Что нового | Оглавление | Поиск | Закладки | Словарь | Вход | EN / RU |
Смотреть | Закладка | 4. Paṭhamanānātitthiyasuttaṃ Таблица |
Смотреть T | Закладка |
54. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena sambahulā nānātitthiyasamaṇabrāhmaṇaparibbājakā sāvatthiyaṃ paṭivasanti nānādiṭṭhikā nānākhantikā nānārucikā nānādiṭṭhinissayanissitā. |
Смотреть T | Закладка |
Santeke samaṇabrāhmaṇā evaṃvādino evaṃdiṭṭhino – "sassato loko, idameva saccaṃ moghamañña"nti. Santi paneke samaṇabrāhmaṇā evaṃvādino evaṃdiṭṭhino – "asassato loko, idameva saccaṃ moghamañña"nti. Santeke samaṇabrāhmaṇā evaṃvādino evaṃdiṭṭhino – "antavā loko, idameva saccaṃ moghamañña"nti. Santi paneke samaṇabrāhmaṇā evaṃvādino evaṃdiṭṭhino – "anantavā loko, idameva saccaṃ moghamañña"nti. Santeke samaṇabrāhmaṇā evaṃvādino evaṃdiṭṭhino – "taṃ jīvaṃ taṃ sarīraṃ, idameva saccaṃ moghamañña"nti. Santi paneke samaṇabrāhmaṇā evaṃvādino evaṃdiṭṭhino – "aññaṃ jīvaṃ aññaṃ sarīraṃ, idameva saccaṃ moghamañña"nti. Santeke samaṇabrāhmaṇā evaṃvādino evaṃdiṭṭhino – "hoti tathāgato paraṃ maraṇā, idameva saccaṃ moghamañña"nti. Santi paneke samaṇabrāhmaṇā evaṃvādino evaṃdiṭṭhino – "na hoti tathāgato paraṃ maraṇā, idameva saccaṃ moghamañña"nti. Santeke samaṇabrāhmaṇā evaṃvādino evaṃdiṭṭhino – "hoti ca na ca hoti tathāgato paraṃ maraṇā, idameva saccaṃ moghamañña"nti. Santi paneke samaṇabrāhmaṇā evaṃvādino evaṃdiṭṭhino – "neva hoti na na hoti tathāgato paraṃ maraṇā, idameva saccaṃ moghamañña"nti. |
Смотреть T | Закладка |
Te bhaṇḍanajātā kalahajātā vivādāpannā aññamaññaṃ mukhasattīhi vitudantā viharanti – "ediso dhammo, nediso dhammo; nediso dhammo, ediso dhammo"ti. |
Смотреть T | Закладка |
Atha kho sambahulā bhikkhū pubbaṇhasamayaṃ nivāsetvā pattacīvaramādāya sāvatthiṃ piṇḍāya pāvisiṃsu. Sāvatthiyaṃ piṇḍāya caritvā pacchābhattaṃ piṇḍapātapaṭikkantā yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinnā kho te bhikkhū bhagavantaṃ etadavocuṃ – |
Смотреть T | Закладка |
"Idha, bhante, sambahulā nānātitthiyasamaṇabrāhmaṇaparibbājakā sāvatthiyaṃ paṭivasanti nānādiṭṭhikā nānākhantikā nānārucikā nānādiṭṭhinissayanissitā. |
Смотреть T | Закладка |
"Santeke samaṇabrāhmaṇā evaṃvādino evaṃdiṭṭhino – 'sassato loko, idameva saccaṃ moghamañña'nti - pe - te bhaṇḍanajātā kalahajātā vivādāpannā aññamaññaṃ mukhasattīhi vitudantā viharanti – 'ediso dhammo, nediso dhammo; nediso dhammo, ediso dhammo"' ti. |
Смотреть T | Закладка |
"Aññatitthiyā, bhikkhave, paribbājakā andhā acakkhukā; atthaṃ na jānanti, anatthaṃ na jānanti, dhammaṃ na jānanti, adhammaṃ na jānanti. Te atthaṃ ajānantā anatthaṃ ajānantā dhammaṃ ajānantā adhammaṃ ajānantā bhaṇḍanajātā kalahajātā vivādāpannā aññamaññaṃ mukhasattīhi vitudantā viharanti – 'ediso dhammo, nediso dhammo; nediso dhammo, ediso dhammo"'ti. |
Смотреть T | Закладка |
"Bhūtapubbaṃ, bhikkhave, imissāyeva sāvatthiyā aññataro rājā ahosi. Atha kho, bhikkhave, so rājā aññataraṃ purisaṃ āmantesi – 'ehi tvaṃ, ambho purisa, yāvatakā sāvatthiyā jaccandhā te sabbe ekajjhaṃ sannipātehī'ti. 'Evaṃ, devā'ti kho, bhikkhave, so puriso tassa rañño paṭissutvā yāvatakā sāvatthiyā jaccandhā te sabbe gahetvā yena so rājā tenupasaṅkami; upasaṅkamitvā taṃ rājānaṃ etadavoca – 'sannipātitā kho te, deva, yāvatakā sāvatthiyā jaccandhā'ti. 'Tena hi, bhaṇe, jaccandhānaṃ hatthiṃ dassehī'ti. 'Evaṃ, devā'ti kho, bhikkhave, so puriso tassa rañño paṭissutvā jaccandhānaṃ hatthiṃ dassesi. |
Смотреть T | Закладка |
