Что нового | Оглавление | Поиск | Закладки | Словарь | Вход | EN / RU |
Смотреть | Закладка | 10. Samiddhisuttaṃ Таблица |
Смотреть T | Закладка |
20. Evaṃ me sutaṃ – ekaṃ samayaṃ bhagavā rājagahe viharati tapodārāme. Atha kho āyasmā samiddhi rattiyā paccūsasamayaṃ paccuṭṭhāya yena tapodā tenupasaṅkami gattāni parisiñcituṃ. Tapode gattāni parisiñcitvā paccuttaritvā ekacīvaro aṭṭhāsi gattāni pubbāpayamāno. Atha kho aññatarā devatā abhikkantāya rattiyā abhikkantavaṇṇā kevalakappaṃ tapodaṃ obhāsetvā yena āyasmā samiddhi tenupasaṅkami; upasaṅkamitvā vehāsaṃ ṭhitā āyasmantaṃ samiddhiṃ gāthāya ajjhabhāsi – |
Смотреть T | Закладка |
"Abhutvā bhikkhasi bhikkhu, na hi bhutvāna bhikkhasi; |
Смотреть T | Закладка |
Bhutvāna bhikkhu bhikkhassu, mā taṃ kālo upaccagā"ti. |
Смотреть T | Закладка |
"Kālaṃ vohaṃ na jānāmi, channo kālo na dissati; |
Смотреть T | Закладка |
Tasmā abhutvā bhikkhāmi, mā maṃ kālo upaccagā"ti. |
Смотреть T | Закладка |
Atha kho sā devatā pathaviyaṃ [paṭhaviyaṃ (sī. syā. kaṃ. pī.)] patiṭṭhahitvā āyasmantaṃ samiddhiṃ etadavoca – "daharo tvaṃ bhikkhu, pabbajito susu kāḷakeso, bhadrena yobbanena samannāgato, paṭhamena vayasā, anikkīḷitāvī kāmesu. Bhuñja, bhikkhu, mānusake kāme; mā sandiṭṭhikaṃ hitvā kālikaṃ anudhāvī"ti. |
Смотреть T | Закладка |
"Na khvāhaṃ, āvuso, sandiṭṭhikaṃ hitvā kālikaṃ anudhāvāmi. Kālikañca khvāhaṃ, āvuso, hitvā sandiṭṭhikaṃ anudhāvāmi. Kālikā hi, āvuso, kāmā vuttā bhagavatā bahudukkhā bahupāyāsā; ādīnavo ettha bhiyyo. Sandiṭṭhiko ayaṃ dhammo akāliko ehipassiko opaneyyiko paccattaṃ veditabbo viññūhī"ti. |
Смотреть T | Закладка |
"Kathañca, bhikkhu, kālikā kāmā vuttā bhagavatā bahudukkhā bahupāyāsā, ādīnavo ettha bhiyyo? Kathaṃ sandiṭṭhiko ayaṃ dhammo akāliko ehipassiko opaneyyiko paccattaṃ veditabbo viññūhī"ti? |
Смотреть T | Закладка |
"Ahaṃ kho, āvuso, navo acirapabbajito adhunāgato imaṃ dhammavinayaṃ. Na tāhaṃ [na khvāhaṃ (sī. pī.)] sakkomi vitthārena ācikkhituṃ. Ayaṃ so bhagavā arahaṃ sammāsambuddho rājagahe viharati tapodārāme. Taṃ bhagavantaṃ upasaṅkamitvā etamatthaṃ puccha. Yathā te bhagavā byākaroti tathā naṃ dhāreyyāsī"ti. |
Смотреть T | Закладка |
"Na kho, bhikkhu, sukaro so bhagavā amhehi upasaṅkamituṃ, aññāhi mahesakkhāhi devatāhi parivuto. Sace kho tvaṃ, bhikkhu, taṃ bhagavantaṃ upasaṅkamitvā etamatthaṃ puccheyyāsi, mayampi āgaccheyyāma dhammassavanāyā"ti. "Evamāvuso"ti kho āyasmā samiddhi tassā devatāya paṭissutvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā samiddhi bhagavantaṃ etadavoca – |
