| пали | khantibalo - русский
|
Комментарии |
|
383.Evaṃme sutanti anāthapiṇḍikovādasuttaṃ.
|
|
|
|
Tattha bāḷhagilānoti adhimattagilāno maraṇaseyyaṃ upagato.
|
|
|
|
Āmantesīti gahapatissa kira yāva pādā vahiṃsu, tāva divase sakiṃ vā dvikkhattuṃ vā tikkhattuṃ vā buddhupaṭṭhānaṃ akhaṇḍaṃ akāsi.
|
|
|
|
Yattakañcassa satthu upaṭṭhānaṃ ahosi, tattakaṃyeva mahātherānaṃ.
|
|
|
|
So ajja gamanapādassa pacchinnattā anuṭṭhānaseyyaṃ upagato sāsanaṃ pesetukāmo aññataraṃ purisaṃ āmantesi.
|
|
|
|
Tenupasaṅkamīti bhagavantaṃ āpucchitvā sūriyatthaṅgamanavelāya upasaṅkami.
|
|
|
|
384.Paṭikkamantīti osakkanti, tanukā bhavanti.
|
|
|
|
Abhikkamantīti abhivaḍḍhanti ottharanti, balavatiyo honti.
|
|
|
|
Abhikkamosānaṃ paññāyati no paṭikkamoti yasmiñhi samaye māraṇantikā vedanā uppajjati, uparivāte jalitaggi viya hoti, yāva usmā na pariyādiyati, tāva mahatāpi upakkamena na sakkā vūpasametuṃ, usmāya pana pariyādinnāya vūpasammati.
|
|
|
|
385.Athāyasmā sāriputto cintesi – "ayaṃ mahāseṭṭhissa vedanā māraṇantikā, na sakkā paṭibāhituṃ, avasesā kathā niratthakā, dhammakathamassa kathessāmī"ti.
|
И тогда почтенный Сарипутта подумал: "это ощущение великого богача является предсмертным, его невозможно устранить, другие наставления бесполезны, я прочту наставление по Дхамме".
|
|
|
Atha naṃ taṃ kathento tasmātihātiādimāha.
|
И сказал ему следующее: "Раз так...".
|
|
|
Tattha tasmāti yasmā cakkhuṃ tīhi gāhehi gaṇhanto uppannaṃ māraṇantikaṃ vedanaṃ paṭibāhituṃ samattho nāma natthi, tasmā.
|
Здесь "раз так" означает, что раз зрение схвачено тремя хватками возникшее предсмертное ощущение устранить невозможно.
|
|
|
Na cakkhuṃ upādiyissāmīti cakkhuṃ tīhi gāhehi na gaṇhissāmi.
|
"Я не буду схватывать зрение" означает "зрение тремя хватками не буду схватывать".
|
|
|
Na ca me cakkhunissitaṃ viññāṇanti viññāṇañcāpi me cakkhunissitaṃ na bhavissati.
|
"Моё сознание не будет зависеть от зрения" означает "и также моё сознание не будет зависеть от зрения".
|
|
|
Na rūpanti heṭṭhā āyatanarūpaṃ kathitaṃ, imasmiṃ ṭhāne sabbampi kāmabhavarūpaṃ kathento evamāha.
|
"Материальное" - выше сказано про образы из "сфер чувств", здесь он так сказал, подразумевая всё материальное в мире страсти.
|
|
|
386.Na idhalokanti vasanaṭṭhānaṃ vā ghāsacchādanaṃ vā na upādiyissāmīti attho.
|
|
|
|
Idañhi paccayesu aparitassanatthaṃ kathitaṃ.
|
|
|
|
Na paralokanti ettha pana manussalokaṃ ṭhapetvā sesā paralokā nāma.
|
|
|
|
Idaṃ – "asukadevaloke nibbattitvā asukaṭṭhāne bhavissāmi, idaṃ nāma khādissāmi bhuñjissāmi nivāsessāmi pārupissāmī"ti evarūpāya paritassanāya pahānatthaṃ vuttaṃ.
