| пали | khantibalo - русский
|
Комментарии |
|
171.Dinnanti deyyadhammasīsena dānaṃ vuttanti āha "dinnassa phalābhāvaṃ vadatī"ti, dinnaṃ pana annādivatthuṃ kathaṃ paṭikkhipati.
|
"Даётся" - здесь подразумевается дарение, возглавляемое (по)даянием, "говорит об отсутствии плода у того, что даётся". В отношении даваемого он отвергает разговор о [подаваемой] еде и прочих предметах [дарения].
|
|
|
Eseva nayo yiṭṭhaṃ hutanti etthāpi.
|
И здесь "жертвуется" и "подносится" по тому же принципу.
|
|
|
Mahāyāgoti sabbasādhāraṇaṃ mahādānaṃ.
|
"Большое жертвоприношение": большая раздача даров доступная для всех.
|
|
|
Pāhunakasakkāroti pāhunabhāvena kātabbasakkāro.
|
"Дар гостям": дар, который должен быть совершён [человеку] благодаря [его] статусу гостя.
|
|
|
Phalanti ānisaṃsaphalaṃ, nissandaphalañca.
|
"Плод": плод в виде блага и плод в виде результата.
|
|
|
Vipākoti sadisaphalaṃ.
|
"Последствие": аналогичный плод.
|
|
|
Paraloke ṭhitassa ayaṃ loko natthīti paraloke ṭhitassa kammunā laddhabbo ayaṃ loko na hoti.
|
"Для находящегося в том мире (после смерти) этого мира нет": для находящегося в том мире нет этого мира, который должен быть обретён поступками (каммой).
|
|
|
Idhaloke ṭhitassāpi paraloko natthīti idhaloke ṭhitassa kammunā laddhabbo paraloko na hoti.
|
"Для того, кто живёт в этом мире, другого мира нет": для находящегося в этом мире нет другого мира, который должен быть обретён поступками (камма).
|
|
|
Tattha kāraṇamāha "sabbetattha tattheva ucchijjantī"ti.
|
По этой причине сказал "все [полностью] уничтожаются в тех местах, они пребывают".
|
|
|
Ime sattā yattha yattha bhave, yoniādīsu ca ṭhitā tattha tattheva ucchijjanti nirudayavināsavasena vinassanti.
|
Эти существа в том или ином состоянии бытия, находясь в чреве и прочем уничтожаются в тех местах, исчезают благодаря невозникновению и исчезновению.
|
|
|
Phalābhāvavasenāti mātāpitūsu sammāpaṭipattimicchāpaṭipattīnaṃ phalassa abhāvavasena "natthi mātā, natthi pitā"ti vadati, na mātāpitūnaṃ, nāpi tesu idāni kayiramānasakkārāsakkārānaṃ abhāvavasena tesaṃ lokapaccakkhattā.
|
"Благодаря отсутствию плода": благодаря отсутствию плода надлежащего и ненадлежащего обращения с матерью и отцом он говорит "нет отца, нет матери"; нет отца и матери, и благодаря тому, что сейчас нет совершаемых им подношений, которые были бы очевидны в мире.
|
|
|
Pubbuḷakassa viya imesaṃ sattānaṃ uppādo nāma kevalo, na cavitvā āgamanapubbakoti dassanatthaṃ "natthi sattā opapātikā"ti vuttanti āha "cavitvā upapajjanakasattā nāma natthīti vadatī"ti.
|
"Возникновение этих существ полностью подобно пузырю, нет тех, кто умерев ранее пришёл" - с целью продемонстрировать это сказано "нет самопроизвольно рождающихся существ". этим он сказал: "говорит, что нет существ, которые скончавшись, возрождаются".
|
|
|
Samaṇena nāma yāthāvato jānantena kassaci kiñci akathetvā saññatena bhavitabbaṃ, aññathā āhopurisikā nāma siyā.
|
"Отшельнику, который должным образом познал, следует никому ничего не сказав, пребывать в сдержанности, в противном случае он засуживает презрительного обозначения.
|
|
|
Kiñhi paro parassa karissati?
|
Ведь что один другому может сделать?
|
|
|
Tathā ca attano sampādanassa kassaci avassayo eva na siyā tattha tattheva ucchijjanatoti āha "ye imañca - pe - pavedentī"ti.
|
И здесь достижение одного не может быть опорой для кого-либо другого, который уничтожается в том самом месте, где пребывает." Объясняя это сказал "те, кто в этом мире... объясняют".
|
|
|
Catūsu mahābhūtesu niyuttoti cātumahābhūtiko.
|
|
|
|
Yathā pana mattikāya nibbattaṃ bhājanaṃ mattikāmayaṃ, evaṃ ayaṃ catūhi mahābhūtehi nibbattoti āha "catumahābhūtamayo"ti.