Смотреть T | Закладка |
"Idhāhaṃ, bhante, rattiyā paccūsasamayaṃ paccuṭṭhāya yena tapodā tenupasaṅkamiṃ gattāni parisiñcituṃ. Tapode gattāni parisiñcitvā paccuttaritvā ekacīvaro aṭṭhāsiṃ gattāni pubbāpayamāno. Atha kho, bhante, aññatarā devatā abhikkantāya rattiyā abhikkantavaṇṇā kevalakappaṃ tapodaṃ obhāsetvā yenāhaṃ tenupasaṅkami; upasaṅkamitvā vehāsaṃ ṭhitā imāya gāthāya ajjhabhāsi – |
Смотреть T | Закладка |
"Abhutvā bhikkhasi bhikkhu, na hi bhutvāna bhikkhasi; |
Смотреть T | Закладка |
Bhutvāna bhikkhu bhikkhassu, mā taṃ kālo upaccagā"ti. |
Смотреть T | Закладка |
"Evaṃ vutte ahaṃ, bhante, taṃ devataṃ gāthāya paccabhāsiṃ – |
Смотреть T | Закладка |
"Kālaṃ vohaṃ na jānāmi, channo kālo na dissati; |
Смотреть T | Закладка |
Tasmā abhutvā bhikkhāmi, mā maṃ kālo upaccagā"ti. |
Смотреть T | Закладка |
"Atha kho, bhante, sā devatā pathaviyaṃ patiṭṭhahitvā maṃ etadavoca – 'daharo tvaṃ, bhikkhu, pabbajito susu kāḷakeso, bhadrena yobbanena samannāgato, paṭhamena vayasā, anikkīḷitāvī kāmesu. Bhuñja, bhikkhu, mānusake kāme; mā sandiṭṭhikaṃ hitvā kālikaṃ anudhāvī"'ti. |
Смотреть T | Закладка |
"Evaṃ vuttāhaṃ, bhante, taṃ devataṃ etadavocaṃ – 'na khvāhaṃ, āvuso, sandiṭṭhikaṃ hitvā kālikaṃ anudhāvāmi; kālikañca khvāhaṃ, āvuso, hitvā sandiṭṭhikaṃ anudhāvāmi. Kālikā hi, āvuso, kāmā vuttā bhagavatā bahudukkhā bahupāyāsā; ādīnavo ettha bhiyyo. Sandiṭṭhiko ayaṃ dhammo akāliko ehipassiko opaneyyiko paccattaṃ veditabbo viññūhī"'ti. |
Смотреть T | Закладка |
"Evaṃ vutte, bhante, sā devatā maṃ etadavoca – 'kathañca, bhikkhu, kālikā kāmā vuttā bhagavatā bahudukkhā bahupāyāsā; ādīnavo ettha bhiyyo? Kathaṃ sandiṭṭhiko ayaṃ dhammo akāliko ehipassiko opaneyyiko paccattaṃ veditabbo viññūhī'ti? Evaṃ vuttāhaṃ, bhante, taṃ devataṃ etadavocaṃ – 'ahaṃ kho, āvuso, navo acirapabbajito adhunāgato imaṃ dhammavinayaṃ, na tāhaṃ sakkomi vitthārena ācikkhituṃ. Ayaṃ so bhagavā arahaṃ sammāsambuddho rājagahe viharati tapodārāme. Taṃ bhagavantaṃ upasaṅkamitvā etamatthaṃ puccha. Yathā te bhagavā byākaroti tathā naṃ dhāreyyāsī"'ti. |
Смотреть T | Закладка |
"Evaṃ vutte, bhante, sā devatā maṃ etadavoca – 'na kho, bhikkhu, sukaro so bhagavā amhehi upasaṅkamituṃ, aññāhi mahesakkhāhi devatāhi parivuto. Sace kho, tvaṃ bhikkhu, taṃ bhagavantaṃ upasaṅkamitvā etamatthaṃ puccheyyāsi, mayampi āgaccheyyāma dhammassavanāyā'ti. Sace, bhante, tassā devatāya saccaṃ vacanaṃ, idheva sā devatā avidūre"ti. |
