Что нового Оглавление Поиск Закладки Словарь Вход EN / RU
Адрес: Три корзины (основные тексты) >> Корзина наставлений (Сутта Питака) >> Собрание связанных наставлений (Санъютта никая) >> 5. Коллекция о монахинях >> 4. Vijayāsuttaṃ
<< Назад 5. Коллекция о монахинях Далее >>
Отображение колонок


4. Vijayāsuttaṃ Палийский оригинал

пали Комментарии
165.Sāvatthinidānaṃ.
Atha kho vijayā bhikkhunī pubbaṇhasamayaṃ nivāsetvā - pe - aññatarasmiṃ rukkhamūle divāvihāraṃ nisīdi.
Atha kho māro pāpimā vijayāya bhikkhuniyā bhayaṃ chambhitattaṃ lomahaṃsaṃ uppādetukāmo samādhimhā cāvetukāmo yena vijayā bhikkhunī tenupasaṅkami; upasaṅkamitvā vijayaṃ bhikkhuniṃ gāthāya ajjhabhāsi –
"Daharā tvaṃ rūpavatī, ahañca daharo susu;
Pañcaṅgikena turiyena, ehayyebhiramāmase"ti [ehi ayye ramāmaseti (sī.)].
Atha kho vijayāya bhikkhuniyā etadahosi – "ko nu khvāyaṃ manusso vā amanusso vā gāthaṃ bhāsatī"ti?
Atha kho vijayāya bhikkhuniyā etadahosi – "māro kho ayaṃ pāpimā mama bhayaṃ chambhitattaṃ lomahaṃsaṃ uppādetukāmo samādhimhā cāvetukāmo gāthaṃ bhāsatī"ti.
Atha kho vijayā bhikkhunī "māro ayaṃ pāpimā" iti viditvā māraṃ pāpimantaṃ gāthāhi paccabhāsi –
"Rūpā saddā rasā gandhā, phoṭṭhabbā ca manoramā;
Niyyātayāmi tuyheva, māra nāhaṃ tenatthikā.
"Iminā pūtikāyena, bhindanena pabhaṅgunā;
Aṭṭīyāmi harāyāmi, kāmataṇhā samūhatā.
"Ye ca rūpūpagā sattā, ye ca arūpaṭṭhāyino [āruppaṭṭhāyino (sī. pī.)] ;
Yā ca santā samāpatti, sabbattha vihato tamo"ti.
Atha kho māro pāpimā "jānāti maṃ vijayā bhikkhunī"ti dukkhī dummano tatthevantaradhāyīti.
<< Назад 5. Коллекция о монахинях Далее >>