| пали | opentipitaka.org - русский
|
Комментарии |
|
Idāni sikkhāpadavibhaṅgassa atthaṃ vaṇṇayissāma.
|
Теперь мы разъясним значение [анализа слов] в разъяснении правил обучения (sikkhāpadavibhaṅga). Что касается сказанного: «yo pana» (кто бы ни...) — «yo yādiso» (кто бы, какой бы ни...) и так далее. Здесь «yo pana» — это слово, подлежащее анализу; а «yo yādiso» и так далее — это слова, разъясняющие его. И здесь, поскольку «pana» — это лишь частица, а «yo» — это знаменательное слово, которое указывает на неопределенное лицо, постольку [Благословенный], показывая его значение, произнес только слово «yo», указывающее на неопределенное лицо. Поэтому здесь значение следует понимать так: «yo pana» означает «кто бы то ни был» (yo yo koci). Поскольку любой, кто бы то ни был, непременно распознается по какому-либо одному из признаков, таких как внешний вид (liṅga), занятие (yutta), происхождение (jāti), имя (nāma), клан (gotta), поведение (sīla), образ жизни (vihāra), сфера деятельности (gocara) или возраст (vaya), то, чтобы дать знать об этом и показать эти различия, [Благословенный] сказал: «yādiso» (какой бы ни...) и так далее. Здесь «yādiso» (какой бы ни) означает: по внешнему виду — будь он таким или иным; высоким или низким, темным или светлым, смуглым (цвета рыбы мангура), худым или полным. «Yathāyutto» (соответствующий занятию) означает: по роду деятельности — пусть он занят тем или иным делом; будь то строительные работы (navakamma), обучение (uddesa) или практика созерцания (vāsadhura). «Yathājacco» (соответствующий происхождению) означает: по происхождению — пусть он будет того или иного рождения; кшатрием, брахманом, вайшьей или шудрой. «Yathānāmo» (соответствующий имени) означает: по имени — пусть его зовут так или иначе; Буддхараккхита, Дхаммараккхита или Сангхараккхита. «Yathāgotto» (соответствующий клану) означает: по клану — пусть он принадлежит к тому или иному клану; Каччаяна, Васиттха или Косия. «Yathāsīlo» (соответствующий поведению) означает: по привычкам — пусть у него будут те или иные привычки; привычка к строительным работам, привычка к обучению или привычка к практике созерцания. «Yathāvihārī» (соответствующий образу жизни) означает: также и по образу жизни — пусть он живет тем или иным образом; проводя время в строительных работах, в обучении или в практике созерцания. «Yathāgocaro» (соответствующий сфере деятельности) означает: также и по сфере деятельности — пусть его сферой будет то или иное; строительные работы, обучение или практика созерцания. В словах «thero vā» (или тхера) и так далее, касающихся возраста и прочего, значение таково: пусть он будет тем или иным; тхерой (тхерой) — благодаря полным десяти годам [в монашестве], новопосвященным (навой) — имеющим менее пяти лет [в монашестве], или средним (мадджхимой) — имеющим более пяти лет [в монашестве]. И действительно, в данном контексте любой такой [монах] обозначается словами «yo pana» (кто бы ни).
|
|
|
Yaṃ vuttaṃ yo panāti yo yādisotiādi.
|
|
|
|
Ettha yo panāti vibhajitabbapadaṃ; yo yādisotiādīni tassa vibhajanapadāni.
|
|
|
|
Ettha ca yasmā panāti nipātamattaṃ; yoti atthapadaṃ; tañca aniyamena puggalaṃ dīpeti, tasmā tassa atthaṃ dassento aniyamena puggaladīpakaṃ yo saddameva āha.
|
|
|
|
Tasmā ettha evamattho veditabbo – yo panāti yo yokocīti vuttaṃ hoti.
|
|
|
|
Yasmā pana yo yokoci nāma, so avassaṃ liṅga-yutta-jāti-nāma-gotta-sīla-vihāra-gocaravayesu ekenākārena paññāyati, tasmā taṃ tathā ñāpetuṃ taṃ pabhedaṃ pakāsento "yādiso"tiādimāha.
|
|
|
|
Tattha yādisoti liṅgavasena yādiso vā tādiso vā hotu; dīgho vā rasso vā kāḷo vā odāto vā maṅguracchavi vā kiso vā thūlo vāti attho.
|
|
|
|
Yathāyuttoti yogavasena yena vā tena vā yutto hotu; navakammayutto vā uddesayutto vā vāsadhurayutto vāti attho.