|
|
|
|
Tampi na upādiyissāmi, na ca me tannissitaṃ viññāṇaṃ bhavissatīti evaṃ tīhi gāhehi parimocetvā thero desanaṃ arahattanikūṭena niṭṭhapesi.
|
|
|
|
387.Olīyasīti attano sampattiṃ disvā ārammaṇesu bajjhasi allīyasīti.
|
|
|
|
Iti āyasmā ānando – "ayampi nāma gahapati evaṃ saddho pasanno maraṇabhayassa bhāyati, añño ko na bhāyissatī"ti maññamāno tassa gāḷhaṃ katvā ovādaṃ dento evamāha.
|
|
|
|
Na ca me evarūpī dhammīkathā sutapubbāti ayaṃ upāsako – "satthu santikāpi me evarūpī dhammakathā na sutapubbā"ti vadati, kiṃ satthā evarūpi sukhumaṃ gambhīrakathaṃ na kathetīti?
|
|
|
|
No na katheti.
|
|
|
|
Evaṃ pana cha ajjhattikāni āyatanāni cha bāhirāni cha viññāṇakāye cha phassakāye cha vedanākāye cha dhātuyo pañcakkhandhe cattāro arūpe idhalokañca paralokañca dassetvā diṭṭhasutamutaviññātavasena arahatte pakkhipitvā kathitakathā etena na sutapubbā, tasmā evaṃ vadati.
|
|
|
|
Apicāyaṃ upāsako dānādhimutto dānābhirato buddhānaṃ santikaṃ gacchanto tucchahattho na gatapubbo.
|
|
|
|
Purebhattaṃ gacchanto yāgukhajjakādīni gāhāpetvā gacchati, pacchābhattaṃ sappimadhuphāṇitādīni.
|
|
|
|
Tasmiṃ asati vālikaṃ gāhāpetvā gandhakuṭipariveṇe okirāpeti, dānaṃ datvā sīlaṃ rakkhitvā gehaṃ gato.
|
|
|
|
Bodhisattagatiko kiresa upāsako, tasmā bhagavā catuvīsati saṃvaccharāni upāsakassa yebhuyyena dānakathameva kathesi – "upāsaka, idaṃ dānaṃ nāma bodhisattānaṃ gatamaggo, mayhampi gatamaggo, mayā satasahassakappādhikāni cattāri asaṅkhyeyyāni dānaṃ dinnaṃ, tvaṃ mayā gatamaggameva anugacchasī"ti.
|
|
|
|
Dhammasenāpatiādayo mahāsāvakāpi attano attano santikaṃ āgatakāle dānakathamevassa kathenti.
|
|
|
|
Tenevāha na kho gahapati gihīnaṃ odātavasanānaṃ evarūpī dhammīkathā paṭibhātīti.
|
|
|
|
Idaṃ vuttaṃ hoti – gahapati gihīnaṃ nāma khettavatthuhiraññasuvaṇṇadāsīdāsaputtabhariyādīsu tibbo ālayo tibbaṃ nikantipariyuṭṭhānaṃ, tesaṃ – "ettha ālayo na kātabbo, nikanti na kātabbā"ti kathā na paṭibhāti na ruccatīti.
|
|
|
|
Yena bhagavā tenupasaṅkamīti kasmā upasaṅkami?
|
|
|
|
Tusitabhavane kirassa nibbattamattasseva tigāvutappamāṇaṃ suvaṇṇakkhandhaṃ viya vijjotamānaṃ attabhāvaṃ uyyānavimānādisampattiñca disvā – "mahatī ayaṃ mayhaṃ sampatti, kiṃ nu kho me manussapathe kammaṃ kata"nti olokento tīsu ratanesu adhikāraṃ disvā cintesi "pamādaṭṭhānamidaṃ devattaṃ nāma, imāya hi me sampattiyā modamānassa satisammosopi siyā, handāhaṃ gantvā mama jetavanassa ceva bhikkhusaṅghassa ca tathāgatassa ca ariyamaggassa ca sāriputtattherassa ca vaṇṇaṃ kathetvā tato āgantvā sampattiṃ anubhavissāmī"ti.
|
|
|
|
So tathā akāsi.
|
|
|
|
Taṃ dassetuṃ atha kho anāthapiṇḍikotiādi vuttaṃ.
