| пали | Комментарии |
|
54."Atha kho, bhikkhave, vipassī kumāro sārathiṃ āmantesi – 'tena hi, samma sārathi, rathaṃ ādāya itova antepuraṃ paccaniyyāhi.
|
|
|
Ahaṃ pana idheva kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajissāmī'ti.
|
|
|
'Evaṃ, devā'ti kho, bhikkhave, sārathi vipassissa kumārassa paṭissutvā rathaṃ ādāya tatova antepuraṃ paccaniyyāsi.
|
|
|
Vipassī pana kumāro tattheva kesamassuṃ ohāretvā kāsāyāni vatthāni acchādetvā agārasmā anagāriyaṃ pabbaji.
|
|