|
|
|
|
Yathājaccoti jātivasena yaṃjacco vā taṃjacco vā hotu; khattiyo vā brāhmaṇo vā vesso vā suddo vāti attho.
|
|
|
|
Yathānāmoti nāmavasena yathānāmo vā tathānāmo vā hotu; buddharakkhito vā dhammarakkhito vā saṅgharakkhito vāti attho.
|
|
|
|
Yathāgottoti gottavasena yathāgotto vā tathāgotto vā yena vā tena vā gottena hotu; kaccāyano vā vāsiṭṭho vā kosiyo vāti attho.
|
|
|
|
Yathāsīloti sīlesu yathāsīlo vā tathāsīlo vā hotu; navakammasīlo vā uddesasīlo vā vāsadhurasīlo vāti attho.
|
|
|
|
Yathāvihārīti vihāresupi yathāvihārī vā tathāvihārī vā hotu; navakammavihārī vā uddesavihārī vā vāsadhuravihārī vāti attho.
|
|
|
|
Yathāgocaroti gocaresupi yathāgocaro vā tathāgocaro vā hotu; navakammagocaro vā uddesagocaro vā vāsadhuragocaro vāti attho.
|
|
|
|
Thero vāti ādīsu vayovuḍḍhādīsu yo vā so vā hotu; paripuṇṇadasavassatāya thero vā ūnapañcavassatāya navo vā atirekapañcavassatāya majjhimo vāti attho.
|
|
|
|
Atha kho sabbova imasmiṃ atthe eso vuccati "yo panā"ti.
|
|
|
|
Bhikkhuniddese bhikkhatīti bhikkhako; labhanto vā alabhanto vā ariyāya yācanāya yācatīti attho.
|
В разъяснении слова «бхиккху» (bhikkhuniddesa): «тот, кто просит подаяние (bhikkhati), есть просящий (bhikkhako)»; значение в том, что он просит благородным прошением, независимо от того, получает он что-то или нет. «Тот, кто вступил на путь сбора подаяния» (bhikkhācariyaṃ ajjhupagato) — так называют его потому, что он вступил на путь сбора подаяния, который был принят Буддами и другими благородными. Ибо любой, кто, оставив малое или большое богатство, ушел из дома в бездомность и, отказавшись от добывания средств к существованию пахотой, скотоводством и т. д., вступил на путь сбора подаяния, просто приняв монашеский облик, зовется бхиккху. Или же, поскольку его жизнь зависит от других, даже если он ест пищу, принесенную на коромыслах посреди монастыря, он все равно считается «вступившим на путь сбора подаяния» и потому зовется бхиккху. Или же, поскольку он принял монашество с решимостью полагаться на пищу, собираемую по кусочкам (piṇḍiyālopabhojana), он считается «вступившим на путь сбора подаяния» и потому зовется бхиккху. «Тот, кто носит разорванное одеяние» — это «bhinnapaṭadharo» (носящий лоскуты), из-за нарушения его ценности (aggha), мягкости (phassa) и цвета (vaṇṇa). Здесь нарушение ценности следует понимать через разрезание ножом. Ибо даже ткань стоимостью в тысячу [монет], будучи разрезанной ножом на мелкие куски, теряет свою ценность. Она не стоит и половины прежней цены. Нарушение мягкости следует понимать через сшивание нитью. Ибо даже очень мягкая на ощупь ткань, будучи сшитой нитями, теряет свою мягкость и становится грубой на ощупь. Нарушение цвета следует понимать через загрязнение от иглы и прочее. Ибо даже совершенно чистая ткань, начиная с шитья, из-за грязи от иглы, пота рук, пыли, а в конце концов из-за окрашивания и нанесения меток, теряет свой первоначальный цвет и лишается естественного оттенка. Таким образом, из-за ношения ткани, измененной этими тремя способами, он зовется «bhinnapaṭadharo» (носящий лоскуты) и потому является бхиккху. Или же он зовется «bhinnapaṭadharo» просто потому, что носит шафрановые одежды (kāsāva), которые отличаются от одежд мирян.
|
|
|
Buddhādīhi ajjhupagataṃ bhikkhācariyaṃ ajjhupagatattā bhikkhācariyaṃ ajjhupagato nāma.
|
|
|
|
Yo hi koci appaṃ vā mahantaṃ vā bhogakkhandhaṃ pahāya agārasmā anagāriyaṃ pabbajito, so kasigorakkhādīhi jīvikakappanaṃ hitvā liṅgasampaṭicchaneneva bhikkhācariyaṃ ajjhupagatoti bhikkhu.
