Что нового | Оглавление | Поиск | Закладки | Словарь | Вход | EN / RU |
Смотреть | Закладка | 7. Mettābhāvanāsuttaṃ Таблица |
Смотреть T | Закладка |
27. Vuttañhetaṃ bhagavatā, vuttamarahatāti me sutaṃ – |
Смотреть T | Закладка |
"Yāni kānici, bhikkhave, opadhikāni puññakiriyavatthūni sabbāni tāni mettāya cetovimuttiyā kalaṃ nāgghanti soḷasiṃ. Mettāyeva tāni cetovimutti adhiggahetvā bhāsate ca tapate ca virocati ca. |
Смотреть T | Закладка |
"Seyyathāpi, bhikkhave, yā kāci tārakarūpānaṃ pabhā sabbā tā candiyā pabhāya kalaṃ nāgghanti soḷasiṃ, candapabhāyeva tā adhiggahetvā bhāsate ca tapate ca virocati ca; evameva kho, bhikkhave, yāni kānici opadhikāni puññakiriyavatthūni sabbāni tāni mettāya cetovimuttiyā kalaṃ nāgghanti soḷasiṃ, mettāyeva tāni cetovimutti adhiggahetvā bhāsate ca tapate ca virocati ca. |
Смотреть T | Закладка |
"Seyyathāpi, bhikkhave, vassānaṃ pacchime māse saradasamaye viddhe vigatavalāhake deve [nabhe (sī.)] ādicco nabhaṃ abbhussakkamāno [abbhuggamamāno (ka. aṭṭha.)] sabbaṃ ākāsagataṃ [ākāsaṃ (syā.)] tamagataṃ abhivihacca [abhihacca (syā.)] bhāsate ca tapate ca virocati ca; evameva kho, bhikkhave, yāni kānici opadhikāni puññakiriyavatthūni sabbāni tāni mettāya cetovimuttiyā kalaṃ nāgghanti soḷasiṃ, mettāyeva tāni cetovimutti adhiggahetvā bhāsate ca tapate ca virocati ca. |
Смотреть T | Закладка |
"Seyyathāpi, bhikkhave, rattiyā paccūsasamayaṃ osadhitārakā bhāsate ca tapate ca virocati ca; evameva kho, bhikkhave, yāni kānici opadhikāni puññakiriyavatthūni sabbāni tāni mettāya cetovimuttiyā kalaṃ nāgghanti soḷasiṃ, mettāyeva tāni cetovimutti adhiggahetvā bhāsate ca tapate ca virocati cā"ti. Etamatthaṃ bhagavā avoca. Tatthetaṃ iti vuccati – |
Смотреть T | Закладка |
"Yo ca mettaṃ bhāvayati, appamāṇaṃ paṭissato; |
Смотреть T | Закладка |
Tanū [tanu (sī.)] saṃyojanā honti, passato upadhikkhayaṃ. |
Смотреть T | Закладка |
"Ekampi ce pāṇamaduṭṭhacitto, mettāyati kusalo tena hoti; |
Смотреть T | Закладка |
Sabbe ca pāṇe manasānukampaṃ, pahūtamariyo pakaroti puññaṃ. |
Смотреть T | Закладка |
"Ye [yo (sī.)] sattasaṇḍaṃ pathaviṃ vijitvā, rājisayo [rājīsayo (sī.)] yajamānānupariyagā; |
Смотреть T | Закладка |
Assamedhaṃ purisamedhaṃ, sammāpāsaṃ vājapeyyaṃ niraggaḷaṃ. |
Смотреть T | Закладка |
"Mettassa cittassa subhāvitassa, kalampi te nānubhavanti soḷasiṃ; |
Смотреть T | Закладка |
Candappabhā tāragaṇāva sabbe. |
Смотреть T | Закладка |
"Yo na hanti na ghāteti, na jināti na jāpaye; |
Смотреть T | Закладка |
Mettaṃso sabbabhūtesu, veraṃ tassa na kenacī"ti. |
Смотреть T | Закладка |
Ayampi attho vutto bhagavatā, iti me sutanti. Sattamaṃ. |
Смотреть | Закладка |
Tatiyo vaggo niṭṭhito. |
Смотреть | Закладка |
Tassuddānaṃ – |
Смотреть | Закладка |
Cittaṃ mettaṃ [jhāyī (sī. syā.), jhāyi (pī. ka.)] ubho atthe, puñjaṃ vepullapabbataṃ; |
Смотреть | Закладка |
Sampajānamusāvādo, dānañca mettabhāvanā [mettabhāvañca (sī. syā. pī.), mettavācañca (ka.)]. |
Смотреть | Закладка |
Sattimāni ca [sattimānidha (sī. ka.)] suttāni, purimāni ca vīsati; |
Смотреть | Закладка |
Ekadhammesu suttantā, sattavīsatisaṅgahāti. |
Смотреть T | Закладка |
Ekakanipāto niṭṭhito. |