| пали | khantibalo - русский
|
Комментарии |
|
49. "Cattārome , bhikkhave, saññāvipallāsā cittavipallāsā diṭṭhivipallāsā .
|
"Монахи, это четыре искажения распознавания, искажения ума, искажения взглядов.
|
|
|
Katame cattāro?
|
Какие четыре?
|
|
|
Anicce, bhikkhave, niccanti saññāvipallāso cittavipallāso diṭṭhivipallāso; dukkhe, bhikkhave, sukhanti saññāvipallāso cittavipallāso diṭṭhivipallāso; anattani, bhikkhave, attāti saññāvipallāso cittavipallāso diṭṭhivipallāso; asubhe, bhikkhave, subhanti saññāvipallāso cittavipallāso diṭṭhivipallāso.
|
Изменчивое считать неизменным - это, о монахи, искажение распознавания, искажение ума, искажение взглядов; мучительное считать приятным - это, о монахи, искажение распознавания, искажение ума, искажение взглядов; не являющееся мной (безличное) считать собой - это, о монахи, искажение распознавания, искажение ума, искажение взглядов; непривлекательное считать привлекательным - это, о монахи, искажение распознавания, искажение ума, искажение взглядов.
|
|
|
Ime kho, bhikkhave, cattāro saññāvipallāsā cittavipallāsā diṭṭhivipallāsā.
|
Таковы, о монахи, четыре искажения распознавания, искажения ума, искажения взглядов.
|
|
|
"Cattārome, bhikkhave, nasaññāvipallāsā nacittavipallāsā nadiṭṭhivipallāsā.
|
|
|
|
Katame cattāro?
|
|
|
|
Anicce, bhikkhave, aniccanti nasaññāvipallāso nacittavipallāso nadiṭṭhivipallāso; dukkhe, bhikkhave, dukkhanti nasaññāvipallāso nacittavipallāso nadiṭṭhivipallāso; anattani, bhikkhave, anattāti nasaññāvipallāso nacittavipallāso nadiṭṭhivipallāso; asubhe, bhikkhave, asubhanti nasaññāvipallāso nacittavipallāso nadiṭṭhivipallāso.
|
|
|
|
Ime kho, bhikkhave, cattāro nasaññāvipallāsā nacittavipallāsā nadiṭṭhivipallāsā"ti.
|
|
|
|
"Anicce niccasaññino, dukkhe ca sukhasaññino;
|
|
|
|
Anattani ca attāti, asubhe subhasaññino;
|
|
|
|
Micchādiṭṭhihatā sattā, khittacittā visaññino.
|
|
|
|
"Te yogayuttā mārassa, ayogakkhemino janā;
|
|
|
|
Sattā gacchanti saṃsāraṃ, jātimaraṇagāmino.
|
|
|
|
"Yadā ca buddhā lokasmiṃ, uppajjanti pabhaṅkarā;
|
|
|
|
Te imaṃ dhammaṃ [temaṃ dhammaṃ (sī. syā. kaṃ.)] pakāsenti, dukkhūpasamagāminaṃ.
|
|
|
|
"Tesaṃ sutvāna sappaññā, sacittaṃ paccaladdhā te;
|
|
|
|
Aniccaṃ aniccato dakkhuṃ, dukkhamaddakkhu dukkhato.
|
|
|
|
"Anattani anattāti, asubhaṃ asubhataddasuṃ;
|
|
|
|
Sammādiṭṭhisamādānā, sabbaṃ dukkhaṃ upaccagu"nti [paṭi. ma. 1.236]. navamaṃ;
|
|
|