| Что нового | Оглавление | Поиск | Закладки | Словарь | Вход | EN / RU |
Āyuvaṇṇādiparihānikathāvaṇṇanā Палийский оригинал
| пали | khantibalo - русский | Комментарии |
| 91.Noca kho adhanānanti balavalobhattā pana adhanānaṃ daliddamanussānaṃ dhanaṃ nānuppadāsi. | ||
| Nānuppadiyamāneti ananuppadiyamāne, ayameva vā pāṭho. | ||
| Dāliddiyanti daliddabhāvo. | ||
| Attanā ca jīvāhīti sayañca jīvaṃ yāpehīti attho. | ||
| Uddhaggikantiādīsu uparūparibhūmīsu phaladānavasena uddhamaggamassāti uddhaggikā. | ||
| Saggassa hitā tatrupapattijananatoti sovaggikā. | ||
| Nibbattaṭṭhāne sukho vipāko assāti sukhavipākā. | ||
| Suṭṭhu aggānaṃ dibbavaṇṇādīnaṃ dasannaṃ visesānaṃ nibbattanato saggasaṃvattanikā. | ||
| Evarūpaṃ dakkhiṇaṃ dānaṃ patiṭṭhapetīti attho. | ||
| 92.Pavaḍḍhissatīti vaḍḍhissati bahuṃ bhavissati. | ||
| Sunisedhaṃ nisedheyyanti suṭṭhu nisiddhaṃ nisedheyyaṃ. | ||
| Mūlaghaccanti mūlahataṃ. | ||
| Kharassarenāti pharusasaddena. | ||
| Paṇavenāti vajjhabheriyā. | ||
| 93.Sīsāninesaṃ chindissāmāti yesaṃ antamaso mūlakamuṭṭhimpi harissāma, tesaṃ tatheva sīsāni chindissāma, yathā koci haṭabhāvampi na jānissati, amhākaṃ dāni kimettha rājāpi evaṃ uṭṭhāya paraṃ māretīti ayaṃ nesaṃ adhippāyo. | ||
| Upakkamiṃsūti ārabhiṃsu. | ||
| Panthaduhananti panthaghātaṃ, panthe ṭhatvā corakammaṃ. | ||
| 94.Na hi, devāti so kira cintesi – "ayaṃ rājā saccaṃ devāti mukhapaṭiññāya dinnāya mārāpeti, handāhaṃ musāvādaṃ karomī"ti, maraṇabhayā "na hi devā"ti avoca. | ||
| 96.Ekidanti ettha idanti nipātamattaṃ, eke sattāti attho. | ||
| Cārittanti micchācāraṃ. | ||
| Abhijjhābyāpādāti abhijjhā ca byāpādo ca. | ||
| Micchādiṭṭhīti natthi dinnantiādikā antaggāhikā paccanīkadiṭṭhi. | ||
| 101.Adhammarāgoti mātā mātucchā pitucchā mātulānītiādike ayuttaṭṭhāne rāgo. | "Неправедная страсть": страсть, направленная к неуместному: к матери, тёте по материнской линии, тёте по отцовской линии, жене дяди по материнской линии и прочим. | |
| Visamalobhoti paribhogayuttesupi ṭhānesu atibalavalobho. | "Порочная алчность": крайне сильная страсть к местам, используемым для приёма пищи. |
Судя по всему к сношению в эти места. Все комментарии (1) |
| Micchādhammoti purisānaṃ purisesu itthīnañca itthīsu chandarāgo. | "Неподобающее поведение": желание и страсть мужчин к мужчинам и женщин к женщинам. |
Сыркин и Парибок в комментарий не смотрели. Все комментарии (1) |
| Amatteyyatātiādīsu mātu hito matteyyo, tassa bhāvo matteyyatā, mātari sammā paṭipattiyā etaṃ nāmaṃ. | ||
| Tassā abhāvo ceva tappaṭipakkhatā ca amatteyyatā. | ||
| Apetteyyatādīsupi eseva nayo. | ||
| Na kule jeṭṭhāpacāyitāti kule jeṭṭhānaṃ apacitiyā nīcavuttiyā akaraṇabhāvo. |