Что нового Оглавление Поиск Закладки Словарь Вход EN / RU
Адрес: Три корзины (основные тексты) >> Корзина наставлений (Сутта Питака) >> Собрание связанных наставлений (Санъютта никая) >> 2. Коллекция о сыновьях божеств >> 2. Anāthapiṇḍikavaggo (11-20) >> 8. Kakudhasuttaṃ
<< Назад 2. Anāthapiṇḍikavaggo (11-20) Далее >>
Отображение колонок


8. Kakudhasuttaṃ Палийский оригинал

пали Комментарии
99.Evaṃ me sutaṃ – ekaṃ samayaṃ bhagavā sākete viharati añjanavane migadāye.
Atha kho kakudho devaputto abhikkantāya rattiyā abhikkantavaṇṇo kevalakappaṃ añjanavanaṃ obhāsetvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi.
Ekamantaṃ ṭhito kho kakudho devaputto bhagavantaṃ etadavoca – "nandasi, samaṇā"ti?
"Kiṃ laddhā, āvuso"ti?
"Tena hi, samaṇa, socasī"ti?
"Kiṃ jīyittha, āvuso"ti?
"Tena hi, samaṇa, neva nandasi na ca [neva (sī. syā. kaṃ.)] socasī"ti?
"Evamāvuso"ti.
"Kacci tvaṃ anagho [anigho (sabbattha)] bhikkhu, kacci nandī [nandi (sī. syā. kaṃ.)] na vijjati;
Kacci taṃ ekamāsīnaṃ, aratī nābhikīratī"ti.
"Anagho ve ahaṃ yakkha, atho nandī na vijjati;
Atho maṃ ekamāsīnaṃ, aratī nābhikīratī"ti.
"Kathaṃ tvaṃ anagho bhikkhu, kathaṃ nandī na vijjati;
Kathaṃ taṃ ekamāsīnaṃ, aratī nābhikīratī"ti.
"Aghajātassa ve nandī, nandījātassa ve aghaṃ;
Anandī anagho bhikkhu, evaṃ jānāhi āvuso"ti.
"Cirassaṃ vata passāmi, brāhmaṇaṃ parinibbutaṃ;
Anandiṃ anaghaṃ bhikkhuṃ, tiṇṇaṃ loke visattika"ntntti.
<< Назад 2. Anāthapiṇḍikavaggo (11-20) Далее >>