīḷākiccenātipi vadanti.

«По какому-то делу» (kenacideva karaṇīyena) означает по какому-то делу, связанному с торговлей товарами, взысканием долгов, напоминанием о сроках платежа и т. д.; говорят также, что это было связано с празднованием созвездия Каттика.

Bhagavā hi kattikajuṇhapakkhe vesāliṃ sampāpuṇi.

Ибо Благословенный прибыл в Весали во время светлой половины месяца Каттика.

Kattikanakkhattakīḷā cettha uḷārā hoti.

Празднование созвездия Каттика здесь бывает пышным.

Tadatthaṃ gatoti veditabbo.

Следует понимать , что он отправился туда ради этого.

Addasa khoti kathaṃ addasa?

«Увидел» (addasa kho) — как он увидел?

So kira nagarato bhuttapātarāsaṃ suddhuttarāsaṅgaṃ mālāgandhavilepanahatthaṃ buddhadassanatthaṃ dhammasavanatthañca nikkhamantaṃ mahājanaṃ disvā "kva gacchathā"ti pucchi.

Говорят, он, позавтракав, надев чистую верхнюю одежду, держа в руках гирлянды, благовония и мази, увидел множество людей, выходящих из города, чтобы увидеть Будду и послушать Дхамму. Он спросил их: «Куда вы идёте?»

"Buddhadassanatthaṃ dhammasavanatthañcā"ti.

Они ответили: «Чтобы увидеть Будду и послушать Дхамму».

Tena hi "ahampi gacchāmī"ti gantvā catubbidhāya parisāya parivutaṃ brahmassarena dhammaṃ desentaṃ bhagavantaṃ addasa.

Тогда [он сказал]: «В таком случае, я тоже пойду», и, пойдя, увидел Благословенного, окружённого четырьмя группами собрания, проповедующего Дхамму величественным голосом.

Tena vuttaṃ – "addasa kho - pe - desenta"nti.

Поэтому изречено: «Он увидел... [и так далее] ...проповедующего».

Disvānassāti disvāna assa.

«Увидев его» (disvānassa) [означает]: увидев его.

Etadahosīti pubbe katapuññatāya codiyamānassa bhabbakulaputtassa etaṃ ahosi.

«Подумал так» (etadahosi) — эта мысль возникла у благородного юноши, способного к освобождению, побуждаемого своими прежними заслугами.

Kiṃ ahosi?

Что он подумал?

Yaṃnūnāhampi dhammaṃ suṇeyyanti.

«Что, если и я послушаю Дхамму?»

Tattha yannūnāti parivitakkadassanametaṃ.

Здесь слово «что если» (yannūna) указывает на размышление.

Evaṃ kirassa parivitakko uppanno "yamayaṃ parisā ekaggacittā dhammaṃ suṇāti, aho vatāhampi taṃ suṇeyya"nti.

Говорят, у него возникло такое размышление: «Это собрание слушает Дхамму с сосредоточенным умом. О, если бы и я послушал её!»

Athakho sudinno kalandaputto yena sā parisāti idha kasmā "yena bhagavā"ti avatvā "yena sā parisā"ti vuttanti ce.

«Тогда Судина, выходец из Каланды, [подошёл] туда, где было то собрание» (atha kho sudinno kalandaputto yena sā parisā) — здесь, если спросят: почему сказали «туда, где было то собрание» (yena sā parisā), а не «туда, где был Благословенный» (yena bhagavā)?

Bhagavantañhi parivāretvā uḷāruḷārajanā mahatī parisā nisinnā, tatra na sakkā iminā pacchā āgatena bhagavantaṃ upasaṅkamitvā nisīdituṃ.

[Ответ]: Вокруг Благословенного сидело великое собрание из весьма почтенных людей. Придя позже всех, Судина не мог подойти прямо к Благословенному и сесть рядом.

Parisāya pana ekasmiṃ padese sakkāti so taṃ parisaṃyeva upasaṅkamanto.

Однако он мог сесть на одном краю собрания, поэтому он подошёл именно к этому собранию.

Tena vuttaṃ – "atha kho sudinno kalandaputto yena sā parisā"ti.

Отсюда изречено: «Тогда Судина, выходец из Каланды, [подошёл] туда, где было то собрание».

Ekamantaṃ nisinnassa kho sudinnassa kalandaputtassa etadahosīti na nisinnamattasseva ahosi, atha kho bhagavato sittayūpasaṃhitaṃ thokaṃ dhammakathaṃ sutvā; taṃ panassa yasmā ekamantaṃ nisinnasseva ahosi.

«Когда Судина, выходец из Каланды, сел в стороне, у него возникла такая мысль» (ekamantaṃ nisinnassa kho sudinnassa kalandaputtassa etadahosi) — эта мысль возникла у него не сразу, как только он сел, а после того, как он прослушал краткую проповедь Дхаммы, связанную с тройным обучением (sikkhattaya). Но поскольку эта мысль возникла у него, когда он сидел в стороне,

Tena vuttaṃ – "ekamantaṃ nisinnassa kho sudinnassa kalandaputtassa etadahosī"ti.

поэтому изречено: «Когда Судина, выходец из Каланды, сел в стороне, у него возникла такая мысль».

Kiṃ ahosīti?

Какая мысль?

Yathā yathā khotiādi.

«Насколько...» и так далее.

Tatrāyaṃ saṅkhepakathā – ahaṃ kho yena yena ākārena bhagavatā dhammaṃ desitaṃ ājānāmi, tena tena me upaparikkhato evaṃ hoti yadetaṃ sittayabrahmacariyaṃ ekampi divasaṃ akhaṇḍaṃ katvā carimakacittaṃ pāpetabbatāya ekantaparipuṇṇaṃ caritabbaṃ, ekadivasampi ca kilesamalena amalīnaṃ katvā carimakacittaṃ pāpetabbatāya ekantaparisuddhaṃ.

Вот краткое изложение этого: «Насколько я понимаю Дхамму, проповеданную Благословенным, когда я размышляю над ней, мне представляется так: эта святая жизнь, состоящая в тройном обучении (sikkhattaya), должна вестись совершенно полной, без единого дня нарушений, вплоть до последнего момента сознания, и совершенно чистой, не осквернённой грязью загрязнений ни на один день, вплоть до последнего момента сознания.

Saṅkhalikhitaṃ likhitasaṅkhasadisaṃ dhotasaṅkhasappaṭibhāgaṃ caritabbaṃ.

Её следует вести подобно отполированной раковине, подобно вымытой раковине.

Idaṃ na sukaraṃ agāraṃ ajjhāvasatā agāramajjhe vasantena ekantaparipuṇṇaṃ - pe - carituṃ.

Нелегко живущему в доме вести святую жизнь, абсолютно полную ... и т.д.

Yaṃnūnāhaṃ kese ca massuñca ohāretvā kasāyarasapītatāya kāsāyāni brahmacariyaṃ carantānaṃ anucchavikāni vatthāni acchādetvā paridahitvā agārasmā nikkhamitvā anagāriyaṃ pabbajeyyanti.

Что если я, сбрив волосы и бороду, облачившись и надев жёлтые одежды, подобающие тем, кто ведёт святую жизнь, выйдя из дома, [совершу] паббаджу из дома в бездомную жизнь?»

Ettha ca yasmā agārassa hitaṃ kasivāṇijjādikammaṃ agāriyanti vuccati, tañca pabbajjāya natthi; tasmā pabbajjā "anagāriyā"ti ñātabbā.

И здесь, поскольку домашние дела, такие как земледелие и торговля, приносящие пользу дому, называются «домашними делами» (agāriya), а в паббадже (pabbajjā) их нет, поэтому паббаджу следует понимать как «бездомную жизнь» (anagāriya)

Taṃ anagāriyaṃ pabbajjaṃ.

В эту бездомную жизнь, в паббаджу.

Pabbajeyyanti paribbajeyyaṃ.

«Уйти в монашество» (pabbajeyya) означает стать странником (paribbajeyya).

25.Aciravuṭṭhitāya parisāya yena bhagavā tenupasaṅkamīti sudinno avuṭṭhitāya parisāya na bhagavantaṃ pabbajjaṃ yāci.

25. «Вскоре после того как собрание разошлось, подошел к Благословенному» (aciravuṭṭhitāya parisāya yena bhagavā tenupasaṅkamīti) — Судинна не просил Благословенного о паббадже, пока собрание ещё не разошлось.

Kasmā?

Почему?

Tatrassa bahū ñātisālohitā mittāmaccā santi, te "'tvaṃ mātāpitūnaṃ ekaputtako, na labbhā tayā pabbajitu'nti bāhāyampi gahetvā ākaḍḍheyyuṃ, tato pabbajjāya antarāyo bhavissatī"ti saheva parisāya uṭṭhahitvā thokaṃ gantvā puna kenaci sarīrakiccalesena nivattitvā bhagavantaṃ upasaṅkamma pabbajjaṃ yāci.

Там присутствовало много его родственников, кровных близких, друзей и советников. Они могли бы схватить его за руки и утащить назад, говоря: «Ты единственный сын своих родителей, тебе не должно [совершать] паббаджу». [Подумав]: «Из-за этого возникнет препятствие для паббаджи», он поднялся вместе со всем собранием, отошёл на небольшое расстояние, а затем под предлогом какой-то телесной нужды повернул назад, подошёл к Благословенному и попросил о паббадже.

Tena vuttaṃ – "atha kho sudinno kalandaputto aciravuṭṭhitāya parisāya - pe - pabbājetu maṃ bhagavā"ti.

Поэтому сказано: «Тогда Судинна, сын Каланды, вскоре после того как собрание разошлось… и т. д. … „Паббаджу пусть мне [дарует] Благословенный!“» (atha kho sudinno kalandaputto aciravuṭṭhitāya parisāya - pe - pabbājetu maṃ bhagavā).

Bhagavā pana yasmā rāhulakumārassa pabbajitato pabhuti mātāpitūhi ananuññātaṃ puttaṃ na pabbājeti, tasmā naṃ pucchi – "anuññātosi pana tvaṃ sudinna mātāpitūhi - pe - pabbajjāyā"ti.

Благословенный же, поскольку со времени паббаджи царевича Рахулы не [дарует] паббаджу сыну, не получившего разрешения от родителей, спросил его: «Получил ли ты, Судинна, разрешение от своих родителей… [и так далее]… на паббаджу?» (anuññātosi pana tvaṃ sudinna mātāpitūhi - pe - pabbajjāyā)

26.Ito paraṃ pāṭhānusāreneva gantvā taṃ karaṇīyaṃ tīretvāti ettha evamattho veditabbo – dhuranikkhepeneva taṃ karaṇīyaṃ niṭṭhāpetvāti; na hi pabbajjāya tibbacchandassa bhaṇḍappayojanauddhārasāraṇādīsu vā nakkhattakīḷāyaṃ vā cittaṃ namati.

26. Далее, следуя по тексту, в выражении «завершив то дело» (taṃ karaṇīyaṃ tīretvā) смысл следует понимать так: завершив это дело просто путём сложения с себя бремени. Ведь разум того, кто горит сильным желанием [принять] паббаджу, не склоняется ни к торговле товарами, взысканию долгов, напоминанию о сроках платежа и тому подобному, ни к праздничным играм.

Amma tātāti ettha pana ammāti mātaraṃ ālapati; tātāti pitaraṃ.

[В выражении] «мама, папа» (amma tāta) словом «мама» (amma) обращаются к матери, а «папа» (tāta) — к отцу.

Tvaṃ khosīti tvaṃ kho asi.

«Ты ведь есть» (tvaṃ khosi) означает «ты ведь есть» (tvaṃ kho asi) [ракрытие сандхи].

Ekaputtakoti ekova puttako; añño te jeṭṭho vā kaniṭṭho vā natthi.