|
|
|
|
Parapaṭibaddhajīvikattā vā vihāramajjhe kājabhattaṃ bhuñjamānopi bhikkhācariyaṃ ajjhupagatoti bhikkhu; piṇḍiyālopabhojanaṃ nissāya pabbajjāya ussāhajātattā vā bhikkhācariyaṃ ajjhupagatoti bhikkhu.
|
|
|
|
Agghaphassavaṇṇabhedena bhinnaṃ paṭaṃ dhāretīti bhinnapaṭadharo.
|
|
|
|
Tattha satthakacchedanena agghabhedo veditabbo.
|
|
|
|
Sahassagghanakopi hi paṭo satthakena khaṇḍākhaṇḍikaṃ chinno bhinnaggho hoti.
|
|
|
|
Purimagghato upaḍḍhampi na agghati.
|
|
|
|
Suttasaṃsibbanena phassabhedo veditabbo.
|
|
|
|
Sukhasamphassopi hi paṭo suttehi saṃsibbito bhinnaphasso hoti.
|
|
|
|
Kharasamphassataṃ pāpuṇāti.
|
|
|
|
Sūcimalādīhi vaṇṇabhedo veditabbo.
|
|
|
|
Suparisuddhopi hi paṭo sūcikammato paṭṭhāya sūcimalena, hatthasedamalajallikāhi, avasāne rajanakappakaraṇehi ca bhinnavaṇṇo hoti; pakativaṇṇaṃ vijahati.
|
|
|
|
Evaṃ tīhākārehi bhinnapaṭadhāraṇato bhinnapaṭadharoti bhikkhu.
|
|
|
|
Gihivatthavisabhāgānaṃ vā kāsāvānaṃ dhāraṇamatteneva bhinnapaṭadharoti bhikkhu.
|
|
|
|
Samaññāyāti paññattiyā vohārenāti attho.
|
«По общему признанию» (samaññāya) означает: по обозначению, по общепринятому названию. Ибо по одному лишь общему признанию некто известен как «бхиккху». Так, например, при подсчете монахов для приглашения на обед и т. д., включая и послушников (саманер), говорят: «сто бхиккху», «тысяча бхиккху». «По собственному заявлению» (paṭiññāya) означает: по собственному признанию. Ибо по собственному заявлению некто известен как «бхиккху». Пример этого можно видеть в таких выражениях, как: «Кто здесь? — Я, друг, бхиккху». Но это — праведное заявление, сделанное достопочтенным Анандой. Однако ночью даже безнравственные люди, идя навстречу путнику, когда их спрашивают: «Кто здесь?», делают неправедное, ложное заявление, говоря: «Мы — бхиккху».
|
|
|
Samaññāya eva hi ekacco "bhikkhū"ti paññāyati.
|
|
|
|
Tathā hi nimantanādimhi bhikkhūsu gaṇiyamānesu sāmaṇerepi gahetvā "sataṃ bhikkhū sahassaṃ bhikkhū"ti vadanti.
|
|
|
|
Paṭiññāyāti attano paṭijānanena paṭiññāyapi hi ekacco "bhikkhū"ti paññāyati.
|
|
|
|
Tassa "ko etthāti?
|
|
|
|
Ahaṃ, āvuso, bhikkhū"ti (a. ni. 10.96) evamādīsu sambhavo daṭṭhabbo.
|
|
|
|
Ayaṃ pana ānandattherena vuttā dhammikā paṭiññā.
|
|
|
|
Rattibhāge pana dussīlāpi paṭipathaṃ āgacchantā "ko etthā"ti vutte adhammikāya paṭiññāya abhūtāya "mayaṃ bhikkhū"ti vadanti.
|
|
|
|
Ehibhikkhūti ehi bhikkhu nāma bhagavato "ehi bhikkhū"ti vacanamattena bhikkhubhāvaṃ ehibhikkhūpasampadaṃ patto.
