Что нового | Оглавление | Поиск | Закладки | Словарь | Вход | EN / RU |
Смотреть | Закладка | 8-9-10. Aṭṭhama-navama-dasamasikkhāpadaṃ |
Смотреть | Закладка |
1210. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena bhikkhuniyo sikkhamānāya ummaddāpentipi parimaddāpentipi - pe - sāmaṇeriyā ummaddāpentipi parimaddāpentipi - pe - gihiniyā ummaddāpentipi parimaddāpentipi. Manussā vihāracārikaṃ āhiṇḍantā passitvā ujjhāyanti khiyyanti vipācenti – "kathañhi nāma bhikkhuniyo gihiniyā ummaddāpessantipi parimaddāpessantipi, seyyathāpi gihiniyo kāmabhoginiyo"ti! Assosuṃ kho bhikkhuniyo tesaṃ manussānaṃ ujjhāyantānaṃ khiyyantānaṃ vipācentānaṃ. Yā tā bhikkhuniyo appicchā - pe - tā ujjhāyanti khiyyanti vipācenti – kathañhi nāma bhikkhuniyo gihiniyā ummaddāpessantipi parimaddāpessantipīti - pe - saccaṃ kira, bhikkhave, bhikkhuniyo gihiniyā ummaddāpentipi parimaddāpentipīti? "Saccaṃ, bhagavā"ti. Vigarahi buddho bhagavā - pe - kathañhi nāma, bhikkhave, bhikkhuniyo gihiniyā ummaddāpessantipi parimaddāpessantipi! Netaṃ, bhikkhave, appasannānaṃ vā pasādāya - pe - evañca pana, bhikkhave, bhikkhuniyo imaṃ sikkhāpadaṃ uddisantu – |
Смотреть | Закладка |
1211. "Yā pana bhikkhunī (sikkhamānāya - pe - sāmaṇeriyā - pe -) gihiniyā ummaddāpeyya vā parimaddāpeyya vā, pācittiya"nti. |
Смотреть | Закладка |
1212. Yā panāti yā yādisā - pe - bhikkhunīti - pe - ayaṃ imasmiṃ atthe adhippetā bhikkhunīti. |
Смотреть | Закладка |
Sikkhamānā nāma dve vassāni chasu dhammesu sikkhitasikkhā. |
Смотреть | Закладка |
Sāmaṇerīnāma dasasikkhāpadikā. |
Смотреть | Закладка |
Gihinī nāma agārinī vuccati. |
Смотреть | Закладка |
Ummaddāpeyyavāti ummaddāpeti, āpatti pācittiyassa. |
Смотреть | Закладка |
Parimaddāpeyya vāti sambāhāpeti, āpatti pācittiyassa. |
Смотреть | Закладка |
1213. Anāpatti gilānāya [ābādhappaccayā (ka.)], āpadāsu, ummattikāya, ādikammikāyāti. |
Смотреть | Закладка |
Aṭṭhama navama dasamasikkhāpadāni niṭṭhitāni. |