«Единственный сыночек» (ekaputtako) [означает]: всего один сыночек; другого [сына, то есть твоего] старшего или младшего [брата] нет.

Ettha ca "ekaputto"ti vattabbe anukampāvasena "ekaputtako"ti vuttaṃ.

И здесь, хотя следовало бы сказать «единственный сын» (ekaputto), жалостливо изрекли «единственный сыночек» (ekaputtako).

Piyoti pītijananako.

«Любимый» (piyo) означает «приносящий радость».

Manāpoti manavaḍḍhanako.

«Приятный» (manāpo) — «радующий сердце».

Sukhedhitoti sukhena edhito; sukhasaṃvaḍḍhitoti attho.

«Взращённый в довольстве» (sukhedhito) означает «взращённый в довольстве»; смысл в том, что он «взращённый в благополучии» (sukhasaṃvaḍḍhito).

Sukhaparihatoti sukhena parihato; jātakālato pabhuti dhātīhi aṅkato aṅkaṃ haritvā dhāriyamāno assakarathakādīhi bālakīḷanakehi kīḷamāno sādurasabhojanaṃ bhojiyamāno sukhena parihato.

«Оберегаемый в довольстве» (sukhaparihato) означает «оберегаемый в довольстве»: с самого рождения няньки переносили его с рук на руки, он играл в детские игрушки, такие как игрушечные кони и колесницы, его кормили вкусной пищей, его оберегали в довольстве.

Na tvaṃ, tāta sudinna, kiñci dukkhassa jānāsīti tvaṃ tāta sudinna kiñci appamattakampi kalabhāgaṃ dukkhassa na jānāsi; atha vā kiñci dukkhena nānubhosīti attho.

В выражении «Ты, дорогой Судинна, не знаешь какого-либо страдания» (na tvaṃ tāta sudinna kiñci dukkhassa jānāsi) смысл таков: ты, дорогой Судинна, не знаешь даже ничтожно малой доли страдания; или же: ты не испытываешь какого-либо страдания.

Karaṇatthe sāmivacanaṃ, anubhavanatthe ca jānanā; atha vā kiñci dukkhaṃ nassarasīti attho.

Здесь родительный падеж (sāmivacana) употреблён в значении творительного падежа (karaṇattha), а глагол «знать» (jānanā) — в значении «испытывать» (anubhavana). Или же смысл в том, что ты не помнишь какого-либо страдания;

Upayogatthe sāmivacanaṃ, saraṇatthe ca jānanā.

в этом случае родительный падеж (sāmivacana) употреблён в значении винительного падежа (upayogattha), а глагол «знать» (jānanā) — в значении «помнить» (saraṇa).

Vikappadvayepi purimapadassa uttarapadena samānavibhattilopo daṭṭhabbo.

В обоих этих вариантах толкования следует усматривать опущение одинакового падежного окончания первого слова перед последующим словом.

Taṃ sabbaṃ saddasatthānusārena ñātabbaṃ.

Всё это следует понимать в соответствии с грамматикой.

Maraṇenapi mayaṃ te akāmakā vinā bhavissāmāti sacepi tava amhesu jīvamānesu maraṇaṃ bhaveyya, tena te maraṇenapi mayaṃ akāmakā anicchakā na attano ruciyā, vinā bhavissāma; tayā viyogaṃ vā pāpuṇissāmāti attho.

В выражении «Даже из-за смерти мы расстанемся с тобой против своей воли» (maraṇenapi mayaṃ te akāmakā vinā bhavissāma) смысл таков: даже если бы твоя смерть наступила при нашей жизни, то и тогда из-за этой твоей смерти мы против своего желания, не по своей воле, расстались бы с тобой, то есть претерпели бы разлуку с тобой.

Kiṃ pana mayaṃ tanti evaṃ sante kiṃ pana kiṃ nāma taṃ kāraṇaṃ yena mayaṃ taṃ jīvantaṃ anujānissāma; atha vā kiṃ pana mayaṃ tanti kena pana kāraṇena mayaṃ taṃ jīvantaṃ anujānissāmāti evamettha attho daṭṭhabbo.

В выражении «Как же мы тебя» (kiṃ pana mayaṃ taṃ) смысл следует понимать так: если это так, то по какой же причине мы разрешим тебе, живому, [совершить паббаджу]? Или же: по какой причине мы разрешим тебе, живому, [совершить паббаджу]? Вот так здесь следует понимать смысл.

27.Tatthevāti yattha naṃ ṭhitaṃ mātāpitaro nānujāniṃsu, tattheva ṭhāne.

«Там же» (tattheva) [означает]: на том самом месте, где он стоял, когда родители не дали ему разрешения.

Anantarahitāyāti kenaci attharaṇena anatthatāya.

«На голой земле» (anantarahitāya) [означает]: на не покрытой какой-либо подстилкой.

28.Paricārehīti gandhabbanaṭanāṭakādīni paccupaṭṭhāpetvā tattha sahāyakehi saddhiṃ yathāsukhaṃ indriyāni cārehi sañcārehi; ito cito ca upanehīti vuttaṃ hoti.

28. В слове «веселись» (paricārehīti) имеется в виду: пригласив музыкантов, танцоров, актёров и прочих, услаждай и занимай свои чувства вместе с друзьями в своё удовольствие, направляя их то туда, то сюда.

Atha vā paricārehīti gandhabbanaṭanāṭakādīni paccupaṭṭhāpetvā tattha sahāyakehi saddhiṃ laḷa, upalaḷa, rama, kīḷassūtipi vuttaṃ hoti.

Или же «веселись» (paricārehīti) означает: пригласив музыкантов, танцоров, актёров и прочих, развлекайся, веселись, радуйся и играй там вместе с друзьями.

Kāme paribhuñjantoti attano puttadārehi saddhiṃ bhoge bhuñjanto.

«Наслаждаясь чувственными удовольствиями» (kāme paribhuñjantoti) означает: наслаждаясь благами вместе со своей женой и детьми.

Puññāni karontoti buddhañca dhammañca saṅghañca ārabbha dānappadānādīni sugatimaggasodhakāni kusalakammāni karonto.

«Накапливая заслуги» (puññāni karontoti) означает: совершая благие дела, очищающие путь в счастливые миры, такие как подношение даров и прочее, обращённые к Будде, Дхамме и Сангхе.

Tuṇhī ahosīti kathānuppabandhavicchedanatthaṃ nirālāpasallāpo ahosi.

«Промолчал» (tuṇhī ahosīti) означает, что он не вступал в разговор и не отвечал на него, чтобы пресечь продолжение беседы.

Athassa mātāpitaro tikkhattuṃ vatvā paṭivacanampi alabhamānā sahāyake pakkosāpetvā "esa vo sahāyako pabbajitukāmo, nivāretha na"nti āhaṃsu.

Затем его родители, трижды обратившись к нему и не получив никакого ответа, позвали его друзей и сказали: «Этот ваш приятель хочет получить паббаджу, удержите его!»

Tepi taṃ upasaṅkamitvā tikkhattuṃ avocuṃ, tesampi tuṇhī ahosi.

Те тоже подошли к нему и трижды обратились к нему, но и им он ничего не ответил.

Tena vuttaṃ – "atha kho sudinnassa kalandaputtassa sahāyakā - pe - tuṇhī ahosī"ti.

Поэтому сказано: «Тогда приятели Судинны, выходца из Каланды… и т. д. … промолчал» (atha kho sudinnassa kalandaputtassa sahāyakā …pe… tuṇhī ahosīti).

29.Athassa sahāyakānaṃ etadahosi – "sace ayaṃ pabbajjaṃ alabhamāno marissati na koci guṇo bhavissati.

29. Тогда у его друзей возникла такая мысль: «Если он умрёт, не получив паббаджи, в этом не будет никакой пользы.

Pabbajitaṃ pana naṃ mātāpitaropi kālena kālaṃ passissanti.

Если же он примет постриг, его родители смогут время от времени видеть его,

Mayampi passissāma.

и мы тоже будем его видеть.

Pabbajjāpi ca nāmesā bhāriyā, divase divase mattikāpattaṃ gahetvā piṇḍāya caritabbaṃ.

К тому же паббаджа — это тяжёлое бремя: изо дня в день нужно ходить за подаянием с глиняной чашей.

Ekaseyyaṃ ekabhattaṃ brahmacariyaṃ atidukkaraṃ.

Святая жизнь с одиночным ложем и одноразовым питанием чрезвычайно трудна.

Ayañca sukhumālo nāgarikajātiyo, so taṃ carituṃ asakkonto puna idheva āgamissati.

А он изнежен и привык к городской жизни. Не сумев вести такую жизнь, он снова вернётся сюда.

Handassa mātāpitaro anujānāpessāmā"ti.

Давайте же убедим его родителей дать разрешение».

Te tathā akaṃsu.

Они так и поступили.

Mātāpitaropi naṃ anujāniṃsu.

И родители разрешили ему.

Tena vuttaṃ – "atha kho sudinnassa kalandaputtassa sahāyakā yena sudinnassa kalandaputtassa mātāpitaro - pe - anuññātosi mātāpitūhi agārasmā anagāriyaṃ pabbajjāyā"ti.

Поэтому сказано: «Тогда друзья Судинны, сына Каланды, отправились к родителям Судинны, сына Каланды… и т. д. … "родители разрешили тебе паббаджу из дома в бездомную жизнь"» (atha kho sudinnassa kalandaputtassa sahāyakā yena sudinnassa kalandaputtassa mātāpitaro…pe… anuññātosi mātāpitūhi agārasmā anagāriyaṃ pabbajjāyā").

30.Haṭṭhoti tuṭṭho.

«Радостный» (haṭṭho) означает «радостный».

Udaggoti pītivasena abbhunnatakāyacitto.

«Ликующий» (udaggo) означает с телом и умом, возвышенными восторгом (pīti).

Katipāhanti katipayāni divasāni.

«Несколько дней» (katipāhaṃ) означает некоторое число суток.

Balaṃ gāhetvāti sappāyabhojanāni bhuñjanto, ucchādananhāpanādīhi ca kāyaṃ pariharanto, kāyabalaṃ janetvā mātāpitaro vanditvā assumukhaṃ ñātiparivaṭṭaṃ pahāya yena bhagavā tenupasaṅkami - pe - pabbājetu maṃ bhante bhagavāti.

«Набравшись сил» (balaṃ gāhetvā) означает: вкушая подходящую пищу и заботясь о теле путём умащения, омовения и прочего, восстановив телесные силы, он поклонился родителям и, покинув круг своих плачущих родственников, подошёл к Благословенному… и т. д. … «Паббаджу пусть мне [дарует] Благословенный!» (yena bhagavā tenupasaṅkami - pe - pabbājetu maṃ bhante bhagavā).

Bhagavā samīpe ṭhitaṃ aññataraṃ piṇḍacārikaṃ bhikkhuṃ āmantesi – "tena hi bhikkhu sudinnaṃ pabbājehi ceva upasampādehi cā"ti.

Благословенный обратился к стоявшему поблизости бхиккху, собиравшему подаяние: «В таком случае, бхиккху, даруй Судинне паббаджу и упасампаду» (tena hi bhikkhu sudinnaṃ pabbājehi ceva upasampādehi cā).

"Sādhu, bhante"ti kho so bhikkhu bhagavato paṭissuṇitvā sudinnaṃ kalandaputtaṃ jinadattiyaṃ saddhivihārikaṃ laddhā pabbājesi ceva upasampādesi ca.

«Хорошо, почтенный», и этот бхиккху принял Судинну, выходца из Каланды, в качестве своего сожителя (saddhivihārika), [даровал ему] паббаджу и упасампаду.

Tena vuttaṃ – "alattha khosudinno kalandaputto bhagavato santike pabbajjaṃ, alattha upasampada"nti.