"Ekaccānaṃ jaccandhānaṃ hatthissa sīsaṃ dassesi – 'ediso, jaccandhā, hatthī'ti. Ekaccānaṃ jaccandhānaṃ hatthissa kaṇṇaṃ dassesi – 'ediso, jaccandhā, hatthī'ti. Ekaccānaṃ jaccandhānaṃ hatthissa dantaṃ dassesi – 'ediso, jaccandhā, hatthī'ti. Ekaccānaṃ jaccandhānaṃ hatthissa soṇḍaṃ dassesi – 'ediso, jaccandhā, hatthī'ti. Ekaccānaṃ jaccandhānaṃ hatthissa kāyaṃ dassesi – 'ediso, jaccandhā, hatthī'ti. Ekaccānaṃ jaccandhānaṃ hatthissa pādaṃ dassesi – 'ediso, jaccandhā, hatthī'ti. Ekaccānaṃ jaccandhānaṃ hatthissa satthiṃ [piṭṭhiṃ (syā.)] dassesi – 'ediso, jaccandhā, hatthī'ti. Ekaccānaṃ jaccandhānaṃ hatthissa naṅguṭṭhaṃ dassesi – 'ediso, jaccandhā, hatthī'ti. Ekaccānaṃ jaccandhānaṃ hatthissa vāladhiṃ dassesi – 'ediso, jaccandhā, hatthī"'ti. |
Смотреть T | Закладка |
"Atha kho, bhikkhave, so puriso jaccandhānaṃ hatthiṃ dassetvā yena so rājā tenupasaṅkami; upasaṅkamitvā taṃ rājānaṃ etadavoca – 'diṭṭho kho tehi, deva, jaccandhehi hatthī; yassa dāni kālaṃ maññasī'ti. |
Смотреть T | Закладка |
"Atha kho, bhikkhave, so rājā yena te jaccandhā tenupasaṅkami; upasaṅkamitvā te jaccandhe etadavoca – 'diṭṭho vo, jaccandhā, hatthī'ti ? 'Evaṃ, deva, diṭṭho no hatthī'ti. 'Vadetha, jaccandhā, kīdiso hatthī'ti? |
Смотреть T | Закладка |
"Yehi, bhikkhave, jaccandhehi hatthissa sīsaṃ diṭṭhaṃ ahosi, te evamāhaṃsu – 'ediso, deva, hatthī seyyathāpi kumbho'ti. |
Смотреть T | Закладка |
"Yehi, bhikkhave, jaccandhehi hatthissa kaṇṇo diṭṭho ahosi, te evamāhaṃsu – 'ediso, deva, hatthī seyyathāpi suppo'ti. |
Смотреть T | Закладка |
"Yehi, bhikkhave, jaccandhehi hatthissa danto diṭṭho ahosi, te evamāhaṃsu – 'ediso, deva, hatthī seyyathāpi khīlo'ti. |
Смотреть T | Закладка |
"Yehi, bhikkhave, jaccandhehi hatthissa soṇḍo diṭṭho ahosi, te evamāhaṃsu – 'ediso, deva, hatthī seyyathāpi naṅgalīsā'ti. |
Смотреть T | Закладка |
"Yehi, bhikkhave, jaccandhehi hatthissa kāyo diṭṭho ahosi, te evamāhaṃsu – 'ediso, deva, hatthī seyyathāpi koṭṭho'ti. |
Смотреть T | Закладка |
"Yehi, bhikkhave, jaccandhehi hatthissa pādo diṭṭho ahosi, te evamāhaṃsu – 'ediso, deva, hatthī seyyathāpi thūṇo'ti. |
Смотреть T | Закладка |
"Yehi, bhikkhave, jaccandhehi hatthissa satthi diṭṭho [piṭṭhi diṭṭā (ka. sī. syā. pī.), satthi diṭṭhā (ka. sī.)] hosi, te evamāhaṃsu – 'ediso, deva, hatthī seyyathāpi udukkhalo'ti. |
Смотреть T | Закладка |
"Yehi, bhikkhave, jaccandhehi hatthissa naṅguṭṭhaṃ diṭṭhaṃ ahosi, te evamāhaṃsu – 'ediso, deva, hatthī seyyathāpi musalo'ti. |
Смотреть T | Закладка |
"Yehi, bhikkhave, jaccandhehi hatthissa vāladhi diṭṭho ahosi, te evamāhaṃsu – 'ediso, deva, hatthī seyyathāpi sammajjanī'ti. |
Смотреть T | Закладка |
"Te 'ediso hatthī, nediso hatthī; nediso hatthī, ediso hatthī"'ti aññamaññaṃ muṭṭhīhi saṃsumbhiṃsu [saṃyujjhiṃsu (ka. sī., syā. pī.)]. Tena ca pana, bhikkhave, so rājā attamano ahosi. |
Смотреть T | Закладка |
"Evameva kho, bhikkhave, aññatitthiyā paribbājakā andhā acakkhukā. Te atthaṃ na jānanti anatthaṃ na jānanti, dhammaṃ na jānanti adhammaṃ na jānanti. Te atthaṃ ajānantā anatthaṃ ajānantā, dhammaṃ ajānantā adhammaṃ ajānantā bhaṇḍanajātā kalahajātā vivādāpannā aññamaññaṃ mukhasattīhi vitudantā viharanti – 'ediso dhammo, nediso dhammo; nediso dhammo, ediso dhammo"'ti. |
Смотреть T | Закладка |
Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi – |
Смотреть T | Закладка |
"Imesu kira sajjanti, eke samaṇabrāhmaṇā; |
Смотреть T | Закладка |
Viggayha naṃ vivadanti, janā ekaṅgadassino"ti. catutthaṃ; |