Что нового | Оглавление | Поиск | Закладки | Словарь | Вход | EN / RU |
АН 5.168 Палийский оригинал
пали | Комментарии |
168.Tatra kho āyasmā sāriputto bhikkhū āmantesi – "dussīlassa, āvuso, sīlavipannassa hatūpaniso hoti sammāsamādhi; sammāsamādhimhi asati sammāsamādhivipannassa hatūpanisaṃ hoti yathābhūtañāṇadassanaṃ; yathābhūtañāṇadassane asati yathābhūtañāṇadassanavipannassa hatūpaniso hoti nibbidāvirāgo; nibbidāvirāge asati nibbidāvirāgavipannassa hatūpanisaṃ hoti vimuttiñāṇadassanaṃ. |
ББ: [This sutta is identical with 5:24, except that it is spoken by Sāriputta to the bhikkhus.] [201] Все комментарии (1) |
Seyyathāpi, āvuso, rukkho sākhāpalāsavipanno. | |
Tassa papaṭikāpi na pāripūriṃ gacchati, tacopi - pe - pheggupi… sāropi na pāripūriṃ gacchati. | |
Evamevaṃ kho, āvuso, dussīlassa sīlavipannassa hatūpaniso hoti sammāsamādhi; sammāsamādhimhi asati sammāsamādhivipannassa hatūpanisaṃ hoti yathābhūtañāṇadassanaṃ; yathābhūtañāṇadassane asati yathābhūtañāṇadassanavipannassa hatūpaniso hoti nibbidāvirāgo; nibbidāvirāge asati nibbidāvirāgavipannassa hatūpanisaṃ hoti vimuttiñāṇadassanaṃ. | |
"Sīlavato, āvuso, sīlasampannassa upanisasampanno hoti sammāsamādhi; sammāsamādhimhi sati sammāsamādhisampannassa upanisasampannaṃ hoti yathābhūtañāṇadassanaṃ; yathābhūtañāṇadassane sati yathābhūtañāṇadassanasampannassa upanisasampanno hoti nibbidāvirāgo; nibbidāvirāge sati nibbidāvirāgasampannassa upanisasampannaṃ hoti vimuttiñāṇadassanaṃ. | |
Seyyathāpi, āvuso, rukkho, sākhāpalāsasampanno. | |
Tassa papaṭikāpi pāripūriṃ gacchati, tacopi - pe - pheggupi… sāropi pāripūriṃ gacchati. | |
Evamevaṃ kho, āvuso, sīlavato sīlasampannassa upanisasampanno hoti sammāsamādhi; sammāsamādhimhi sati sammāsamādhisampannassa upanisasampannaṃ hoti yathābhūtañāṇadassanaṃ; yathābhūtañāṇadassane sati yathābhūtañāṇadassanasampannassa upanisasampanno hoti nibbidāvirāgo; nibbidāvirāge sati nibbidāvirāgasampannassa upanisasampannaṃ hoti vimuttiñāṇadassana"nti [a. ni. 5.168; 6.50; 7.65]. | |
Aṭṭhamaṃ. |