Поэтому сказано: «Судинна, выходец из Каланды, получил паббаджу у Благословенного, получил упасампаду» (alattha kho sudinno kalandaputto bhagavato santike pabbajjaṃ, alattha upasampada).

Ettha pana ṭhatvā sabbaaṭṭhakathāsu pabbajjā ca upasampadā ca kathitā.

Хотя в этом месте во всех комментариях подробно разбираются паббаджа и упасампада,

Mayaṃ pana yathāṭhitapāḷivaseneva khandhake kathayissāma.

мы разъясним их в Кхандхаке в соответствии с тем, как они изложены в самом тексте Пали.

Na kevalañcetaṃ, aññampi yaṃ khandhake vā parivāre vā kathetabbaṃ aṭṭhakathācariyehi vibhaṅgekathitaṃ, taṃ sabbaṃ tattha tattheva kathayissāma.

И не только это: всё остальное, что подлежит объяснению в Кхандхаке или Париваре, но было разъяснено учителями Аттхакатхи в Вибханге, мы изложим именно в тех соответствующих местах.

Evañhi kathiyamāne pāḷikkameneva vaṇṇanā katā hoti.

Ведь когда комментарий даётся таким образом, толкование следует строго по порядку палийского текста.

Tato tena tena vinicchayena atthikānaṃ pāḷikkameneva imaṃ vinayasaṃvaṇṇanaṃ oloketvā so so vinicchayo suviññeyyo bhavissatīti.

Благодаря этому для тех, кто ищет те или иные решения, при обращении к этому толкованию Винаи в порядке палийского текста каждое конкретное решение будет легкодоступным для понимания.

Acirūpasampannoti aciraṃ upasampanno hutvā; upasampadato nacirakāleyevāti vuttaṃ hoti.

«Вскоре [получивший] упасампаду» (acirūpasampanno) — вскоре получивший упасампаду; имеется в виду, что спустя лишь короткое время после упасампады.

Evarūpeti evaṃvidhe evaṃjātike.

«Подобные» (evarūpa) означает «такого рода, такого типа».

Dhutaguṇeti kilesaniddhunanake guṇe.

«Добродетели очищения» (dhutaguṇa) означает «добродетели, стряхивающие осквернения (килесы)».

Samādāya vattatīti samādiyitvā gaṇhitvā vattati carati viharati.

«Приняв, следует» (samādāya vattati) означает: приняв и усвоив, он поступает, практикует и пребывает.

Āraññiko hotīti gāmantasenāsanaṃ paṭikkhipitvā āraññikadhutaṅgavasena araññavāsiko hoti.

«Был лесным жителем» (āraññiko hoti) означает: отвергнув жилища вблизи селений, он живёт в лесу в силу соблюдения дхутанги лесного жителя.

Piṇḍapātikoti atirekalābhapaṭikkhepena cuddasa bhattāni paṭikkhipitvā piṇḍapātikadhutaṅgavasena piṇḍapātiko hoti.

«Питался только подаянием» (piṇḍapātiko) означает: отвергая избыточные подношения пищи и отказываясь от четырнадцати видов трапез, он собирает пищу в чашу в силу соблюдения соответствующей дхутанги.

Paṃsukūlikoti gahapaticīvaraṃ paṭikkhipitvā paṃsukūlikadhutaṅgavasena paṃsukūliko hoti.

«Носил одежды из лохмотьев» (paṃsukūliko) означает: отвергая одежды, даруемые домохозяевами, он носит одежду из лохмотьев в силу соблюдения дхутанги ношения облачения из лохмотьев.

Sapadānacārikoti loluppacāraṃ paṭikkhipitvā sapadānacārikadhutaṅgavasena sapadānacāriko hoti; gharapaṭipāṭiyā bhikkhāya pavisati.

«Обходил без дома пропусков для сбора подаяния» (sapadānacāriko) означает: отвергая беспорядочный обход домов из жадности, он обходит дома последовательно один за другим в силу соблюдения соответствующей дхутанги; он заходит за подаянием в каждый дом по порядку.

Vajjigāmanti vajjīnaṃ gāmaṃ vajjīsu vā gāmaṃ.

«Селение Вадджи» (vajjigāma) означает «селение вадджийцев (личчхави)» или «селение в стране Вадджи».

Aḍḍhā mahaddhanātiādīsu upabhogaparibhogūpakaraṇamahantatāya aḍḍhā; ye hi tesaṃ upabhogā yāni ca upabhogūpakaraṇāni, tāni mahantāni bahulāni sārakānīti vuttaṃ hoti.

В выражении «aḍḍhā mahaddhanā» («богатые, обладающие великим богатством») и подобных: слово «aḍḍhā» («богатые») указывает на обилие предметов обихода и потребления; имеется в виду, что все их блага и средства для удовольствий велики, многочисленны и превосходны.

Nidhetvā ṭhapitadhanamahantatāya mahaddhanā.

На обилие накопленного и сокрытого имущества указывает [пассаж] «с огромным богатством» (mahaddhanā).

Mahābhogāti divasaparibbayasaṅkhātabhogamahantatāya mahābhogā.

На огромный объём их ежедневных расходов и потребления указывает [пассаж] «с огромным достоянием» (mahābhogā).

Aññehi upabhogehi jātarūparajatasseva pahūtatāya pahūtajātarūparajatā.

На то, что золота и серебра у них гораздо больше, чем других предметов потребления указывает [пассаж] «с изобилием золота и серебра» (pahūtajātarūparajatā).

Alaṅkārabhūtassa vittūpakaraṇassa pītipāmojjakaraṇassa pahūtatāya pahūtavittūpakaraṇā.

На обилие служащих украшением вещей, приносящих радость и восторг указывает [пассаж] «с изобилием украшений и ценностей» (pahūtavittūpakaraṇā).

Vohāravasena parivattentassa dhanadhaññassa pahūtatāya pahūtadhanadhaññāti veditabbā.

На обилие богатства и зерна, оборачиваемых в торговле указывает [пассаж] «Имеющие изобилие денег и зерна» (pahūtadhanadhaññā); так это следует понимать.

Senāsanaṃsaṃsāmetvāti senāsanaṃ paṭisāmetvā; yathā na vinassati tathā naṃ suṭṭhu ṭhapetvāti attho.

«Прибрав жилище» (senāsanaṃ saṃsāmetvā) – навести порядок в жилище; смысл в том, чтобы сложить всё аккуратно, дабы оно не испортилось.

Saṭṭhimatte thālipāketi gaṇanaparicchedato saṭṭhithālipāke.

«Ровно шестьдесят горшков варёной еды» (saṭṭhimatte thālipāke) означает шестьдесят горшков варёной еды по точному подсчёту.

Ekameko cettha thālipāko dasannaṃ bhikkhūnaṃ bhattaṃ gaṇhāti.

Каждый такой горшок вмещает еду для десяти бхиккху.

Taṃ sabbampi channaṃ bhikkhusatānaṃ bhattaṃ hoti.

Всё это вместе составляет еду для шестисот бхиккху.

Bhattābhihāraṃ abhihariṃsūti ettha abhiharīyatīti abhihāro.

В выражении «принесли подношение пищи» (bhattābhihāraṃ abhihariṃsu) слово «подношение» (abhihāra) означает то, что приносится.

Kiṃ abhiharīyati?

Что именно приносится?

Bhattaṃ.

Пища (bhattaṃ).

Bhattameva abhihāro bhattābhihāro, taṃ bhattābhihāraṃ.

Сама пища и есть подношение (bhattābhihāra), его, [то есть] это подношение пищи [они и принесли].

Abhihariṃsūti abhimukhā hariṃsu.

«Принесли» (abhihariṃsu) [означает]: принесли, прямо к [нему] (abhimukhā hariṃsu).

Tassa santikaṃ gahetvā āgamaṃsūti attho.

Смысл в том, что, взяв [эту еду], они пришли лично к нему (tassa santikaṃ gahetvā āgamaṃsu)».

Etassa kiṃ pamāṇanti?

Каков же объём этого подношения?

Saṭṭhi thālipākā.

Шестьдесят горшков.

Tena vuttaṃ – "saṭṭhimatte thālipāke bhattābhihāraṃ abhihariṃsū"ti.

Поэтому сказано: «принесли [почтенному Судинне] подношение пищи - ровно шестьдесят горшков с варёной едой» (saṭṭhimatte thālipāke bhattābhihāraṃ abhihariṃsu).

Bhikkhūnaṃ vissajjetvāti sayaṃ ukkaṭṭhapiṇḍapātikattā sapadānacāraṃ caritukāmo bhikkhūnaṃ paribhogatthāya pariccajitvā datvā.

«Раздал бхиккху» (bhikkhūnaṃ vissajjetvā) означает: поскольку он сам строго соблюдал дхутангу питания только подаянием и желал совершать последовательный обход домов, он отказался от этого подношения и отдал его для нужд бхиккху.

Ayaṃ hi āyasmā "bhikkhū ca lābhaṃ lacchanti ahañca piṇḍakena na kilamissāmī"ti etadatthameva āgato.

Ведь этот достопочтенный пришёл именно с такой мыслью: «Бхиккху получат подношение, а я не буду обременён заботами о принесённой пище».

Tasmā attano āgamanānurūpaṃ karonto bhikkhūnaṃ vissajjetvā sayaṃ piṇḍāya pāvisi.

Поэтому, действуя в соответствии с целью своего прихода, он раздал пищу бхиккху, а сам отправился собирать подаяние.

31.Ñātidāsīti ñātakānaṃ dāsī.

«Рабыня родственников» (ñātidāsī) означает «рабыня [принадлежащая] родственникам».

Ābhidosikanti pārivāsikaṃ ekarattātikkantaṃ pūtibhūtaṃ.

«Оставленное с вечера» (ābhidosikaṃ) означает: простоявшее ночь, то есть хранившееся более одной ночи и ставшее прокисшим.

Tatrāyaṃ padattho – pūtibhāvadosena abhibhūtoti abhidoso, abhidosova ābhidosiko, ekarattātikkantassa vā nāmasaññā esā, yadidaṃ ābhidosikoti, taṃ ābhidosikaṃ.

Значение слова таково: охваченное порчей прокисания - это то, что называется "испорченное" (abhidoso) [в значении "полностью испорчено"], именно это значение "испорченное" (abhidoso) будет соответствовать "оставленному со вчерашнего вечера" (ābhidosiko) [по сходному звучанию]; или же это просто название для еды, хранившееся более одной ночи [по изначальному значению abhidoso]; то что здесь "оставленное с вечера" (ābhidosiko) [в обоих значениях abhidoso] и есть то самое «оставленное с вечера» (ābhidosikaṃ) [что в исходном тексте].

Kummāsanti yavakummāsaṃ.

«Каша» (kummāsaṃ) означает «ячменная каша».

Chaḍḍetukāmā hotīti yasmā antamaso dāsakammakarānampi gorūpānampi aparibhogāraho, tasmā taṃ kacavaraṃ viya bahi chaḍḍetukāmā hoti.

«Собиралась выбросить» (chaḍḍetukāmā hoti) означает: поскольку эта пища была непригодна для употребления даже слугами, работниками или скотом, она хотела выбросить её наружу, словно мусор.

Sacetanti sace etaṃ.

«Если это» (sacetan) означает «если это» (sace etaṃ) [раскрытие сандхи].

Bhaginīti ariyavohārena ñātidāsiṃ ālapati.

Словом «сестра» (bhaginī) он обращается к рабыне своих родственников в благородной манере речи.

Chaḍḍanīyadhammanti chaḍḍetabbasabhāvaṃ.

«Подлежащее выбрасыванию» (chaḍḍanīyadhammaṃ) означает «Достигшее состояния того, что должно быть выброшено".

Idaṃ vuttaṃ hoti – "bhagini, etaṃ sace bahi chaḍḍanīyadhammaṃ nissaṭṭhapariggahaṃ, taṃ idha me patte ākirā"ti.

