Что нового Оглавление Поиск Закладки Словарь Вход EN / RU
Адрес: Три корзины (основные [тексты]) (Tipiṭaka (Mūla)) >> Корзина наставлений (Suttapiṭaka) >> Собрание наставлений по количеству факторов (Aṅguttaranikāya) >> 4. Книга четвёрок >> АН 4.7
<< Назад 4. Книга четвёрок Далее >>
Отображение колонок



АН 4.7 Палийский оригинал

пали Комментарии
7."Cattārome, bhikkhave, viyattā vinītā visāradā bahussutā dhammadharā dhammānudhammappaṭipannā saṅghaṃ sobhenti.
Katame cattāro?
Bhikkhu, bhikkhave, viyatto vinīto visārado bahussuto dhammadharo dhammānudhammappaṭipanno saṅghaṃ sobheti.
Bhikkhunī, bhikkhave, viyattā vinītā visāradā bahussutā dhammadharā dhammānudhammappaṭipannā saṅghaṃ sobheti.
Upāsako, bhikkhave, viyatto vinīto visārado bahussuto dhammadharo dhammānudhammappaṭipanno saṅghaṃ sobheti.
Upāsikā, bhikkhave, viyattā vinītā visāradā bahussutā dhammadharā dhammānudhammappaṭipannā saṅghaṃ sobheti.
Ime kho, bhikkhave, cattāro viyattā vinītā visāradā bahussutā dhammadharā dhammānudhammappaṭipannā saṅghaṃ sobhentī"ti.
"Yo hoti viyatto [vyatto (sī. pī.), byatto (syā. kaṃ.)] ca visārado ca,
Bahussuto dhammadharo ca hoti;
Dhammassa hoti anudhammacārī,
Sa tādiso vuccati saṅghasobhano [saṃghasobhaṇo (ka.)].
"Bhikkhu ca sīlasampanno, bhikkhunī ca bahussutā;
Upāsako ca yo saddho, yā ca saddhā upāsikā;
Ete kho saṅghaṃ sobhenti, ete hi saṅghasobhanā"ti. sattamaṃ;
Метки: типы индивидуумов  обучение 
<< Назад 4. Книга четвёрок Далее >>