|
|
|
|
Ajjhattikapathavīdhātūti sattasantānagatā pathavīdhātu.
|
|
|
|
Bāhirapathavīdhātunti bahiddhā mahāpathaviṃ.
|
|
|
|
Upagacchatīti bāhirapathavikāyato tadekadesabhūtā pathavī āgantvā ajjhattikabhāvappattiyā sattabhāvena saṇṭhitā idāni ghaṭādigatapathavī viya tameva bāhirapathavikāyaṃ upeti upagacchati sabbaso tena nibbisesataṃ ekībhāvameva gacchati.
|
|
|
|
Āpādīsupi eseva nayoti ettha pajjunnena mahāsamuddato gahitaāpo viya vassodakabhāvena punapi mahāsamuddameva, sūriyarasmito gahitaṃ indaggisaṅkhātatejo viya puna sūriyarasmiṃ, mahāvāyukhandhato niggatamahāvāto viya tameva vāyukhandhaṃ upeti upagacchatīti diṭṭhigatikassa adhippāyo.
|
|
|
|
Manacchaṭṭhāni indriyāni ākāsaṃ pakkhandanti tesaṃ visayābhāvāti vadanti.
|
|
|
|
Visayigahaṇena hi visayāpi gahitā eva hontīti.
|
|
|
|
Guṇāguṇapadānīti guṇadosakoṭṭhāsā.
|
|
|
|
Sarīrameva padānīti adhippetaṃ sarīrena taṃtaṃkiriyāya pajjitabbato.
|
|
|
|
Dabbanti muyhantīti dattū, mūḷhapuggalā.
|
|
|
|
Tehi dattūhi bālamanussehi.
|
|
|
|
"Paraloko atthī"ti mati yesaṃ, te atthikā, tesaṃ vādoti atthikavādo, taṃ atthikavādaṃ.
|
|
|
|
Kammaṃpaṭibāhati akiriyavādibhāvato.
|
|
|
|
Vipākaṃ paṭibāhati sabbena sabbaṃ āyatiṃ upapattiyā paṭikkhipanato.
|
|
|
|
Ubhayaṃ paṭibāhati sabbaso hetupaṭibāhaneneva phalassapi paṭikkhittattā.
|
|
|
|
Ubhayanti hi kammaṃ vipākañcāti ubhayaṃ.
|
|
|
|
So hi "ahetū appaccayā sattā saṃkilissanti, visujjhanti cā"ti (dī. ni. 1.168; ma. ni. 2.100, 227; saṃ. ni. 3.212) vadanto kammassa viya vipākassāpi saṃkilesavisuddhīnaṃ paccayattābhāvavacanato tadubhayaṃ paṭibāhati nāma.
|
|
|
|
Vipāko paṭibāhito hoti asati kamme vipākābhāvato.
|
|
|
|
Kammaṃ paṭibāhitaṃ hoti asati vipāke kammassa niratthakabhāvāpattito.
|
|
|
|
Atthatoti sarūpena.
|
|
|
|
Ubhayappaṭibāhakāti visuṃ visuṃ taṃtaṃdiṭṭhidīpakabhāvena pāḷiyaṃ āgatāpi paccekaṃ tividhadiṭṭhikā eva ubhayapaṭibāhakattā.
|
|
|
|
Ubhayappaṭibāhakāti hi hetuvacanaṃ.
|
|
|
|
"Ahetukavādā cevā"tiādi paṭiññāvacanaṃ.
|
|
|
|
Yo hi vipākapaṭibāhanena natthikadiṭṭhiko ucchedavādī, so atthato kammapaṭibāhanena akiriyadiṭṭhiko, ubhayapaṭibāhanena ahetukadiṭṭhiko ca hoti.
|
|
|
|
Sesadvayepi eseva nayo.
|
|
|
|
Sajjhāyantīti taṃ diṭṭhidīpakaṃ ganthaṃ uggahetvā paṭhanti.
|
|
|
|
Vīmaṃsantīti tassa atthaṃ vicārenti.
|
|
|
|
"Tesa"ntiādi vīmaṃsanākāradassanaṃ.
|
|
|
|
Tasmiṃ ārammaṇeti yathāparikappitakammaphalābhāvādike "karoto na karīyati pāpa"nti ādinayappavattāya laddhiyā ārammaṇe.