Смысл сказанного таков: «Сестра, если это подлежит выбрасыванию наружу и от этого уже отказались, положи это мне сюда, в чашу».

Kiṃ pana evaṃ vattuṃ labbhati, viññatti vā payuttavācā vā na hotīti?

«Но допустимо ли так говорить? Разве это не является намёком (viññatti) или косвенной речью (payuttavācā)?» —

Na hoti.

«Не является». —

Kasmā?

«Почему?» —

Nissaṭṭhapariggahattā.

«Потому что владение [этим] было оставлено».

Yañhi chaḍḍanīyadhammaṃ nissaṭṭhapariggahaṃ, yattha sāmikā anālayā honti, taṃ sabbaṃ "detha āharatha idha ākirathā"ti vattuṃ vaṭṭati.

Ведь в отношении любой вещи, которая подлежит выбрасыванию (chaḍḍanīyadhamma) и владение которой оставлено, к которой владельцы не питают привязанности (anālayā), уместно сказать: «Дайте [это], принесите [это], положите сюда».

Tathā hi aggaariyavaṃsiko āyasmā raṭṭhapālopi "chaḍḍanīyadhammaṃ kummāsaṃ idha me patte ākirā"ti (ma. ni. 2.299) avaca.

Так, достопочтенный Раттхапала, величайший из последователей благородного наследия (ariya-vaṃsa), сказал: «Положи мне сюда в чашу эту подлежащую выбрасыванию кашу».

Tasmā yaṃ evarūpaṃ chaḍḍanīyadhammaṃ aññaṃ vā apariggahitaṃ vanamūlaphalabhesajjādikaṃ taṃ sabbaṃ yathāsukhaṃ āharāpetvā paribhuñjitabbaṃ, na kukkuccāyitabbaṃ.

Поэтому всё подобное, подлежащее выбрасыванию, или иное никем не присвоенное (apariggahita) — лесные корни, плоды, лекарства и тому подобное — можно приносить и использовать по своему усмотрению, и не следует испытывать из-за этого сомнений (kukkuccāyitabba).

Hatthānanti bhikkhāggahaṇatthaṃ pattaṃ upanāmayato maṇibandhato pabhuti dvinnampi hatthānaṃ.

«Рук» (hatthānaṃ): обеих рук, начиная от запястья, когда [бхиккху] протягивает чашу для принятия подаяния.

Pādānanti nivāsanantato paṭṭhāya dvinnampi pādānaṃ.

«Ног» (pādānaṃ): обеих ног, начиная от края нижнего одеяния (nivāsana).

Sarassāti "sacetaṃ bhaginī"ti vācaṃ nicchārayato sarassa ca.

«Голоса» (sarassa): голоса достопочтенного Судинны, когда он произносил слова: «Если это то, сестра».

Nimittaṃ aggahesīti gihikāle sallakkhitapubbaṃ ākāraṃ aggahesi sañjāni sallakkhesi.

«Уловив характерные черты» (nimittaṃ aggahesi): уловила, узнала, рассмотрела его облик, замеченный ею ранее во времена его мирской жизни.

Sudinno hi bhagavato dvādasame vasse pabbajito vīsatime vasse ñātikulaṃ piṇḍāya paviṭṭho sayaṃ pabbajjāya aṭṭhavassiko hutvā; tena naṃ sā ñātidāsī disvāva na sañjāni, nimittaṃ pana aggahesīti.

Ведь Судинна ушёл в монахи на двенадцатом году [после Пробуждения] Благословенного, а на двадцатом году пришёл в дом своих родственников за подаянием, будучи сам уже восемь лет [принявшим] паббаджу. Из-за этого рабыня его родственников, едва увидев его, не узнала его сразу, но уловила его характерные черты.

Sudinnassa mātaraṃ etadavocāti atigarunā pabbajjūpagatena sāmiputtena saddhiṃ "tvaṃ nu kho me, bhante, ayyo sudinno"tiādivacanaṃ vattuṃ avisahantī vegena gharaṃ pavisitvā sudinnassa mātaraṃ etaṃ avoca.

«Сказала матери [почтенного] Судинны» (sudinnassa mātaraṃ etadavoca): не осмеливаясь обратиться к сыну своего господина, принявшему паббаджу и глубоко почитаемому, со словами: «Почтенный, неужели вы — мой благородный господин Судинна?», она быстро вошла в дом и сказала это матери Судинны.

Yaggheti ārocanatthe nipāto.

«Поистине» (yagghe) — это частица, употребляемая в значении извещения.

Sace je saccanti ettha jeti ālapane nipāto.

«Если, голубушка, [ты говоришь] правду» (sace je saccaṃ) слово «голубушка» (je) — это частица обращения.

Evañhi tasmiṃ dese dāsijanaṃ ālapanti, tasmā "tvaṃ, bhoti dāsi, sace saccaṃ bhaṇasī"ti evamettha attho daṭṭhabbo.

Ведь в той местности так обращаются к рабыням. Поэтому смысл здесь следует понимать так: «Дорогая рабыня, если ты говоришь правду».

32.Aññataraṃ kuṭṭamūlanti tasmiṃ kira dese dānapatīnaṃ gharesu sālā honti, āsanāni cettha paññattāni honti, upaṭṭhāpitaṃ udakakañjiyaṃ; tattha pabbajitā piṇḍāya caritvā nisīditvā bhuñjanti.

32. «К основанию какой-то стены» (aññataraṃ kuṭṭamūlaṃ): говорят, что в той местности в усадьбах щедрых мирян (dānapati) есть залы (sālā), где приготовлены сиденья и выставлена вода для питья и омовения. Там странники, собрав подаяние, садятся и едят.

Sace icchanti, dānapatīnampi santakaṃ gaṇhanti.

Если они пожелают, они могут взять и то, что принадлежит хозяевам.

Tasmā tampi aññatarassa kulassa īdisāya sālāya aññataraṃ kuṭṭamūlanti veditabbaṃ.

Поэтому под этим выражением следует понимать основание стены в подобной зале, принадлежащей какой-то семье.

Na hi pabbajitā kapaṇamanussā viya asāruppe ṭhāne nisīditvā bhuñjantīti.

Ведь принявшие паббаджу не едят, сидя в неподобающих местах, подобно нищим.

Atthi nāma tātāti ettha atthīti vijjamānatthe; nāmāti pucchanatthe maññanatthe ca nipāto.

Idañhi vuttaṃ hoti – "atthi nu kho, tāta sudinna, amhākaṃ dhanaṃ, na mayaṃ niddhanāti vattabbā, yesaṃ no tvaṃ īdise ṭhāne nisīditvā ābhidosikaṃ kummāsaṃ paribhuñjissasi"; tathā "atthi nu kho, tāta sudinna, amhākaṃ jīvitaṃ, na mayaṃ matāti vattabbā, yesaṃ no tvaṃ īdise ṭhāne nisīditvā ābhidosikaṃ kummāsaṃ paribhuñjissasi"; tathā "atthi maññe, tāta sudinna, tava abbhantare sāsanaṃ nissāya paṭiladdho samaṇaguṇo, yaṃ tvaṃ subhojanarasasaṃvaḍḍhitopi imaṃ jigucchaneyyaṃ ābhidosikaṃ kummāsaṃ amatamiva nibbikāro paribhuñjissasī"ti.

So pana gahapati dukkhābhitunnatāya etamatthaṃ paripuṇṇaṃ katvā vattumasakkonto "atthi nāma, tāta sudinna, ābhidosikaṃ kummāsaṃ paribhuñjissasī"ti ettakameva avoca.

Akkharacintakā panettha imaṃ lakkhaṇaṃ vadanti – anokappanāmarisanatthavasena etaṃ atthināmasadde upapade "paribhuñjissasī"ti anāgatavacanaṃ kataṃ.

Tassāyamattho – atthi nāma - pe - paribhuñjissasi, idaṃ paccakkhampi ahaṃ na saddahāmi na marisayāmīti.

Tatāyaṃ ābhidosikoti tato tava gehato ayaṃ ābhidosiko kummāso laddhoti attho.

Tatoyantipi pāṭho.

Tadāyantipi paṭhanti, taṃ na sundaraṃ.

Yena sakapitu nivesananti yena sakassa pitu attano pitu nivesananti attho; thero pitari pemeneva subbaco hutvā agamāsi.

Adhivāsesīti thero ukkaṭṭhapiṇḍapātikopi samāno "sace ekabhattampi na gahessāmi, ativiya nesaṃ domanassaṃ bhavissatī"ti ñātīnaṃ anukampāya adhivāsesi.

33.Opuñjāpetvāti upalimpāpetvā.

Ekaṃ hiraññassāti ettha hiraññanti kahāpaṇo veditabbo.

Purisoti nātidīgho nātirasso majjhimappamāṇo veditabbo.

Tirokaraṇīyanti karaṇatthe bhummaṃ; sāṇipākārena parikkhipitvāti attho.

Atha vā tiro karonti etenāti tirokaraṇīyaṃ, taṃ parikkhipitvā; samantato katvāti attho.

Tena hīti yasmā ajja sudinno āgamissati tena kāraṇena.

Hi iti padapūraṇamatte nipāto.

Tenāti ayampi vā uyyojanatthe nipātoyeva.

34.Pubbaṇhasamayanti ettha kiñcāpi pāḷiyaṃ kālārocanaṃ na vuttaṃ, atha kho ārociteyeva kāle agamāsīti veditabbo.

Idaṃ te tātāti dve puñje dassento āha.

Mātūti janettiyā.

Mattikanti mātito āgataṃ; idaṃ te mātāmahiyā mātu imaṃ gehaṃ āgacchantiyā dinnadhananti attho.

Itthikāya itthidhananti hīḷento āha.

Itthikāya nāma itthiparibhogānaṃyeva nhānacuṇṇādīnaṃ atthāya laddhaṃ dhanaṃ kittakaṃ bhaveyya.

Tassāpi tāva parimāṇaṃ passa.

Atha vā idaṃ te tāta sudinna mātu dhanaṃ, tañca kho mattikaṃ, na mayā dinnaṃ, tava mātuyeva santakanti vuttaṃ hoti.

Taṃ panetaṃ na kasiyā na vaṇijjāya sambhūtaṃ, apica kho itthikāya itthidhanaṃ.

Yaṃ itthikāya ñātikulato sāmikakulaṃ gacchantiyā laddhabbaṃ nhānacuṇṇādīnaṃ atthāya itthidhanaṃ, taṃ tāva ettakanti evamettha attho daṭṭhabbo.

Aññaṃ pettikaṃ aññaṃ pitāmahanti yaṃ pana te pitu ca pitāmahānañca santakaṃ, taṃ aññaṃyeva.

Nihitañca payuttañca ativiya bahu; ettha ca pitāmahanti taddhitalopaṃ katvā veditabbaṃ.

Petāmahanti vā pāṭho.

Labbhā tāta sudinna hīnāyāvattitvāti tāta, sudinna, uttamaṃ ariyaddhajaṃ pabbajitaliṅgaṃ pahāya hīnāya gihibhāvāya āvattitvā labbhā bhogā bhuñjituṃ, nālabbhā bhuñjituṃ, na tvaṃ rājabhīto pabbajito, na iṇāyikehi palibuddho hutvāti.

Tāta na ussahāmīti ettha pana tātāti vacanaṃ gehasitapemena āha, na samaṇatejena.

Na ussahāmīti na sakkomi.

Na visahāmīti nappahomi, na samatthomhi.

"Vadeyyāma kho taṃ gahapatī"ti idaṃ pana vacanaṃ samaṇatejenāha.

Nātikaḍḍheyyāsīti yaṃ te mayi pemaṃ patiṭṭhitaṃ, taṃ kodhavasena na atikaḍḍheyyāsi; sace na kujjheyyāsīti vuttaṃ hoti.

