Что нового | Оглавление | Поиск | Закладки | Словарь | Вход | EN / RU |
Смотреть | Закладка | 3. Brahmasuttaṃ Таблица |
Смотреть T | Закладка |
63. "Sabrahmakāni, bhikkhave [itivu. 106], tāni kulāni yesaṃ puttānaṃ mātāpitaro ajjhāgāre pūjitā honti. Sapubbācariyakāni, bhikkhave, tāni kulāni, yesaṃ puttānaṃ mātāpitaro ajjhāgāre pūjitā honti. Sapubbadevatāni [sapubbadevāni (syā. kaṃ.)], bhikkhave, tāni kulāni yesaṃ puttānaṃ mātāpitaro ajjhāgāre pūjitā honti. Sāhuneyyakāni, bhikkhave, tāni kulāni yesaṃ puttānaṃ mātāpitaro ajjhāgāre pūjitā honti. |
Смотреть T | Закладка |
"Brahmāti, bhikkhave, mātāpitūnaṃ [mātāpitunnaṃ (sī. pī.)] etaṃ adhivacanaṃ. Pubbācariyāti, bhikkhave, mātāpitūnaṃ etaṃ adhivacanaṃ. Pubbadevatāti [pubbadevāti (sī. syā. kaṃ.)], bhikkhave, mātāpitūnaṃ etaṃ adhivacanaṃ. Āhuneyyāti, bhikkhave, mātāpitūnaṃ etaṃ adhivacanaṃ. Taṃ kissa hetu? Bahukārā, bhikkhave, mātāpitaro, puttānaṃ āpādakā posakā imassa lokassa dassetāro"ti. |
Смотреть T | Закладка |
"Brahmāti mātāpitaro, pubbācariyāti vuccare; |
Смотреть T | Закладка |
Āhuneyyā ca puttānaṃ, pajāya anukampakā. |
Смотреть T | Закладка |
"Tasmā hi ne namasseyya, sakkareyya ca paṇḍito; |
Смотреть T | Закладка |
Annena atha pānena, vatthena sayanena ca; |
Смотреть T | Закладка |
Ucchādanena nhāpanena, pādānaṃ dhovanena ca. |
Смотреть T | Закладка |
"Tāya naṃ pāricariyāya, mātāpitūsu paṇḍitā; |
Смотреть T | Закладка |
Idheva naṃ pasaṃsanti, pecca sagge pamodatī"ti. tatiyaṃ; |