|
216."Pañcime, bhikkhave, ādīnavā akkhantiyā.
|
|
|
Bahuno janassa appiyo hoti amanāpo, luddo ca hoti, vippaṭisārī ca, sammūḷho kālaṃ karoti, kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati.
|
|
|
Ime kho, bhikkhave, pañca ādīnavā akkhantiyā.
|
|
|
"Pañcime, bhikkhave, ānisaṃsā khantiyā.
|
|
|
Bahuno janassa piyo hoti manāpo, aluddo ca hoti, avippaṭisārī ca, asammūḷho kālaṃ karoti, kāyassa bhedā paraṃ maraṇā sugatiṃ saggaṃ lokaṃ upapajjati.
|
|
|
Ime kho, bhikkhave, pañca ānisaṃsā khantiyā"ti.
|
|