Tato seṭṭhi "putto me saṅgahaṃ maññe kattukāmo"ti udaggacitto āha – "vadehi tāta sudinnā"ti.

Tenahīti uyyojanatthe vibhattipatirūpako nipāto.

Tatonidānanti taṃnidānaṃ taṃhetukanti paccattavacanassa to-ādeso veditabbo; samāse cassa lopābhāvo.

Bhayaṃ vāti "kinti me bhoge neva rājāno hareyyu"ntiādinā nayena vuttaṃ rājādibhayaṃ; cittutrāsoti attho.

Chambhitattanti rājūhi vā corehi vā "dhanaṃ dehī"ti kammakāraṇaṃ kāriyamānassa kāyiñjanaṃ kāyakampo hadayamaṃsacalanaṃ.

Lomahaṃsoti uppanne bhaye lomānaṃ haṃsanaṃ uddhaggabhāvo.

Ārakkhoti anto ca bahi ca rattiñca divā ca ārakkhaṇaṃ.

35.Tena hi vadhūti seṭṭhi gahapati dhanaṃ dassetvā puttaṃ attanā gihibhāvatthāya palobhetuṃ asakkonto "mātugāmasadisaṃ dāni purisānaṃ bandhanaṃ natthī"ti maññitvā tassa purāṇadutiyikaṃ āmantesi – "tena hi vadhū"ti.

Purāṇadutiyikanti purāṇaṃ dutiyikaṃ pubbe gihikāle dutiyikaṃ, gehasitasukhupabhogasahāyikaṃ bhūtapubbabhariyanti attho.

Tena hīti yena kāraṇena mātugāmasadisaṃ bandhanaṃ natthi.

Pādesu gahetvāti pāde gahetvā; upayogatthe bhummavacanaṃ, pādesu vā taṃ gahetvā.

"Kīdisā nāma tā ayyaputta accharāyo"ti kasmā evamāha?

Tadā kira sambahule khattiyakumārepi brāhmaṇakumārepi seṭṭhiputtepi mahāsampattiyo pahāya pabbajante disvā pabbajjāguṇaṃ ajānantā kathaṃ samuṭṭhāpenti – "kasmā ete pabbajantī"ti.

Athaññe vadanti – "devaccharānaṃ devanāṭakānaṃ kāraṇā"ti.

Sā kathā vitthārikā ahosi.

Taṃ gahetvā ayaṃ evamāhāti.

Thero taṃ paṭikkhipanto na kho ahaṃ bhaginīti āha.

Samudācaratīti voharati vadeti.

Tattheva mucchitā papatāti naṃ bhaginivādena samudācarantaṃ disvā "anatthiko dāni mayā ayaṃ yo maṃ pajāpatiṃ samānaṃ attanā saddhiṃ ekamātukucchiyā sayitadārikaṃ viya maññatī"ti samuppannabalavasokā hutvā tasmiṃyeva padese mucchitā papatā; patitāti attho.

Mā no viheṭhayitthāti mā amhe dhanaṃ dassetvā mātugāmañca uyyojetvā viheṭhayittha; vihesā hesā pabbajitānanti.

Tena hi tāta sudinna bījakampi dehīti ettha tena hīti abhiratiyaṃ uyyojeti.

Sace tvaṃ abhirato brahmacariyaṃ carasi, caritvā ākāse nisīditvā parinibbāyitā hohi, amhākaṃ pana kulavaṃsabījakaṃ ekaṃ puttaṃ dehi.

Mā no aputtakaṃ sāpateyyaṃ licchavayo atiharāpesunti mayañhi licchavīnaṃ gaṇarājūnaṃ rajje vasāma, te te pituno accayena imaṃ sāpateyyaṃ evaṃ mahantaṃ amhākaṃ vibhavaṃ aputtakaṃ kuladhanarakkhakena puttena virahitaṃ attano rājantepuraṃ atiharāpeyyunti, taṃ te mā atiharāpesuṃ, mā atiharāpentūti.

Etaṃ kho me, amma, sakkā kātunti kasmā evamāha?

So kira cintesi – "etesaṃ sāpateyyassa ahameva sāmī, añño natthi.

Te maṃ sāpateyyarakkhaṇatthāya niccaṃ anubandhissanti; tenāhaṃ na lacchāmi appossukko samaṇadhammaṃ kātuṃ, puttakaṃ pana labhitvā oramissanti, tato ahaṃ yathāsukhaṃ samaṇadhammaṃ karissāmī"ti imaṃ nayaṃ passanto evamāhāti.

36.Pupphanti utukāle uppannalohitassa nāmaṃ.

Mātugāmassa hi utukāle gabbhapatiṭṭhānaṭṭhāne lohitavaṇṇā piḷakā saṇṭhahitvā satta divasāni vaḍḍhitvā bhijjanti, tato lohitaṃ paggharati, tassetaṃ nāmaṃ "puppha"nti.

Taṃ pana yāva balavaṃ hoti bahu paggharati, tāva dinnāpi paṭisandhi na tiṭṭhati, doseneva saddhiṃ paggharati; dose pana paggharite suddhe vatthumhi dinnā paṭisandhi khippaṃ patiṭṭhāti.

Pupphaṃsā uppajjīti pupphaṃ assā uppajji; akāralopena sandhi purāṇadutiyikāya bāhāyaṃ gahetvāti purāṇadutiyikāya yā bāhā, tatra naṃ gahetvāti attho.

Apaññatte sikkhāpadeti paṭhamapārājikasikkhāpade aṭṭhapite.

"При не установленном правиле": при не установленном правиле первой параджики.

Bhagavato kira paṭhamabodhiyaṃ vīsati vassāni bhikkhū cittaṃ ārādhayiṃsu, na evarūpaṃ ajjhācāramakaṃsu.

Якобы в течение 20 лет после постижения монахи радовали ум Благословенного, такие проступки не совершали.

Taṃ sandhāyeva idaṃ suttamāha – "ārādhayiṃsu vata me, bhikkhave, bhikkhū ekaṃ samayaṃ citta"nti (ma. ni. 1.225).

В отношении этого в одной сутте он сказал: "Монахи, был случай, когда монахи порадовали мой ум" (МН 21).

Atha bhagavā ajjhācāraṃ apassanto pārājikaṃ vā saṅghādisesaṃ vā na paññapesi.

Тогда Благословенный, не видя проступков, не устанавливал правил параджики и сангхадисесы.

И видимо анията "неопределённые", тоже не устанавливались, потому что в их тексте ссылка на параджику и сангхадисесу.
Все комментарии (1)

Tasmiṃ tasmiṃ pana vatthusmiṃ avasese pañca khuddakāpattikkhandhe eva paññapesi.

Однако в тех или иных местах (ситуациях) он устанавливал правила остальных пяти групп незначительных нарушений.

В тексте первой параджики сказано, что когда дост. Судинна совершил сношение с женой, божества стали восклицать о возникшей опасности для монашеского ...
Все комментарии (1)

Tena vuttaṃ – "apaññatte sikkhāpade"ti.

Поэтому сказано "при не установленном правиле".

Anādīnavadassoti yaṃ bhagavā idāni sikkhāpadaṃ paññapento ādīnavaṃ dassessati, taṃ apassanto anavajjasaññī hutvā.

Sace hi "ayaṃ idaṃ na karaṇīyanti vā mūlacchejjāya vā saṃvattatī"ti jāneyya, saddhāpabbajito kulaputto tatonidānaṃ jīvitakkhayaṃ pāpuṇantopi na kareyya.

Ettha pana ādīnavaṃ apassanto niddosasaññī ahosi.

Tena vuttaṃ – "anādīnavadasso"ti.

Purāṇadutiyikāyāti bhummavacanaṃ.

Abhiviññāpesīti pavattesi; pavattanāpi hi kāyaviññatticopanato "viññāpanā"ti vuccati.

Tikkhattuṃ abhiviññāpanañcesa gabbhasaṇṭhānasanniṭṭhānatthamakāsīti veditabbo.

Sā tena gabbhaṃ gaṇhīti sā ca teneva ajjhācārena gabbhaṃ gaṇhi, na aññathā.

Kiṃ pana aññathāpi gabbhaggahaṇaṃ hotīti ?

Hoti.

Kathaṃ?

Kāyasaṃsaggena, coḷaggahaṇena, asucipānena, nābhiparāmasanena, rūpadassanena, saddena, gandhena.

Itthiyo hi ekaccā utusamaye chandarāgarattā purisānaṃ hatthaggāha-veṇiggāha-aṅgapaccaṅgaparāmasanaṃ sādiyantiyopi gabbhaṃ gaṇhanti.

Evaṃ kāyasaṃsaggena gabbhaggahaṇaṃ hoti.

Udāyittherassa pana purāṇadutiyikā bhikkhunī taṃ asuciṃ ekadesaṃ mukhena aggahesi, ekadesaṃ coḷakeneva saddhiṃ aṅgajāte pakkhipi.

Sā tena gabbhaṃ gaṇhi.

Evaṃ coḷaggahaṇena gabbhaggahaṇaṃ hoti.

Migasiṅgatāpasassa mātā migī utusamaye tāpasassa passāvaṭṭhānaṃ āgantvā sasambhavaṃ passāvaṃ pivi.

Sā tena gabbhaṃ gaṇhitvā migasiṅgaṃ vijāyi.

Evaṃ asucipānena gabbhaggahaṇaṃ hoti.

Sāmassa pana bodhisattassa mātāpitūnaṃ cakkhuparihāniṃ ñatvā sakko puttaṃ dātukāmo dukūlapaṇḍitaṃ āha – "vaṭṭati tumhākaṃ methunadhammo"ti?

"Anatthikā mayaṃ etena, isipabbajjaṃ pabbajitāmhā"ti.

"Tena hi imissā utusamaye aṅguṭṭhena nābhiṃ parāmaseyyāthā"ti.

So tathā akāsi.

Sā tena gabbhaṃ gaṇhitvā sāmaṃ tāpasadārakaṃ vijāyi.

Evaṃ nābhiparāmasanena gabbhaggahaṇaṃ hoti.

Eteneva nayena maṇḍabyassa ca caṇḍapajjotassa ca vatthu veditabbaṃ.

Kathaṃ rūpadassanena hoti?

Idhekaccā itthī utusamaye purisasaṃsaggaṃ alabhamānā chandarāgavasena antogehagatāva purisaṃ upanijjhāyati rājorodhā viya, sā tena gabbhaṃ gaṇhāti.

Evaṃ rūpadassanena gabbhaggahaṇaṃ hoti.

Balākāsu pana puriso nāma natthi, tā utusamaye meghasaddaṃ sutvā gabbhaṃ gaṇhanti.

Kukkuṭiyopi kadāci ekassa kukkuṭassa saddaṃ sutvā bahukāpi gabbhaṃ gaṇhanti.

Tathā gāvī usabhassa.

Evaṃ saddena gabbhaggahaṇaṃ hoti.

Gāvī eva ca kadāci usabhagandhena gabbhaṃ gaṇhanti.

Evaṃ gandhena gabbhaggahaṇaṃ hoti.

Idha panāyaṃ ajjhācārena gabbhaṃ gaṇhi.

Yaṃ sandhāya vuttaṃ – "mātāpitaro ca sannipatitā honti, mātā ca utunī hoti, gandhabbo ca paccupaṭṭhito hoti, evaṃ tiṇṇaṃ sannipātā gabbhassāvakkanti hotī"ti (ma. ni. 1.408).

Bhummādevā saddamanussāvesunti yasmā natthi loke raho nāma pāpakammaṃ pakubbato.

Sabbapaṭhamaṃ hissa taṃ pāpaṃ attanā jānāti, tato ārakkhadevatā, athaññāpi paracittaviduniyo devatā.