Смотреть T | Закладка |
Evaṃ vutte, sā devatā āyasmantaṃ samiddhiṃ etadavoca – "puccha, bhikkhu, puccha, bhikkhu, yamahaṃ anuppattā"ti. |
Смотреть T | Закладка |
Atha kho bhagavā taṃ devataṃ gāthāhi ajjhabhāsi – |
Смотреть T | Закладка |
"Akkheyyasaññino sattā, akkheyyasmiṃ patiṭṭhitā; |
Смотреть T | Закладка |
Akkheyyaṃ apariññāya, yogamāyanti maccuno. |
Смотреть T | Закладка |
"Akkheyyañca pariññāya, akkhātāraṃ na maññati; |
Смотреть T | Закладка |
Tañhi tassa na hotīti, yena naṃ vajjā na tassa atthi; |
Смотреть T | Закладка |
Sace vijānāsi vadehi yakkhā"ti [yakkhīti (pī. ka.)]. |
Смотреть T | Закладка |
"Na khvāhaṃ, bhante, imassa bhagavatā saṅkhittena bhāsitassa vitthārena atthaṃ ājānāmi. Sādhu me, bhante, bhagavā tathā bhāsatu yathāhaṃ imassa bhagavatā saṅkhittena bhāsitassa vitthārena atthaṃ jāneyya"nti. |
Смотреть T | Закладка |
"Samo visesī uda vā [athavā (sī. pī.)] nihīno, |
Смотреть T | Закладка |
Yo maññatī so vivadetha [sopi vadetha (ka.)] tena; |
Смотреть T | Закладка |
Tīsu vidhāsu avikampamāno, |
Смотреть T | Закладка |
Samo visesīti na tassa hoti; |
Смотреть T | Закладка |
Sace vijānāsi vadehi yakkhā"ti. |
Смотреть T | Закладка |
"Imassāpi khvāhaṃ, bhante, bhagavatā saṅkhittena bhāsitassa na vitthārena atthaṃ ājānāmi. Sādhu me, bhante, bhagavā tathā bhāsatu yathāhaṃ imassa bhagavatā saṅkhittena bhāsitassa vitthārena atthaṃ jāneyya"nti. |
Смотреть T | Закладка |
"Pahāsi saṅkhaṃ na vimānamajjhagā, acchecchi [acchejji (syā. kaṃ. ka.)] taṇhaṃ idha nāmarūpe; |
Смотреть T | Закладка |
Taṃ chinnaganthaṃ anighaṃ nirāsaṃ, pariyesamānā nājjhagamuṃ; |
Смотреть T | Закладка |
Devā manussā idha vā huraṃ vā, saggesu vā sabbanivesanesu; |
Смотреть T | Закладка |
Sace vijānāsi vadehi yakkhā"ti. |
Смотреть T | Закладка |
"Imassa khvāhaṃ, bhante, bhagavatā saṅkhittena bhāsitassa evaṃ vitthārena atthaṃ ājānāmi – |
Смотреть T | Закладка |
"Pāpaṃ na kayirā vacasā manasā, |
Смотреть T | Закладка |
Kāyena vā kiñcana sabbaloke; |
Смотреть T | Закладка |
Kāme pahāya satimā sampajāno, |
Смотреть T | Закладка |
Dukkhaṃ na sevetha anatthasaṃhita"nti. |
Смотреть T | Закладка |
Nandanavaggo dutiyo. |
Смотреть T | Закладка |
Tassuddānaṃ – |
Смотреть T | Закладка |
Nandanā nandati ceva, natthiputtasamena ca; |
Смотреть T | Закладка |
Khattiyo saṇamāno ca, niddātandī ca dukkaraṃ; |
Смотреть T | Закладка |
Hirī kuṭikā navamo, dasamo vutto samiddhināti. |