| пали |
english - Nyanamoli thera |
Комментарии |
|
Idāni taṃ pucchitamatthaṃ upamāya sādhento seyyathāpi rukkhotiādimāha.
|
|
|
|
Tassattho – yathā nāma kakacena phālanatthaṃ vāsiyā tacchitvā rukkho phālanakāle niccalabhāvatthaṃ same bhūmipadese payogakkhamaṃ katvā ṭhapito.
|
|
|
|
Kakacenāti hatthakakacena.
|
|
|
|
Āgateti rukkhaṃ phusitvā attano samīpabhāgaṃ āgate.
|
|
|
|
Gateti rukkhaṃ phusitvā parabhāgaṃ gate.
|
|
|
|
Vā-saddo samuccayattho.
|
|
|
|
Na aviditā hontīti rukkhe kakacadantehi phuṭṭhaṃ purisena pekkhamānaṃ ṭhānaṃ appatvā tesaṃ āgamanagamanābhāvato sabbepi kakacadantā viditāva honti.
|
|
|
|
Padhānanti rukkhacchedanavīriyaṃ.
|
|
|
|
Payoganti rukkhacchedanakiriyaṃ.
|
|
|
|
"Visesamadhigacchatī"ti vacanaṃ upamāya natthi.
|
|
|
|
Upanibandhanā nimittanti upanibandhanāya satiyā nimittabhūtaṃ kāraṇabhūtaṃ nāsikaggaṃ vā mukhanimittaṃ vā.
|
(Upanibandhanā nimittanti) The sign for the anchoring of mindfullness is the nose-tip or upper-lip 'which is the cause and the sign for the anchoring of mindfullness'
|
|
|
Upanibandhati etāya ārammaṇe cittanti upanibandhanā nāma sati.
|
|
|
|
Nāsikagge vāti dīghanāsiko nāsikagge.
|
|
|
|
Mukhanimitte vāti rassanāsiko uttaroṭṭhe.
|
|
|
|
Uttaroṭṭho hi mukhe satiyā nimittanti mukhanimittanti vutto.
|
|
|
|
Āgateti phuṭṭhaṭṭhānato abbhantaraṃ āgate.
|
|
|
|
Gateti phuṭṭhaṭṭhānato bahiddhā gate.
|
|
|
|
Na aviditā hontīti phusanaṭṭhānaṃ appatvā assāsapassāsānaṃ āgamanagamanābhāvato sabbepi te viditā eva honti.
|
|
|
|
Kammaniyaṃ hotīti yena vīriyena kāyopi cittampi kammaniyaṃ bhāvanākammakkhamaṃ bhāvanākammayoggaṃ hoti.
|
|
|
|
Idaṃ vīriyaṃ padhānaṃ nāmāti phalena kāraṇaṃ vuttaṃ hoti.
|
|
|
|
Upakkilesā pahīyantīti vikkhambhanavasena nīvaraṇāni pahīyanti.
|
|
|
|
Vitakkā vūpasammantīti nānārammaṇacārino anavaṭṭhitā vitakkā upasamaṃ gacchanti.
|
|
|
|
Yena jhānena upakkilesā pahīyanti, vitakkā vūpasammanti.
|
|
|
|
Ayaṃ payogoti payogamapekkhitvā pulliṅganiddeso kato.
|
|
|
|
Saññojanā pahīyantīti taṃtaṃmaggavajjhā saññojanā samucchedappahānena pahīyanti.
|
|
|
|
Anusayā byantīhontīti pahīnānaṃ puna anuppattidhammakattā vigato uppādanto vā vayanto vā etesanti byantā, pubbe abyantā byantā hontīti byantīhonti, vinassantīti attho.
|
|
|
|
Saññojanappahānaṃ anusayappahānena hoti, na aññathāti dassanatthaṃ anusayappahānamāha.
|
|
|
|
Yena maggena saññojanā pahīyanti anusayā byantīhonti, ayaṃ visesoti attho.
|
|
|
|
Catutthacatukke ariyamaggassāpi niddiṭṭhattā idha ariyamaggo vutto.
|
|
|
|
Ekacittassa ārammaṇadvayābhāvassa avuttepi siddhattā taṃ avissajjetvāva evaṃ ime tayo dhammā ekacittassa ārammaṇā na hontīti nigamanaṃ kataṃ.
|
|
|