Tasmāssa paracittavidū sakalavanasaṇḍanissitā bhummā devā taṃ ajjhācāraṃ disvā saddaṃ anussāvesuṃ.

Yathā aññepi devā suṇanti, tathā nicchāresuṃ.

Kinti ?

Nirabbudo vata, bho - pe - ādīnavo uppāditoti.

Tassattho verañjakaṇḍe vuttanayeneva veditabbo.

Bhummānaṃ devānaṃ saddaṃ sutvā cātumahārājikāti ettha pana bhummānaṃ devānaṃ saddaṃ ākāsaṭṭhadevatā assosuṃ; ākāsaṭṭhānaṃ cātumahārājikāti ayamanukkamo veditabbo.

Brahmakāyikāti asaññasatte ca arūpāvacare ca ṭhapetvā sabbepi brahmāno assosuṃ; sutvā ca saddamanussāvesunti veditabbo.

Itiha tena khaṇenāti evaṃ tena sudinnassa ajjhācārakkhaṇena.

Tena muhuttenāti ajjhācāramuhutteneva.

Yāva brahmalokāti yāva akaniṭṭhabrahmalokā.

Abbhuggacchīti abhiuggacchi abbhuṭṭhāsi ekakolāhalamahosīti.

Puttaṃ vijāyīti suvaṇṇabimbasadisaṃ pacchimabhavikasattaṃ janesi.

Bījakoti nāmamakaṃsūti na aññaṃ nāmaṃ kātumadaṃsu, "bījakampi dehī"ti mātāmahiyā vuttabhāvassa pākaṭattā "bījako tvevassa nāmaṃ hotū"ti "bījako"ti nāmamakaṃsu.

Puttassa pana nāmavaseneva ca mātāpitūnampissa nāmamakaṃsu.

Te aparena samayenāti bījakañca bījakamātarañca sandhāya vuttaṃ.

Bījakassa kira sattaṭṭhavassakāle tassa mātā bhikkhunīsu so ca bhikkhūsu pabbajitvā kalyāṇamitte upanissāya arahatte patiṭṭhahiṃsu.

Tena vuttaṃ – "ubho agārasmā anagāriyaṃ pabbajitvā arahattaṃ sacchākaṃsū"ti.

37.Evaṃ mātāputtānaṃ pabbajjā saphalā ahosi.

Pitā pana vippaṭisārābhibhūto vihāsi.

Tena vuttaṃ – "atha kho āyasmato sudinnassaahudeva kukkucca"ntiādi.

Tattha ahudevāti ahu eva, dakāro padasandhikaro.

Ahosiyevāti attho.

Kukkuccanti ajjhācārahetuko pacchānutāpo.

Vippaṭisārotipi tasseva nāmaṃ.

So hi viññūhi akattabbatāya kucchitakiriyabhāvato kukkuccaṃ.

Kataṃ ajjhācāraṃ nivattetuṃ asamatthatāya taṃ paṭicca virūpaṃ saraṇabhāvato vippaṭisāroti vuccati.

Alābhā vata meti mayhaṃ vata alābhā; ye jhānādīnaṃ guṇānaṃ alābhā nāma, te mayhaṃ, na aññassāti adhippāyo.

Na vata me lābhāti yepi me paṭiladdhā pabbajjasaraṇagamanasikkhāsamādānaguṇā, tepi neva mayhaṃ lābhā ajjhācāramalīnattā.

Dulladdhaṃ vata meti idaṃ sāsanaṃ laddhampi me dulladdhaṃ.

Na vata me suladdhadhammavinaye - pe - brahmacariyaṃ caritunti.

Brahmacariyanti sikkhattayasaṅgahitaṃ maggabrahmacariyaṃ.

Kiso ahosīti khādituṃ vā bhuñjituṃ vā asakkonto tanuko ahosi appamaṃsalohito.

Uppaṇḍuppaṇḍukajātoti sañjātuppaṇḍuppaṇḍukabhāvo paṇḍupalāsappaṭibhāgo.

Dhamanisanthatagattoti pariyādinnamaṃsalohitattā sirājāleneva santharitagatto.

Antomanoti anusocanavasena abbhantareyeva ṭhitacitto.

Hadayavatthuṃ nissāya pavattanavasena pana sabbepi antomanāyeva.

Līnamanoti uddese paripucchāya kammaṭṭhāne adhisīle adhicitte adhipaññāya vattapaṭipattipūraṇe ca nikkhittadhuro avipphāriko aññadatthu kosajjavaseneva līno saṅkucito mano assāti līnamano.

Dukkhīti cetodukkhena dukkhī.

Dummanoti dosena duṭṭhamano, virūpamano vā domanassābhibhūtatāya.

Pajjhāyīti vippaṭisāravasena vahacchinno viya gadrabho taṃ taṃ cintayi.

38.Sahāyakā bhikkhūti taṃ evaṃbhūtaṃ gaṇasaṅgaṇikāpapañcena vītināmentaṃ disvā yassa vissāsikā kathāphāsukā bhikkhū te naṃ etadavocuṃ.

Pīṇindriyoti pasādapatiṭṭhānokāsassa sampuṇṇattā paripuṇṇacakkhuādiindriyo.

So dāni tvanti ettha dānīti nipāto, so pana tvanti vuttaṃ hoti.

Kaccino tvanti kacci nu tvaṃ.

Anabhiratoti ukkaṇṭhito; gihibhāvaṃ patthayamānoti attho.

Tasmā tameva anabhiratiṃ paṭikkhipanto āha – "na kho ahaṃ, āvuso, anabhirato"ti.

Adhikusalānaṃ pana dhammānaṃ bhāvanāya abhiratova ahanti.

Atthi me pāpakammaṃ katanti mayā kataṃ ekaṃ pāpakammaṃ atthi upalabbhati saṃvijjati, niccakālaṃ abhimukhaṃ viya me tiṭṭhati.

Atha naṃ pakāsento "purāṇadutiyikāyā"tiādimāha.

Alañhi te, āvuso sudinna, kukkuccāyāti āvuso sudinna, tuyhetaṃ pāpakammaṃ alaṃ samatthaṃ kukkuccāya; paṭibalaṃ kukkuccaṃ uppādetunti vuttaṃ hoti.

Yaṃ tvanti ādimhi yena pāpena tvaṃ na sakkhissasi brahmacariyaṃ carituṃ, taṃ te pāpaṃ alaṃ kukkuccāyāti evaṃ sambandho veditabbo.

Atha naṃ anusāsantā "nanu āvuso bhagavatā"tiādimāhaṃsu.

Tattha nanūti anumatiggahaṇatthe nipāto.

Anekapariyāyenāti anekakāraṇena.

Virāgāyāti virāgatthāya.

No sarāgāyāti no rāgena rajjanatthāya.

Bhagavatā hi "imaṃ me dhammaṃ sutvā sattā sabbabhavabhogesu virajjissanti, no rajjissantī" etadatthāya dhammo desitoti adhippāyo.

Esa nayo sabbapadesu.

Idaṃ panettha pariyāyavacanamattaṃ.

Visaṃyogāyāti kilesehi visaṃyujjanatthāya.

No saṃyogāyāti na saṃyujjanatthāya.

Anupādānāyāti aggahaṇatthāya.

Nosaupādānāyāti na saṅgahaṇatthāya.

Tatthanāma tvanti tasmiṃ nāma tvaṃ.

Sarāgāya cetessasīti saha rāgena vattamānāya methunadhammāya cetessasi kappessasi pakappessasi; etadatthaṃ vāyamissasīti attho.

Esa nayo sabbattha.

Puna rāgavirāgādīni nava padāni nibbattitalokuttaranibbānameva sandhāya vuttāni.

Tasmā rāgavirāgāyāti vā madanimmadanāyāti vā vuttepi "nibbānatthāyā"ti evameva attho daṭṭhabbo.

Nibbānañhi yasmā taṃ āgamma ārabbha paṭicca rāgo virajjati na hoti, tasmā rāgavirāgoti vuccati.

Yasmā pana taṃ āgamma mānamada-purisamadādayo madā nimmadā amadā honti vinassanti, tasmā madanimmadananti vuccati.

Yasmā ca taṃ āgamma sabbāpi kāmapipāsā vinayaṃ abbhatthaṃ yāti, tasmā pipāsavinayoti vuccati.

Yasmā pana taṃ āgamma pañca kāmaguṇālayā samugghātaṃ gacchanti, tasmā ālayasamugghātoti vuccati.

Yasmā ca taṃ āgamma tebhūmakavaṭṭaṃ upacchijjati, tasmā vaṭṭupacchedoti vuccati.

Yasmā pana taṃ āgamma sabbaso taṇhā khayaṃ gacchati virajjati nirujjhati ca, tasmā taṇhakkhayo virāgo nirodhoti vuccati.

Yasmā panetaṃ catasso yoniyo, pañca gatiyo, satta viññāṇaṭṭhitiyo, nava ca sattāvāse, aparāparabhāvāya vinanato ābandhanato saṃsibbanato vānanti laddhavohārāya taṇhāya nikkhantaṃ nissaṭaṃ visaṃyuttaṃ, tasmā nibbānanti vuccatīti.

Kāmānaṃ pahānaṃ akkhātanti vatthukāmānaṃ, kilesakāmānañca pahānaṃ vuttaṃ.

Kāmasaññānaṃ pariññāti sabbāsampi kāmasaññānaṃ ñātatīraṇapahānavasena tividhā pariññā akkhātā.

Kāmapipāsānanti kāmesu pātabyatānaṃ kāme vā pātumicchānaṃ.

Kāmavitakkānanti kāmupasañhitānaṃvitakkānaṃ.

Kāmapariḷāhānanti pañcakāmaguṇikarāgavasena uppannapariḷāhānaṃ antodāhānaṃ.

Imesu pañcasu ṭhānesu kilesakkhayakaro lokuttaramaggova kathito.

Sabbapaṭhamesu pana tīsu ṭhānesu lokiyalokuttaramissako maggo kathitoti veditabbo.

Netaṃ āvusoti na etaṃ āvuso, tava pāpakammaṃ appasannānañca pasādāya evarūpānaṃ pasādatthāya na hoti.

Atha khvetanti atha kho etaṃ.

Atha kho tantipi pāṭho.

Aññathattāyāti pasādaññathābhāvāya vippaṭisārāya hoti.

Ye maggena anāgatasaddhā, tesaṃ vippaṭisāraṃ karoti – "īdisepi nāma dhammavinaye mayaṃ pasannā, yatthevaṃ duppaṭipannā bhikkhū"ti.

Ye pana maggenāgatasaddhā, tesaṃ sineru viya vātehi acalo pasādo īdisehi vatthūhi ito vā dāruṇatarehi.

Tena vuttaṃ – "ekaccānaṃ aññathattāyā"ti.

39.Bhagavato etamatthaṃ ārocesunti bhagavato etaṃ atthaṃ ācikkhiṃsu paṭivedayiṃsu.

Ārocayamānā ca neva piyakamyatāya na bhedapurekkhāratāya, na tassāyasmato avaṇṇapakāsanatthāya, na kalisāsanāropanatthāya, nāpi "idaṃ sutvā bhagavā imassa sāsane patiṭṭhaṃ na dassati, nikkaḍḍhāpessati na"nti maññamānā ārocesuṃ.

Atha kho "imaṃ sāsane uppannaṃ abbudaṃ ñatvā bhagavā sikkhāpadaṃ paññapessati, velaṃ mariyādaṃ āṇaṃ ṭhapessatī"ti ārocesuṃ.

Etasmiṃ nidāne etasmiṃ pakaraṇeti ettha sudinnassa ajjhācāravītikkamo sikkhāpadapaññattiyā kāraṇattā nidānañceva pakaraṇañcāti vuttoti veditabbo.