|
«Приди, бхиккху» (ehi bhikkhu): так называют того, кто достиг состояния бхиккху — посвящения «эхи-бхиккху» — по одному лишь слову Благословенного: «Приди, бхиккху». Ибо Благословенный, видя человека, обладающего достаточными условиями (upanissaya) для посвящения «эхи-бхиккху», протягивает из-под своего красного одеяния из тряпиц правую руку золотистого цвета и, издавая величественный голос (brahmaghosa), говорит: «Приди, бхиккху, веди святую жизнь (brahmacariya) для полного прекращения страданий». Одновременно со словами Благословенного мирской облик этого человека исчезает, и совершается его принятие монашества (pabbajjā) и полное посвящение (upasampadā). Он становится бритоголовым, одетым в шафрановые одежды. Надев одну [нижнюю одежду], запахнув другую [верхнюю одежду] и положив третью [накидку] на плечо, он оказывается с глиняной чашей цвета синего лотоса, висящей на его левом плече...
|
|
|
Bhagavā hi ehibhikkhubhāvāya upanissayasampannaṃ puggalaṃ disvā rattapaṃsukūlantarato suvaṇṇavaṇṇaṃ dakkhiṇahatthaṃ nīharitvā brahmaghosaṃ nicchārento "ehi, bhikkhu, cara brahmacariyaṃ sammā dukkhassa antakiriyāyā"ti vadati.
|
|
|
|
Tassa saheva bhagavato vacanena gihiliṅgaṃ antaradhāyati, pabbajjā ca upasampadā ca ruhati.
|
|
|
|
Bhaṇḍu kāsāyavasano hoti.
|
|
|
|
Ekaṃ nivāsetvā ekaṃ pārupitvā ekaṃ aṃse ṭhapetvā vāmaṃsakūṭe āsattanīluppalavaṇṇamattikāpatto –
|
|
|
|
"Ticīvarañca patto ca, vāsi sūci ca bandhanaṃ;
|
|
|
|
Parissāvanena aṭṭhete, yuttayogassa bhikkhuno"ti.
|
|
|
|
Evaṃ vuttehi aṭṭhahi parikkhārehi sarīre paṭimukkehiyeva saṭṭhivassikatthero viya iriyāpathasampanno buddhācariyako buddhupajjhāyako sammāsambuddhaṃ vandamānoyeva tiṭṭhati.
|
С этими восемью упомянутыми вещами, чудесным образом появившимися на его теле, он стоит, выражая почтение Самосовершенному Будде, обладая безупречными манерами, подобно тхере с шестидесятилетним стажем, имея Будду своим учителем и наставником. Ибо в первый период после Пробуждения Благословенный в течение определенного времени даровал посвящение исключительно через «эхи-бхиккху». И число посвященных таким образом составило одну тысячу триста сорок один бхиккху. А именно: пять тхер группы пяти, юноша из благородной семьи Яса, пятьдесят четыре его друга, составлявшие его свиту, тридцать юношей Бхаддаваггия, тысяча бывших аскетов-джатилов, двести пятьдесят странников вместе с двумя главными учениками, и один тхера Ангулимала. Об этом сказано в комментарии:
|
|
|
Bhagavā hi paṭhamabodhiyaṃ ekasmiṃ kāle ehibhikkhūpasampadāya eva upasampādeti.
|
|
|
|
Evaṃ upasampannāni ca sahassupari ekacattālīsuttarāni tīṇi bhikkhusatāni ahesuṃ; seyyathidaṃ – pañca pañcavaggiyattherā, yaso kulaputto, tassa parivārā catupaṇṇāsa sahāyakā, tiṃsa bhaddavaggiyā, sahassapurāṇajaṭilā, saddhiṃ dvīhi aggasāvakehi aḍḍhateyyasatā paribbājakā, eko aṅgulimālattheroti.
|
|
|
|
Vuttañhetaṃ aṭṭhakathāyaṃ –
|
|
|
|
"Tīṇi sataṃ sahassañca, cattālīsaṃ punāpare;
|
«Три сотни и тысяча, а также еще сорок,
|
|
|
Eko ca thero sappañño, sabbe te ehibhikkhukā"ti.
|
и один мудрый тхера — все они были посвященными через эхи-бхиккху».
|
|
|
Na kevalañca ete eva, aññepi bahū santi.
|
|
|
|
Seyyathidaṃ – tisataparivāro selo brāhmaṇo, sahassaparivāro mahākappino, dasasahassā kapilavatthuvāsino kulaputtā, soḷasasahassā pārāyanikabrāhmaṇāti evamādayo.
|
|
|
|
Te pana vinayapiṭake pāḷiyaṃ na niddiṭṭhattā na vuttā.
|
|
|
|
Ime tattha niddiṭṭhattā vuttāti.
|
|
|
|
"Sattavīsa sahassāni, tīṇiyeva satāni ca;
|
|
|
|
Etepi sabbe saṅkhātā, sabbe te ehibhikkhukā"ti.
