| Что нового | Оглавление | Поиск | Закладки | Словарь | Вход | EN / RU |
АН 3.98 Палийский оригинал
| пали | Комментарии |
| 98."Tīhi, bhikkhave, aṅgehi samannāgato rañño bhadro assājānīyo rājāraho hoti rājabhoggo, rañño aṅganteva saṅkhayaṃ gacchati. |
ББ: [All as in 3:96, with only the following difference in factor (3):] Все комментарии (1) |
| Katamehi tīhi? | |
| Idha, bhikkhave, rañño bhadro assājānīyo vaṇṇasampanno ca hoti balasampanno ca javasampanno ca. | |
| Imehi kho, bhikkhave, tīhi aṅgehi samannāgato rañño bhadro assājānīyo rājāraho hoti rājabhoggo, rañño aṅganteva saṅkhyaṃ gacchati. | |
| Evamevaṃ kho, bhikkhave, tīhi dhammehi samannāgato bhikkhu āhuneyyo hoti - pe - anuttaraṃ puññakkhettaṃ lokassa. | |
| Katamehi tīhi? | |
| Idha, bhikkhave, bhikkhu vaṇṇasampanno ca hoti balasampanno ca javasampanno ca. | |
| "Kathañca, bhikkhave, bhikkhu vaṇṇasampanno hoti? | |
| Idha, bhikkhave, bhikkhu sīlavā hoti - pe - samādāya sikkhati sikkhāpadesu. | |
| Evaṃ kho, bhikkhave, bhikkhu vaṇṇasampanno hoti. | |
| "Kathañca, bhikkhave, bhikkhu balasampanno hoti? | |
| Idha, bhikkhave, bhikkhu āraddhavīriyo viharati akusalānaṃ dhammānaṃ pahānāya kusalānaṃ dhammānaṃ upasampadāya thāmavā daḷhaparakkamo anikkhittadhuro kusalesu dhammesu. | |
| Evaṃ kho, bhikkhave, bhikkhu balasampanno hoti. | |
| "Kathañca, bhikkhave, bhikkhu javasampanno hoti? | |
| Idha, bhikkhave, bhikkhu pañcannaṃ orambhāgiyānaṃ saṃyojanānaṃ parikkhayā opapātiko hoti tattha parinibbāyī anāvattidhammo tasmā lokā. | |
| Evaṃ kho, bhikkhave, bhikkhu javasampanno hoti. | |
| Imehi kho, bhikkhave, tīhi dhammehi samannāgato bhikkhu āhuneyyo hoti - pe - anuttaraṃ puññakkhettaṃ lokassā"ti. | |
| Chaṭṭhaṃ. |