Kāraṇañhi yasmā nideti attano phalaṃ "gaṇhātha na"nti dassentaṃ viya appeti, pakaroti ca naṃ kattuṃ ārabhati, karotiyeva vā; tasmā nidānañceva pakaraṇañcāti vuccati.

Vigarahi buddho bhagavāti buddho bhagavā vigarahi nindi; yathā taṃ vaṇṇāvaṇṇārahānaṃ vaṇṇañca avaṇṇañca bhaṇantesu aggapuggalo.

Na hi bhagavato sīlavītikkamakaraṃ puggalaṃ disvā "ayaṃ jātiyā vā gottena vā kolaputtiyena vā ganthena vā dhutaṅgena vā ñāto yasassī īdisaṃ puggalaṃ rakkhituṃ vaṭṭatī"ti cittaṃ uppajjati, nāpi pesalaṃ guṇavantaṃ disvā tassa guṇaṃ paṭicchādetuṃ cittaṃ uppajjati.

Atha kho garahitabbaṃ garahati eva, pasaṃsitabbañca pasaṃsati eva, ayañca garahitabbo; tasmā taṃ tādilakkhaṇe ṭhito avikampamānena cittena vigarahi buddho bhagavā "ananucchavika"ntiādīhi vacanehi.

Tatthāyaṃ atthavaṇṇanā – yadidaṃ tayā, moghapurisa, tucchamanussa kammaṃ kataṃ, taṃ samaṇakaraṇānaṃ dhammānaṃ maggaphalanibbānasāsanānaṃ vā na anucchavikaṃ, tesaṃ chaviṃ chāyaṃ sundarabhāvaṃ na anveti nānugacchati, atha kho ārakāva tehi dhammehi.

Ananucchavikattā eva ca ananulomikaṃ, tesaṃ na anulometi; atha kho vilomaṃ paccanīkabhāve ṭhitaṃ.

Ananulomikattā eva ca appatirūpaṃ, patirūpaṃ sadisaṃ paṭibhāgaṃ na hoti, atha kho asadisaṃ appaṭibhāgameva.

Appatirūpattā eva ca assāmaṇakaṃ, samaṇānaṃ kammaṃ na hoti.

Assāmaṇakattā akappiyaṃ.

Yañhi samaṇakammaṃ na hoti, taṃ tesaṃ na kappati.

Akappiyattā akaraṇīyaṃ.

Na hi samaṇā yaṃ na kappati, taṃ karonti.

Tañcetaṃ tayā kataṃ, tasmā ananucchavikaṃ te, moghapurisa, kataṃ - pe - akaraṇīyanti.

Kathañhi nāmāti kena nāma kāraṇena, kiṃ nāma kāraṇaṃ passantoti vuttaṃ hoti.

Tato kāraṇābhāvaṃ dassento parato "nanu mayā moghapurisā"tiādimāha.

Taṃ sabbaṃ vuttatthameva.

Idāni yasmā yaṃ tena pāpakammaṃ kataṃ, taṃ vipaccamānaṃ ativiya dukkhavipākaṃ hoti, tasmāssa taṃ vipākaṃ dassetuṃ katāparādhaṃ viya puttaṃ anukampakā mātāpitaro dayālukena cittena sudinnaṃ paribhāsanto "varaṃ te moghapurisā"tiādimāha.

Tattha āsu sīghaṃ etassa visaṃ āgacchatīti āsīviso.

Ghoraṃ caṇḍamassa visanti ghoraviso, tassa āsīvisassa ghoravisassa.

"Pakkhitta"nti etassa "vara"nti iminā sambandho.

Īdisassa āsīvisassa ghoravisassa mukhe aṅgajātaṃ varaṃ pakkhittaṃ; sace pakkhittaṃ bhaveyya, varaṃ siyā; sundaraṃ sādhu suṭṭhu siyāti attho.

Na tvevāti na tu eva varaṃ na sundarameva na sādhumeva na suṭṭhumeva.

Esa nayo sabbattha.

Kaṇhasappassāti kāḷasappassa.

Aṅgārakāsuyāti aṅgārapuṇṇakūpe, aṅgārarāsimhi vā.

Ādittāyāti padittāya gahitaaggivaṇṇāya.

Sampajjalitāyāti samantato pajjalitāya acciyo muccantiyā.

Sajotibhūtāyāti sappabhāya.

Samantato uṭṭhitāhi jālāhi ekappabhāsamudayabhūtāyāti vuttaṃ hoti.

Taṃ kissa hetūti yaṃ mayā vuttaṃ "vara"nti taṃ kissa hetu, katarena kāraṇenāti ce?

Maraṇaṃ vā nigaccheyyāti yo tattha aṅgajātaṃ pakkhipeyya, so maraṇaṃ vā nigaccheyya maraṇamattaṃ vā dukkhaṃ.

Itonidānañca kho - pe - upapajjeyyāti yaṃ idaṃ mātugāmassa aṅgajāte aṅgajātapakkhipanaṃ, itonidānaṃ tassa kārako puggalo nirayaṃ upapajjeyya; evaṃ kammassa mahāsāvajjataṃ passanto taṃ garahi, na tassa dukkhāgamaṃ icchamāno.

Tattha nāma tvanti tasmiṃ nāma evarūpe kamme evaṃ mahāsāvajje samānepi tvaṃ.

Yaṃ tvanti ettha yanti hīḷanatthe nipāto.

Tvanti taṃ-saddassa vevacanaṃ; dvīhipi yaṃ vā taṃ vā hīḷitamavaññātanti vuttaṃ hoti.

Asaddhammanti asataṃ nīcajanānaṃ dhammaṃ; tehi sevitabbanti attho.

Gāmadhammanti gāmānaṃ dhammaṃ; gāmavāsikamanussānaṃ dhammanti vuttaṃ hoti.

Vasaladhammanti pāpadhamme vasanti paggharantīti vasalā, tesaṃ vasalānaṃ hīnapurisānaṃ dhammaṃ, vasalaṃ vā kilesapaggharaṇakaṃ dhammaṃ.

Duṭṭhullanti duṭṭhu ca kilesadūsitaṃ thūlañca asukhumaṃ, anipuṇanti vuttaṃ hoti.

Odakantikanti udakakiccaṃ antikaṃ avasānaṃ assāti odakantiko, taṃ odakantikaṃ.

Rahassanti rahobhavaṃ, paṭicchanne okāse uppajjanakaṃ.

Ayañhi dhammo jigucchanīyattā na sakkā āvi aññesaṃ dassanavisaye kātuṃ, tena vuttaṃ – "rahassa"nti.

Dvayaṃdvayasamāpattinti dvīhi dvīhi samāpajjitabbaṃ, dvayaṃ dvayaṃ samāpattintipi pāṭho.

Dayaṃ dayaṃ samāpattintipi paṭhanti, taṃ na sundaraṃ.

Samāpajjissasīti etaṃ "tattha nāma tva"nti ettha vuttanāmasaddena yojetabbaṃ "samāpajjissasi nāmā"ti.

Bahūnaṃkho - pe - ādikattā pubbaṅgamoti sāsanaṃ sandhāya vadati.

Imasmiṃ sāsane tvaṃ bahūnaṃ puggalānaṃ akusalānaṃ dhammānaṃ ādikattā, sabbapaṭhamaṃ karaṇato; pubbaṅgamo sabbapaṭhamaṃ etaṃ maggaṃ paṭipannattā; dvāraṃdado, upāyadassakoti vuttaṃ hoti.

Imañhi lesaṃ laddhā tava anusikkhamānā bahū puggalā nānappakārake makkaṭiyā methunapaṭisevanādike akusaladhamme karissantīti ayamettha adhippāyo.

Anekapariyāyenāti imehi "ananucchavika"ntiādinā nayena vuttehi, bahūhi kāraṇehi.

Dubbharatāya - pe - kosajjassa avaṇṇaṃ bhāsitvāti dubbharatādīnaṃ vatthubhūtassa asaṃvarassa avaṇṇaṃ nindaṃ garahaṃ bhāsitvāti attho.

Yasmā hi asaṃvare ṭhitassa puggalassa attā dubbharatañceva dupposatañca āpajjati, tasmā asaṃvaro "dubbharatā, dupposatā"ti ca vuccati.

Yasmā pana asaṃvare ṭhitassa attā catūsu paccayesu mahicchataṃ sineruppamāṇepi ca paccaye laddhā asantuṭṭhitaṃ āpajjati, tasmā asaṃvaro "mahicchatā, asantuṭṭhitā"ti ca vuccati.

Yasmā ca asaṃvare ṭhitassa attā gaṇasaṅgaṇikāya ceva kilesasaṅgaṇikāya ca saṃvattati, kosajjānugato ca hoti aṭṭhakusītavatthupāripūriyā saṃvattati, tasmā asaṃvaro "saṅgaṇikā, ceva kosajjañcā"ti vuccati.

Subharatāya - pe - vīriyārambhassa vaṇṇaṃ bhāsitvāti subharatādīnaṃ vatthubhūtassa saṃvarassa vaṇṇaṃ bhāsitvāti attho.

Yasmā hi asaṃvaraṃ pahāya saṃvare ṭhitassa attā subharo hoti suposo, catūsu ca paccayesu appicchataṃ nittaṇhabhāvaṃ āpajjati, ekamekasmiñca paccaye yathālābha-yathābala-yathāsāruppavasena tippabhedāya santuṭṭhiyā saṃvattati, tasmā saṃvaro "subharatā ceva suposatā ca appiccho ca santuṭṭho cā"ti vuccati.

Yasmā pana asaṃvaraṃ pahāya saṃvare ṭhitassa attā kilesasallekhanatāya ceva niddhunanatāya ca saṃvattati, tasmā saṃvaro "sallekho ca dhuto cā"ti vuccati.

Yasmā ca asaṃvaraṃ pahāya saṃvare ṭhitassa attā kāyavācānaṃ appāsādikaṃ appasādanīyaṃ asantaṃ asāruppaṃ kāyavacīduccaritaṃ cittassa appāsādikaṃ appasādanīyaṃ asantaṃ asāruppaṃ akusalavitakkattayañca anupagamma tabbiparītassa kāyavacīsucaritassa ceva kusalavitakkattayassa ca pāsādikassa pasādanīyassa santassa sāruppassa pāripūriyā saṃvattati, tasmā saṃvaro "pāsādiko"ti vuccati.

Yasmā pana asaṃvaraṃ pahāya saṃvare ṭhitassa attā sabbakilesāpacayabhūtāya, vivaṭṭāya, aṭṭhavīriyārambhavatthupāripūriyā ca saṃvattati, tasmā saṃvaro "apacayo ceva vīriyārambho cā"ti vuccatīti.

Bhikkhūnaṃ tadanucchavikaṃ tadanulomikanti tattha sannipatitānaṃ bhikkhūnaṃ yaṃ idāni sikkhāpadaṃ paññapessati, tassa anucchavikañceva anulomikañca.

Yo vā ayaṃ subharatādīhi saṃvaro vutto, tassa anucchavikañceva anulomikañca saṃvarappahānapaṭisaṃyuttaṃ asuttantavinibaddhaṃ pāḷivinimuttaṃ okkantikadhammadesanaṃ katvāti attho.

Bhagavā kira īdisesu ṭhānesu pañcavaṇṇakusumamālaṃ karonto viya, ratanadāmaṃ sajjento viya, ca ye paṭikkhipanādhippāyā asaṃvarābhiratā te samparāyikena vaṭṭabhayena tajjento anekappakāraṃ ādīnavaṃ dassento, ye sikkhākāmā saṃvare ṭhitā te appekacce arahatte patiṭṭhapento appekacce anāgāmi-sakadāgāmi-sotāpattiphalesu upanissayavirahitepi saggamagge patiṭṭhapento dīghanikāyappamāṇampi majjhimanikāyappamāṇampi dhammadesanaṃ karoti.

