| Что нового | Оглавление | Поиск | Закладки | Словарь | Вход | EN / RU |
СН 35.63 Палийский оригинал
| пали | Комментарии |
| 63.Sāvatthinidānaṃ. | |
| Atha kho āyasmā migajālo yena bhagavā - pe - ekamantaṃ nisinno kho āyasmā migajālo bhagavantaṃ etadavoca – "'ekavihārī, ekavihārī'ti, bhante, vuccati. | |
| Kittāvatā nu kho, bhante, ekavihārī hoti, kittāvatā ca pana sadutiyavihārī hotī"ti? | |
| "Santi kho, migajāla, cakkhuviññeyyā rūpā iṭṭhā kantā manāpā piyarūpā kāmūpasaṃhitā rajanīyā. | |
| Tañce bhikkhu abhinandati abhivadati ajjhosāya tiṭṭhati. | |
| Tassa taṃ abhinandato abhivadato ajjhosāya tiṭṭhato uppajjati nandī [nandi (sī. syā. kaṃ. pī.)]. | |
| Nandiyā sati sārāgo hoti; sārāge sati saṃyogo hoti. | |
| Nandisaṃyojanasaṃyutto kho, migajāla, bhikkhu sadutiyavihārīti vuccati. | |
| Santi - pe - santi kho, migajāla, jivhāviññeyyā rasā iṭṭhā kantā manāpā piyarūpā kāmūpasaṃhitā rajanīyā. |
У ББ здесь также
tactile objects cognizable by the body … mental phenomena cognizable by the mind that are desirable, lovely, agreeable, pleasing, s... Все комментарии (1) |
| Tañce bhikkhu abhinandati abhivadati ajjhosāya tiṭṭhati. | |
| Tassa taṃ abhinandato abhivadato ajjhosāya tiṭṭhato uppajjati nandī. | |
| Nandiyā sati sārāgo hoti; sārāge sati saṃyogo hoti. | |
| Nandisaṃyojanasaṃyutto kho, migajāla, bhikkhu sadutiyavihārīti vuccati. | |
| Evaṃvihārī ca, migajāla, bhikkhu kiñcāpi araññavanapatthāni pantāni senāsanāni paṭisevati appasaddāni appanigghosāni vijanavātāni manussarāhasseyyakāni [manussarāhaseyyakāni (sī. syā. kaṃ. pī.)] paṭisallānasāruppāni; atha kho sadutiyavihārīti vuccati. | |
| Taṃ kissa hetu? | |
| Taṇhā hissa dutiyā, sāssa appahīnā. | |
| Tasmā sadutiyavihārī"ti vuccati. | |
| "Santi ca kho, migajāla, cakkhuviññeyyā rūpā iṭṭhā kantā manāpā piyarūpā kāmūpasaṃhitā rajanīyā. | |
| Tañce bhikkhu nābhinandati nābhivadati nājjhosāya tiṭṭhati. | |
| Tassa taṃ anabhinandato anabhivadato anajjhosāya tiṭṭhato nandī nirujjhati. | |
| Nandiyā asati sārāgo na hoti; sārāge asati saṃyogo na hoti. | |
| Nandisaṃyojanavisaṃyutto kho, migajāla, bhikkhu ekavihārīti vuccati - pe - santi ca kho, migajāla, jivhāviññeyyā rasā - pe - santi ca kho, migajāla, manoviññeyyā dhammā iṭṭhā kantā manāpā piyarūpā kāmūpasaṃhitā rajanīyā. |
здесь всё заканчивается как и должно - познаваемыми явлениями Все комментарии (1) |
| Tañce bhikkhu nābhinandati nābhivadati nājjhosāya tiṭṭhati. | |
| Tassa taṃ anabhinandato anabhivadato anajjhosāya tiṭṭhato nandī nirujjhati. | |
| Nandiyā asati sārāgo na hoti; sārāge asati saṃyogo na hoti. | |
| Nandisaṃyojanavippayutto kho, migajāla, bhikkhu ekavihārīti vuccati. | |
| Evaṃvihārī ca, migajāla, bhikkhu kiñcāpi gāmante viharati ākiṇṇo bhikkhūhi bhikkhunīhi upāsakehi upāsikāhi rājūhi rājamahāmattehi titthiyehi titthiyasāvakehi. | |
| Atha kho ekavihārīti vuccati. | |
| Taṃ kissa hetu? | |
| Taṇhā hissa dutiyā, sāssa pahīnā. | |
| Tasmā ekavihārīti vuccatī"ti. | |
| Paṭhamaṃ. |