|
|
|
|
Micchāsati santiṭṭhatīti "karoto na karīyati pāpa"ntiādivasena anussavūpaladdhe atthe tadākāraparivitakkanehi saviggahe viya sarūpato cittassa paccupaṭṭhite cirakālaparicayena evametanti nijjhānakkhamabhāvūpagamanena nijjhānakkhantiyā tathāgahite punappunaṃ tatheva āsevantassa bahulīkarontassa micchāvitakkena samādiyamānā micchāvāyāmūpatthambhitā ataṃsabhāvaṃ "taṃsabhāva"nti gaṇhantī micchāsatīti laddhanāmā taṃladdhisahagatā taṇhā santiṭṭhati.
|
|
|
|
Cittaṃ ekaggaṃ hotīti yathāsakaṃ vitakkādipaccayalābhena tasmiṃ ārammaṇe avaṭṭhitatāya anekaggataṃ pahāya ekaggaṃ appitaṃ viya hoti.
|
|
|
|
Cittasīsena micchāsamādhi eva vutto.
|
|
|
|
Sopi hi paccayavisesehi laddhabhāvanābalo īdise ṭhāne samādhānapatirūpakiccakaroyeva, vāḷavijjhanādīsu viyāti daṭṭhabbaṃ.
|
|
|
|
Javanāni javantīti anekakkhattuṃ tenākārena pubbabhāgiyesu javanavāresu pavattesu sabbapacchime javanavāre satta javanāni javanti.
|
|
|
|
Paṭhame javane satekicchā honti.
|
|
|
|
Tathā dutiyādīsūti dhammasabhāvadassanamattametaṃ, na pana tasmiṃ khaṇe tesaṃ tikicchā kenaci sakkā kātuṃ.
|
|
|
|
Tatthāti tesu tīsu micchādassanesu.
|
|
|
|
Koci ekaṃ dassanaṃ okkamatīti yassa ekasmiṃyeva abhiniveso āsevanā ca pavattā, so ekameva dassanaṃ okkamati.
|
|
|
|
Yassa pana dvīsu tīsupi vā abhiniveso āsevanā ca pavattā, so dve tīṇipi okkamati, etena yā pubbe ubhayapaṭibāhakatāmukhena dīpitā atthasiddhā sabbadiṭṭhikatā, sā pubbabhāgiyā.
|
|
|
|
Yā pana micchattaniyāmokkantibhūtā, sā yathāsakaṃ paccayasamudāgamasiddhito bhinnārammaṇānaṃ viya visesādhigamānaṃ ekajjhaṃ anuppattiyā asaṅkiṇṇā evāti dasseti.
|
|
|
|
"Ekasmiṃ okkantepī"tiādinā tissannampi diṭṭhīnaṃ samānabalataṃ samānaphalatañca dasseti.
|
|
|
|
Tasmā tissopi cetā ekassa uppannā abbokiṇṇā eva, ekāya vipāke dinne itarā anubalappadāyikāyo honti.
|
|
|
|
"Vaṭṭakhāṇu nāmesā"ti idaṃ vacanaṃ neyyatthaṃ, na nītatthaṃ.
|
|
|
|
Tathā hi papañcasūdaniyaṃ "kiṃ panesa ekasmiṃyeva attabhāve niyato hoti, udāhu aññasmiṃ pīti?
|
|
|
|
Ekasmiṃyeva niyato, āsevanavasena pana bhavantarepi taṃ taṃ diṭṭhiṃ roceti yevā"ti (ma. ni. aṭṭha. 3.129) vuttaṃ.
|
|
|
|
Akusalañhi nāmetaṃ abalaṃ dubbalaṃ, na kusalaṃ viya sabalaṃ mahābalaṃ.
|
|
|
|
Tasmā "ekasmiṃyeva attabhāve niyato"ti vuttaṃ.
|
|
|
|
Aññathā sammattaniyāmo viya micchattaniyāmopi accantiko siyā, na ca accantiko.
|
|
|
|
Yadi evaṃ vaṭṭakhāṇujotanā kathanti āha "āsevanavasena panā"tiādi.
|
|
|
|
Tasmā yathā "sakiṃ nimuggopi nimuggo eva bālo"ti vuttaṃ, evaṃ vaṭṭakhāṇujotanā.
|
|
|
|
Yādise hi paccaye paṭicca ayaṃ taṃ taṃ dassanaṃ okkanto puna kadāci tappaṭipakkhe paccaye paṭicca tato sīsukkhipanamassa na hotīti na vattabbaṃ, tasmā "yebhuyyena hi evarūpassa bhavato vuṭṭhānaṃ nāma natthī"ti vuttaṃ.
|
|
|
|
Tasmāti yasmā evaṃ saṃsārakhāṇubhāvassapi paccayo apaṇṇakajāto, tasmā.
|
|
|
|
Bhūtikāmoti diṭṭhadhammikasamparāyikaparamatthānaṃ vasena attano guṇehi vaḍḍhikāmo.
|
|
|