Taṃ sandhāyetaṃ vuttaṃ – "bhikkhūnaṃ tadanucchavikaṃ tadanulomikaṃ dhammiṃ kathaṃ katvā"ti.

Tena hīti tena sudinnassa ajjhācārena kāraṇabhūtena.

Sikkhāpadanti ettha sikkhitabbāti sikkhā, pajjate imināti padaṃ, sikkhāya padaṃ sikkhāpadaṃ; sikkhāya adhigamupāyoti attho.

"Sikkhāpada": Этому следует обучаться, поэтому это обучение. Этим проходят, поэтому это путь. sikkhāpadaṃ= sikkhāya padaṃ Смысл в том, что это средство, с помощью которого приходят к обучению.

Atha vā mūlaṃ nissayo patiṭṭhāti vuttaṃ hoti.

Или же смысл в том, что слово pada означает корень, опору, основу [обучения].

Methunaviratiyā methunasaṃvarassetaṃ adhivacanaṃ.

Это обозначение полового воздержания, половой сдержанности.

Methunasaṃvaro hi tadaññesaṃ sikkhāsaṅkhātānaṃ sīlavipassanājhānamaggadhammānaṃ vuttatthavasena padattā idha "sikkhāpada"nti adhippeto.

Ведь половая сдержанность, подразумевающаяся здесь словом sikkhāpada, является составляющей частью факторов, являющихся обучением, таких как нравственность, прозрение, поглощённость ума.

Не очень уверен в этом переводе.
Все комментарии (1)

Ayañca attho sikkhāpadavibhaṅge vuttanayeneva veditabbo.

И это значение следует понимать согласно принципу, изложенному в анализе понятия sikkhāpada [в комментарии к Абхидхамме].

А именно тут: https://tipitaka.theravada.su/node/pali/24042
Все комментарии (1)

Apica tassatthassa dīpakaṃ vacanampi "sikkhāpada"nti veditabbaṃ.

И также изречение, объясняющее его смысл, следует понимать как sikkhāpada.

Vuttampi cetaṃ – "sikkhāpadanti yo tattha nāmakāyo padakāyo niruttikāyo byañjanakāyo"ti.

Ведь сказано: "sikkhāpada: то, что здесь собрание имён, собрание слов, собрание анализа, собрание подробностей".

Atha vā yathā "anabhijjhā dhammapada"nti vutte anabhijjhā eko dhammakoṭṭhāsoti attho hoti, evamidhāpi "sikkhāpada"nti sikkhākoṭṭhāso sikkhāya eko padesotipi attho veditabbo.

Или же поскольку сказано "отказ от жадности - раздел (pada) Дхаммы" с тем смыслом, что отказ от жадности является одним из разделов Дхаммы, так и здесь смысл слова sikkhāpada следует понимать как раздел обучения, одно место (одна территория) обучения.

Dasaatthavase paṭiccāti dasa kāraṇavase sikkhāpadapaññattihetu adhigamanīye hitavisese paṭicca āgamma ārabbha, dasannaṃ hitavisesānaṃ nipphattiṃ sampassamānoti vuttaṃ hoti.

Idāni te dasa atthavase dassento "saṅghasuṭṭhutāyā"tiādimāha.

Tattha saṅghasuṭṭhutā nāma saṅghassa suṭṭhubhāvo, "suṭṭhu devā"ti āgataṭṭhāne viya "suṭṭhu, bhante"ti vacanasampaṭicchanabhāvo.

Yo ca tathāgatassa vacanaṃ sampaṭicchati, tassa taṃ dīgharattaṃ hitāya sukhāya hoti, tasmā saṅghassa "suṭṭhu, bhante"ti mama vacanasampaṭicchanatthaṃ paññapessāmi, asampaṭicchane ādīnavaṃ sampaṭicchane ca ānisaṃsaṃ dassetvā, na balakkārena abhibhavitvāti etamatthaṃ āvikaronto āha – "saṅghasuṭṭhutāyā"ti.

Saṅghaphāsutāyāti saṅghassa phāsubhāvāya; sahajīvitāya sukhavihāratthāyāti attho.

Dummaṅkūnaṃ puggalānaṃ niggahāyāti dummaṅkū nāma dussīlapuggalā; ye maṅkutaṃ āpādiyamānāpi dukkhena āpajjanti, vītikkamaṃ karontā vā katvā vā na lajjanti, tesaṃ niggahatthāya; te hi sikkhāpade asati "kiṃ tumhehi diṭṭhaṃ, kiṃ sutaṃ – kiṃ amhehi kataṃ; katarasmiṃ vatthusmiṃ katamaṃ āpattiṃ āropetvā amhe niggaṇhathā"ti saṅghaṃ viheṭhessanti, sikkhāpade pana sati te saṅgho sikkhāpadaṃ dassetvā dhammena vinayena satthusāsanena niggahessati.

Tena vuttaṃ – "dummaṅkūnaṃ puggalānaṃ niggahāyā"ti.

Pesalānaṃ bhikkhūnaṃ phāsuvihārāyāti pesalānaṃ piyasīlānaṃ bhikkhūnaṃ phāsuvihāratthāya.

Piyasīlā hi bhikkhū kattabbākattabbaṃ sāvajjānavajjaṃ velaṃ mariyādaṃ ajānantā sikkhattayapāripūriyā ghaṭamānā kilamanti, sandiṭṭhamānā ubbāḷhā honti.

Kattabbākattabbaṃ pana sāvajjānavajjaṃ velaṃ mariyādaṃ ñatvā sikkhattayapāripūriyā ghaṭamānā na kilamanti, sandiṭṭhamānā na ubbāḷhā honti.

Tena nesaṃ sikkhāpadapaññāpanā phāsuvihārāya saṃvattati.

Yo vā dummaṅkūnaṃ puggalānaṃ niggaho, sveva etesaṃ phāsuvihāro.

Dussīlapuggale nissāya hi uposatho na tiṭṭhati, pavāraṇā na tiṭṭhati, saṅghakammāni nappavattanti, sāmaggī na hoti, bhikkhū anekaggā uddesaparipucchākammaṭṭhānādīni anuyuñjituṃ na sakkonti.

Dussīlesu pana niggahitesu sabbopi ayaṃ upaddavo na hoti.

Tato pesalā bhikkhū phāsu viharanti.

Evaṃ "pesalānaṃ bhikkhūnaṃ phāsu vihārāyā"ti ettha dvidhā attho veditabbo.

Diṭṭhadhammikānaṃ āsavānaṃ saṃvarāyāti diṭṭhadhammikā āsavā nāma asaṃvare ṭhitena tasmiññeva attabhāve pattabbā pāṇippahāra-daṇḍappahāra-hatthaccheda-pādaccheda-akitti-ayasavippaṭisārādayo dukkhavisesā.

Iti imesaṃ diṭṭhadhammikānaṃ āsavānaṃ saṃvarāya pidhānāya āgamanamaggathakanāyāti attho.

Samparāyikānaṃ āsavānaṃ paṭighātāyāti samparāyikā āsavā nāma asaṃvare ṭhitena katapāpakammamūlakā samparāye narakādīsu pattabbā dukkhavisesā, tesaṃ paṭighātatthāya paṭippassambhanatthāya vūpasamatthāyāti vuttaṃ hoti.

Appasannānaṃ pasādāyāti sikkhāpadapaññattiyā hi sati sikkhāpadapaññattiṃ ñatvā vā yathāpaññattaṃ paṭipajjamāne bhikkhū disvā vā yepi appasannā paṇḍitamanussā, te "yāni vata loke mahājanassa rajjana-dussana-muyhanaṭṭhānāni, tehi ime samaṇā sakyaputtiyā ārakā viratā viharanti, dukkaraṃ vata karonti, bhāriyaṃ vata karontī"ti pasādaṃ āpajjanti, vinayapiṭake potthakaṃ disvā micchādiṭṭhika-tivedī brāhmaṇo viya.

Tena vuttaṃ – "appasannānaṃ pasādāyā"ti.

Pasannānaṃ bhiyyobhāvāyāti yepi sāsane pasannā kulaputtā tepi sikkhāpadapaññattiṃ ñatvā yathāpaññattaṃ paṭipajjamāne bhikkhū vā disvā "aho ayyā dukkarakārino, ye yāvajīvaṃ ekabhattaṃ brahmacariyaṃ vinayasaṃvaraṃ anupālentī"ti bhiyyo bhiyyo pasīdanti.

Tena vuttaṃ – "pasannānaṃ bhiyyobhāvāyā"ti.

Saddhammaṭṭhitiyāti tividho saddhammo – pariyattisaddhammo, paṭipattisaddhammo, adhigamasaddhammoti.

Tattha piṭakattayasaṅgahitaṃ sabbampi buddhavacanaṃ "pariyattisaddhammo" nāma.

Terasa dhutaguṇā, cuddasa khandhakavattāni, dveasīti mahāvattāni, sīlasamādhivipassanāti ayaṃ "paṭipattisaddhammo" nāma.

Cattāro ariyamaggā cattāri ca sāmaññaphalāni nibbānañcāti ayaṃ "adhigamasaddhammo" nāma.

So sabbopi yasmā sikkhāpadapaññattiyā sati bhikkhū sikkhāpadañca tassa vibhaṅgañca tadatthajotanatthaṃ aññañca buddhavacanaṃ pariyāpuṇanti, yathāpaññattañca paṭipajjamānā paṭipattiṃ pūretvā paṭipattiyā adhigantabbaṃ lokuttaradhammaṃ adhigacchanti, tasmā sikkhāpadapaññattiyā ciraṭṭhitiko hoti.

Tena vuttaṃ – "saddhammaṭṭhitiyā"ti.

Vinayānuggahāyāti sikkhāpadapaññattiyā hi sati saṃvaravinayo ca pahānavinayo ca samathavinayo ca paññattivinayo cāti catubbidhopi vinayo anuggahito hoti upatthambhito sūpatthambhito.

Tena vuttaṃ – "vinayānuggahāyā"ti.

Sabbāneva cetāni padāni "sikkhāpadaṃ paññapessāmī"ti iminā vacanena saddhiṃ yojetabbāni.

Tatrāyaṃ paṭhamapacchimapadayojanā – "saṅghasuṭṭhutāya sikkhāpadaṃ paññapessāmi, vinayānuggahāya sikkhāpadaṃ paññapessāmī"ti.

Api cettha yaṃ saṅghasuṭṭhu taṃ saṅghaphāsu, yaṃ saṅghaphāsu taṃ dummaṅkūnaṃ puggalānaṃ niggahāyāti evaṃ saṅkhalikanayaṃ; yaṃ saṅghasuṭṭhu taṃ saṅghaphāsu, yaṃ saṅghasuṭṭhu taṃ dummaṅkūnaṃ puggalānaṃ niggahāyāti evañca ekekapadamūlikaṃ dasakkhattuṃ yojanaṃ katvā yaṃ vuttaṃ parivāre (pari. 334) –

Taṃ sabbaṃ veditabbaṃ.

Taṃ panetaṃ yasmā parivāreyeva āvi bhavissati, tasmā idha na vaṇṇitanti.

Evaṃ sikkhāpadapaññattiyā ānisaṃsaṃ dassetvā tasmiṃ sikkhāpade bhikkhūhi kattabbakiccaṃ dīpento "evañca pana, bhikkhave, imaṃ sikkhāpadaṃ uddiseyyāthā"ti āha.

Kiṃ vuttaṃ hoti?

Bhikkhave, imaṃ pana mayā iti sandassitānisaṃsaṃ sikkhāpadaṃ evaṃ pātimokkhuddese uddiseyyātha ca pariyāpuṇeyyātha ca dhāreyyātha ca aññesañca vāceyyāthāti.

Atirekānayanattho hi ettha ca saddo, tenāyamattho ānīto hotīti.