|
|
|
|
Tattha isisaṅghanisevitanti bhikkhusaṅghanisevitaṃ.
|
Здесь "где живёт община мудрецов" означает, что там живёт община монахов.
|
|
|
Evaṃ paṭhamagāthāya jetavanassa vaṇṇaṃ kathetvā idāni ariyamaggassa vaṇṇaṃ kathento kammaṃ vijjā cātiādimāha.
|
Так первой строфой выразив хвалу роще Джеты далее стал произносить хвалу благородному пути словами "поступок, видение и учение" и прочими.
|
|
|
Tattha kammanti maggacetanā.
|
Здесь под поступком понимается воление пути.
|
|
|
Vijjāti maggapaññā.
|
"Видение" - мудрость пути.
|
|
|
Dhammoti samādhipakkhiko dhammo.
|
"Дхамма" - учение, способствующее собранности ума.
|
|
|
Sīlaṃ jīvitamuttamanti sīle patiṭṭhitassa jīvitaṃ uttamanti dasseti.
|
"Нравственность и высший образ жизни" - так он объясняет высшую жизнь, укреплённую в нравственности.
|
|
|
Atha vā vijjāti diṭṭhisaṅkappo.
|
Или же "видение" означает [надлежащие] взгляды и [надлежащее] намерение;
|
|
|
Dhammoti vāyāmasatisamādhayo.
|
"учение" - [надлежащее] усилие, [надлежащее] памятование, и [надлежащая] собранность ума;
|
|
|
Sīlanti vācākammantājīvā.
|
"нравственность" - [надлежащая] речь, [надлежащая] деятельность, [надлежащие] средства к существованию;
|
|
|
Jīvitamuttamanti etasmiṃ sīle patiṭṭhitassa jīvitaṃ nāma uttamaṃ.
|
"высший образ жизни" - жизнь, укреплённая в этой нравственности зовётся наивысшей.
|
|
|
Etena maccā sujjhantīti etena aṭṭhaṅgikena maggena sattā visujjhanti.
|
"Этим смертные очищаются" - этим восьмеричным путём существа очищаются.
|
|
|
Tasmāti yasmā maggena sujjhanti, na gottadhanehi, tasmā.
|
"Поэтому" - поскольку очищаются путём, а не богатством или знатным родом, поэтому.
|
|
|
Yoniso vicine dhammanti upāyena samādhipakkhiyaṃ dhammaṃ vicineyya.
|
"Основательно исследуют Дхамму" - [тщательным] образом исследуют учение, способствующее собранности ума.
|
|
|
Evaṃ tattha visujjhatīti evaṃ tasmiṃ ariyamagge visujjhati.
|
"Так прямо здесь очищаются" - так в этом благородном пути очищаются.
|
|
|
Atha vā yoniso vicine dhammanti upāyena pañcakkhandhadhammaṃ vicineyya.
|
Или же [можно понимать как] "основательно исследуют явление", что означает [тщательным] образом исследуют явление пяти совокупностей.
|
|
|
Evaṃ tattha visujjhatīti evaṃ tesu catūsu saccesu visujjhati.
|
"Так прямо здесь очищаются" - так в этих четырёх реальностях [для благородных] очищаются.
|
|
|
Idāni sāriputtattherassa vaṇṇaṃ kathento sāriputto vātiādimāha.
|
|
|
|
Tattha sāriputto vāti avadhāraṇavacanaṃ.
|
|
|
|
Etehi paññādīhi sāriputtova seyyoti vadati.
|
|
|
|
Upasamenāti kilesaupasamena.
|
|
|
|
Pāraṅgatoti nibbānaṃ gato.
|
|
|
|
Yo koci nibbānaṃ patto bhikkhu, so etāvaparamo siyā, na therena uttaritaro nāma atthīti vadati.
|
|
|
|
Sesaṃ sabbattha uttānamevāti.
|
|
|
|
Papañcasūdaniyā majjhimanikāyaṭṭhakathāya
|
|
|
|
Anāthapiṇḍikovādasuttavaṇṇanā niṭṭhitā.
|
|
|