|
218."Pañcime, bhikkhave, ādīnavā apāsādike.
|
|
|
Appasannā nappasīdanti, pasannānañca ekaccānaṃ aññathattaṃ hoti, satthusāsanaṃ akataṃ [na kataṃ (syā. kaṃ. ka.)] hoti, pacchimā janatā diṭṭhānugatiṃ āpajjati, cittamassa nappasīdati.
|
|
|
Ime kho, bhikkhave, pañca ādīnavā apāsādike.
|
|
|
"Pañcime, bhikkhave, ānisaṃsā pāsādike.
|
|
|
Appasannā pasīdanti, pasannānañca bhiyyobhāvo hoti, satthusāsanaṃ kataṃ hoti, pacchimā janatā diṭṭhānugatiṃ āpajjati, cittamassa pasīdati.
|
|
|
Ime kho, bhikkhave, pañca ānisaṃsā pāsādike"ti.
|
|