|
|
|
|
Tīhi saraṇagamanehi upasampannoti "buddhaṃ saraṇaṃ gacchāmī"tiādinā nayena tikkhattuṃ vācaṃ bhinditvā vuttehi tīhi saraṇagamanehi upasampanno.
|
|
|
|
Ayañhi upasampadā nāma aṭṭhavidhā – ehibhikkhūpasampadā, saraṇagamanūpasampadā, ovādapaṭiggahaṇūpasampadā, pañhabyākaraṇūpasampadā, garudhammapaṭiggahaṇūpasampadā, dūtenūpasampadā, aṭṭhavācikūpasampadā, ñatticatutthakammūpasampadāti.
|
|
|
|
Tattha ehibhikkhūpasampadā, saraṇagamanūpasampadā ca vuttā eva.
|
|
|
|
Ovādapaṭiggahaṇūpasampadā nāma "tasmātiha te, kassapa, evaṃ sikkhitabbaṃ – 'tibbaṃ me hirottappaṃ paccupaṭṭhitaṃ bhavissati theresu navesu majjhimesu cā'ti.
|
|
|
|
Evañhi te, kassapa, sikkhitabbaṃ.
|
|
|
|
Tasmātiha te, kassapa, evaṃ sikkhitabbaṃ – 'yaṃ kiñci dhammaṃ sossāmi kusalūpasaṃhitaṃ, sabbaṃ taṃ aṭṭhiṃ katvā manasi katvā sabbacetasā samannāharitvā ohitasoto dhammaṃ sossāmī'ti.
|
|
|
|
Evaṃ hi te, kassapa, sikkhitabbaṃ.
|
|
|
|
Tasmātiha te, kassapa, evaṃ sikkhitabbaṃ – 'sātasahagatā ca me kāyagatāsati na vijahissatī'ti.
|
|
|
|
Evañhi te, kassapa, sikkhitabba"nti (saṃ. ni. 2.154) iminā ovādapaṭiggahaṇena mahākassapattherassa anuññātaupasampadā.
|
|
|
|
Pañhabyākaraṇūpasampadā nāma sopākassa anuññātaupasampadā.
|
|
|
|
Bhagavā kira pubbārāme anucaṅkamantaṃ sopākasāmaṇeraṃ "'uddhumātakasaññā'ti vā, sopāka, 'rūpasaññā'ti vā ime dhammā nānatthā nānābyañjanā, udāhu ekatthā, byañjanameva nāna"nti dasa asubhanissite pañhe pucchi.
|
|
|
|
So te byākāsi.
|
|
|
|
Bhagavā tassa sādhukāraṃ datvā "kativassosi tvaṃ, sopākā"ti pucchi.
|
|
|
|
"Sattavassohaṃ, bhagavā"ti.
|
|
|
|
"Sopāka, tvaṃ mama sabbaññutaññāṇena saddhiṃ saṃsanditvā pañhe byākāsī"ti āraddhacitto upasampadaṃ anujāni.
|
|
|
|
Ayaṃ pañhabyākaraṇūpasampadā.
|
|
|
|
Garudhammapaṭiggahaṇūpasampadā nāma mahāpajāpatiyā aṭṭhagarudhammassa paṭiggahaṇena anuññātaupasampadā.
|
|
|
|
Dūtenūpasampadā nāma aḍḍhakāsiyā gaṇikāya anuññātaupasampadā.
|
|
|
|
Aṭṭhavācikūpasampadā nāma bhikkhuniyā bhikkhunisaṅghato ñatticatutthena bhikkhusaṅghato ñatticatutthenāti imehi dvīhi kammehi upasampadā.
|
|
|
|
Ñatticatutthakammūpasampadā nāma bhikkhūnaṃ etarahi upasampadā.
|
|
|
|
Imāsu aṭṭhasu upasampadāsu "yā sā, bhikkhave, mayā tīhi saraṇagamanehi upasampadā anuññātā, taṃ ajjatagge paṭikkhipāmi.
|
|
|
|
Anujānāmi, bhikkhave, ñatticatutthena kammena upasampādetu"nti (mahāva. 69) evaṃ anuññātāya imāya upasampadāya upasampannoti vuttaṃ hoti.
|
|
|
|
Bhadroti apāpako.
|
|
|
|
Kalyāṇaputhujjanādayo hi yāva arahā, tāva bhadrena sīlena samādhinā paññāya vimuttiyā vimuttiñāṇadassanena ca samannāgatattā "bhadro bhikkhū"ti saṅkhyaṃ gacchanti.
