|
4."Tīhi, bhikkhave, dhammehi samannāgato bālo veditabbo.
|
|
|
Accayaṃ accayato na passati, accayaṃ accayato disvā yathādhammaṃ nappaṭikaroti, parassa kho pana accayaṃ desentassa yathādhammaṃ nappaṭiggaṇhāti.
|
|
|
Imehi kho, bhikkhave, tīhi dhammehi samannāgato bālo veditabbo.
|
|
|
"Tīhi, bhikkhave, dhammehi samannāgato paṇḍito veditabbo.
|
|
|
Accayaṃ accayato passati, accayaṃ accayato disvā yathādhammaṃ paṭikaroti, parassa kho pana accayaṃ desentassa yathādhammaṃ paṭiggaṇhāti.
|
|
|
Imehi kho, bhikkhave, tīhi dhammehi samannāgato paṇḍito veditabbo.
|
|