|
|
|
|
Sāroti tehiyeva sīlasārādīhi samannāgatattā nīlasamannāgamena nīlo paṭo viya "sāro bhikkhū"ti veditabbo.
|
|
|
|
Vigatakilesapheggubhāvato vā khīṇāsavova "sāro"ti veditabbo.
|
|
|
|
Sekhoti puthujjanakalyāṇakena saddhiṃ satta ariyā tisso sikkhā sikkhantīti sekhā.
|
|
|
|
Tesu yo koci "sekho bhikkhū"ti veditabbo.
|
|
|
|
Na sikkhatīti asekho.
|
|
|
|
Sekkhadhamme atikkamma aggaphale ṭhito, tato uttari sikkhitabbābhāvato khīṇāsavo "asekho"ti vuccati.
|
|
|
|
Samaggena saṅghenāti sabbantimena pariyāyena pañcavaggakaraṇīye kamme yāvatikā bhikkhū kammappattā, tesaṃ āgatattā chandārahānaṃ chandassa āhaṭattā, sammukhībhūtānañca appaṭikkosanato ekasmiṃ kamme samaggabhāvaṃ upagatena.
|
|
|
|
Ñatticatutthenāti tīhi anussāvanāhi ekāya ca ñattiyā kātabbena.
|
|
|
|
Kammenāti dhammikena vinayakammena.
|
|
|
|
Akuppenāti vatthu-ñatti-anussāvana-sīmā-parisasampattisampannattā akopetabbataṃ appaṭikkositabbatañca upagatena.
|
|
|
|
Ṭhānārahenāti kāraṇārahena satthusāsanārahena.
|
|
|
|
Upasampanno nāma uparibhāvaṃ samāpanno, pattoti attho.
|
|
|
|
Bhikkhubhāvo hi uparibhāvo, tañcesa yathāvuttena kammena samāpannattā "upasampanno"ti vuccati.
|
|
|
|
Ettha ca ñatticatutthakammaṃ ekameva āgataṃ.
|
|
|
|
Imasmiṃ pana ṭhāne ṭhatvā cattāri saṅghakammāni nīharitvā vitthārato kathetabbānīti sabbaaṭṭhakathāsu vuttaṃ.
|
|
|
|
Tāni ca "apalokanakammaṃ ñattikammaṃ ñattidutiyakammaṃ ñatticatutthakamma"nti paṭipāṭiyā ṭhapetvā vitthārena khandhakato parivārāvasāne kammavibhaṅgato ca pāḷiṃ āharitvā kathitāni.
|
|
|
|
Tāni mayaṃ parivārāvasāne kammavibhaṅgeyeva vaṇṇayissāma.
|
|
|
|
Evañhi sati paṭhamapārājikavaṇṇanā ca na bhāriyā bhavissati; yathāṭhitāya ca pāḷiyā vaṇṇanā suviññeyyā bhavissati.
|
|
|
|
Tāni ca ṭhānāni asuññāni bhavissanti; tasmā anupadavaṇṇanameva karoma.
|
|
|
|
Tatrāti tesu "bhikkhako"tiādinā nayena vuttesu bhikkhūsu.
|
|
|
|
Yvāyaṃ bhikkhūti yo ayaṃ bhikkhu.
|
|
|
|
Samaggena saṅghena - pe - upasampannoti aṭṭhasu upasampadāsu ñatticatuttheneva kammena upasampanno.
|
|
|
|
Ayaṃ imasmiṃ atthe adhippeto bhikkhūti ayaṃ imasmiṃ "methunaṃ dhammaṃ paṭisevitvā pārājiko hotī"ti atthe "bhikkhū"ti adhippeto.
|
|
|
|
Itare pana "bhikkhako"ti ādayo atthuddhāravasena vuttā.
|
|
|
|
Tesu ca "bhikkhako"ti ādayo niruttivasena vuttā, "samaññāya bhikkhu, paṭiññāya bhikkhū"ti ime dve abhilāpavasena vuttā, "ehi bhikkhū"ti buddhena upajjhāyena paṭiladdhaupasampadāvasena vutto.
|
|
|
|
Saraṇagamanabhikkhu anuppannāya kammavācāya upasampadāvasena vutto, "bhadro"tiādayo guṇavasena vuttāti veditabbā.
|
|
|
|
Bhikkhupadabhājanīyaṃ niṭṭhitaṃ.
|
|
|